mali
ger ta12:22 | 15/02/2020
Të paktën 30 njerëz, përfshirë nëntë ushtarë, janë vrarë në tre incidente të ndryshme në Mali.
21 prej tyre u vranë pasi persona të armatosur sulmuan një fshat në qendër të Malit, duke djegur shtëpi dhe bagëti. Ndërsa, një grup prej tetë ushtarësh gjithashtu vdiqën në një pritë, ndërsa një tjetër u vra gjatë një sulmi në një kamp ushtarak në rajonin e Gao.
Mali është përfshirë nga një valë krizash që nga viti 2012 kur shpërtheu një rebelim islamik në veri.
Fshati Ogossagou, ku ndodhi një nga sulmet e së Premtes, është një zonë etike e njohur si Fulani dhe jetojnë kryesisht muslimanë që punojnë si barinj.
Grupe të tjera etnike në Mali, përfshirë komunitetin Dogon, akuzojnë Fulanin se janë të lidhur me grupet xhihadiste që veprojnë në të gjithë rajonin Sahel. Këto akuza kanë nxitur dhunën ndëretnike vitet e fundit. Marsin e vitit të kaluar, 160 njerëz u vranë në një sulm tjetër në Ogossagou. /abcnews.al
nev ila16:35 | 19/01/2020
Ministria e Mbrojtjes ka nisur helikopterin e Forcave Ajrore, për të bërë të mundur transportimin e alpinisitit që theu këmbën teksa eksploronte Malin e Tomorrit.
Tre orë pas ngjarjes, në njoftimin zyrtar, thuhet se alpinisti i dëmtuar do të transportohet drejt Spitalit të Traumës për të marrë ndihmën e nevojshme mjekësore.
Alpinisti, identiteti i të cilit nuk bëhet me dije, kishte shkuar së bashku me tre alpinistë të tjerë për të eksploruar malin e Tomorrit.
Ata ishin nisur mëngjesin e sotëm nga Qafa e Dardhës në Librazhd, por gjatë ecjes në mal, ai rrëshqiti në një vend të thepisur dhe theu këmbën. Ndihmën e parë, alpinisti e mori nga bashkëudhëtarët e tij./abcnews.al
nev ila15:43 | 13/01/2020
Policia e Shtetit njoftoi mbrëmë shpëtimin e 4 alpinistëve të bllokuar në Malin e Gramozit, për shkak të motit të keq. Të gjithë mediat nxituan të publikonin këtë lajm jo pak të rëndësishëm pasi kishte të bënte me 4 jetë njerëzish.
Por ditën e sotme një nga alpinistët e shpëtuar mbrëmjen e djeshmë për habi “rrokullisi” gjithë versionin e ashtuquajtur zyrtar të Policisë së Shtetit.
Çfarë ndodhi?
Policia tha se: “Në Sallën Operative të Komisariatit të Policisë Kolonjë, është marrë një telefonatë sipas të cilës 4 alpinistë, mund të kishin mbetur të bllokuar në rrugë për shkak të kushteve të vështira atmosferike. Menjëherë pas marrjes së këtij njoftimi, në drejtim të zonës, u nisën shërbime të Komisariatit të Policisë Kolonjë dhe pas disa orë kërkimesh, u bë i mundur lokalizimi dhe gjetja në gjendje të mirë shëndetësore e 4 alpinistëve, ishte versioni i policisë…
Ndërsa në një koment në rrjetin social Facebook, një nga alpinistët shkroi: Polica genjen! Na kerkuan nje foto ne menyr shoqerore…..!!, duke postuar 2 foto të cilat duken se janë kapur në momente të gëzueshme, të paktën kështu kuptohet në to.
Duket se Xhakolli një përgënjeshtrim të tillë, e ka bërë edhe ne disa faqe të tjera, në rrjetet sociale ku shkruan:
“Me vjen keq qe keni publikur kete lajm te rrem pasi ne nuk kemi humber dhe nuk na keni shpetuar nga asgje.policet na kerkuan te benim nje foto ne menyr shoqerore pasi ne berem ekspedit dimeror ne malin e Gramozit ne kushte exstreme. Dhe ju siguroj policet tuaj nuk e kan ate nivel sa te arrin dhe te shpetojn njerez ne ato kushte si le barku dhe rakia qe pin lokaleve me vjen keq qe flas keshtu por keni genjyr ne menyr te turpeshme. Ju lutem pergenjeshtroheni kete lajme pasi keni perdorur imazhet tona dhe keni shqetesur gjith familjaret tone”.
Asnjë hezitim nuk pati policia kur në versionin e njoftimit të saj zyrtar thoshte se:
“Alpinistët (njëra prej tyre vajzë) kanë falenderuar shërbimet e Policisë dhe banorët, që iu erdhën në ndihmë dhe iu shpëtuan jetën. Policia më pas ka bërë shoqërimin e tyre, deri në vendin ku u akomoduan në qytetin e Ersekës”.
/abcnews.al
nev ila22:45 | 12/01/2020
Katër alpinistë i kanë shpëtuar motit të keq mbrëmjen e sotme. Alpinistët ishin nisur herët për ngjitjen në malin e Gramozit por me sa duket kanë humbur kontaktet.
Menjëherë është sinjalizuar policia e Kolonjës, e cila së bashku me banorë të zonës, kanë bërë të mundur lokalizimin e alpinistëve.
Alpinistët janë në gjendje të mirë shëndetësore, dhe tashmë janë akomoduar në hotelet e qytetit të Ersekës.
Njoftimi i policisë:
“Në Sallën Operative të Komisariatit të Policisë Kolonjë, është marrë një telefonatë sipas të cilës 4 alpinistë që kishin lënë mjetin e tyre tip “Ford”, në fshatin Starje dhe ishin nisur për të ngjitur malin e Gramozit, mund të kishin mbetur të bllokuar në rrugë për shkak të kushteve të vështira atmosferike.
Menjëherë pas marrjes së këtij njoftimi, në drejtim të zonës, u nisën shërbime të Komisariatit të Policisë Kolonjë dhe Stacionit të Policisë Kufitare Shtikë, të Emergjencave Civile, të ndihmuar edhe nga banorë të zonës.
Pas disa orë kërkimesh, u bë i mundur lokalizimi dhe gjetja në gjendje të mirë shëndetësore e 4 alpinistëve, të cilët ishin ngjitur në majën e quajtur “Çuka e Peçit” në lartësinë 2523 m, të malit të Gramozit dhe më pas për shkak të kushteve të vështira atmosferike, kishin hasur vështirësi gjatë kthimit.
Alpinistët (njëra prej tyre vajzë) kanë falenderuar shërbimet e Policisë dhe banorët, që iu erdhën në ndihmë dhe iu shpëtuan jetën. Policia më pas ka bërë shoqërimin e tyre, deri në vendin ku u akomoduan në qytetin e Ersekës“./abcnews.al
nev ila22:54 | 02/11/2019
Militantët në Malin lindor kanë vrarë 49 ushtarë në një sulm ndaj një poste ushtarake në rajonin Menaka, ka thënë ushtria.
Ky është një nga sulmet më vdekjeprurëse kundër ushtrisë së vendit të Afrikës Perëndimore në kujtesën e fundit. Ndërkaq, grupi i Shtetit Islamik ka pranuar autorësinë e sulmit përmes daljes në internet të lajmeve Amaq.
Mali ka qenë nën terror që nga viti 2012, kur militantët islamikë pushtuan veriun. Me ndihmën e Francës, ushtria e Malit ka rikuperuar territorin.
Sidoqoftë, pasiguria atje vazhdon dhe dhuna është përhapur në vendet e tjera të rajonit./abcnews.al
nev ila16:11 | 29/08/2019
Një vullkan ka shpërthyer në malin Stromboli, një ishull i vogël pranë Siçilisë. Ngjarja ka shkaktuar panik tek pushuesit që ndodheshin në ishull, të cilët i kanë shpëtuar mrekullisht shtëllungës së madhe të tymit.
Ky është momenti shpërthimit të vullkanit në malin Stromboli, një ishull i vogël pranë brigjeve të Siçilisë.
Çaste paniku përjetuan këta pushues, që shihnin shtëllungën gjigante të tymit, t’i afrohej barkës së tyre.
Pamja që ofrohej pak më larg ishte sepktakolare.
19-vjeçarja Elena Schiera, një nga personat në barkë, rrëfeu terrorin e përjetuar. Shpëtuam për mrekulli, tha ajo për CNN. Fatmirësisht nuk rezulton asnjë viktimë si pasojë e vullkanit.
Bëhet fjalë për shpërthimin e dytë në më pak se dy muaj të Strombolit. Në korrik të vitit të kaluar një 35-vjeçar teksa po ngjiste malin, humbi jetën nga shpërthimi i vullkanit./ABC News Albania 24/7
ad min10:57 | 27/08/2019
Gjykata e Shkallës së Parë në Lezhë ka vendosur të lerë të lirë dy personat e arrestuar për zjarrvënien në malin e Shëngjinit. Për Ardit Ujkën dhe Miklovan Ivanaj u vendos masa detyrim paraqitje.
Mësohet se të dy kanë deklaruar para trupit gjykues se nuk kanë lidhje me këtë çështje dhe janë banorë të zonës. Të akuzuarit kanë thënë se ishin të parët që njoftuan policinë për zjarrin pasi kishin frikë se do u digjej stani i bagëtive.
Zjarri në malin e Shëngjinit zgjati dy ditë duke shkrumbuar mijëra hektarë me pisha./ABC News Albania 24/7
ent ela19:30 | 31/07/2019
Gjatë takimit me strukturat drejtuese të PD në Maliq, kreu i opozitës Lulzim Basha bëri Edi Ramën përgjegjës për rritjen e papunësisë dhe varfërisë nëpërmjet politikës së tij të grabitjes, vjedhjes dhe abuzimit me pushtetin.
“Shqiptarët janë pa punë, sepse ekonominë dhe mundësitë ekonomike i kanë marrë oligarkët dhe klientët. Paratë e shqiptarëve po i vjedh Edi Rama me familjen dhe miqtë e tij. Pasurohen të pushtetshmit dhe klientët e Ramës, varfërohen njerëzit e thjeshtë dhe të pambrojtur”-tha zoti Basha, i cili vuri në dukje se 1 në 3 shqiptarë nuk ka mundësi të ushqehet për shkak të vjedhjes dhe shpërdorimit për luks të parave publike nga Edi Rama dhe qeveria e tij.
“Edi Rama i shpërfill shqiptarët, dhunon të pambrojturit e të varfërit dhe u shërben të fortëve dhe oligarkëve. Ai është arrogant me njerëzit e thjeshtë, me intelektualët, me artistët, por është i përulur para kriminelëve dhe oligarkëve.”– e përkufizoi zoti Basha kreun e qeverisë për të treguar mënyrë e Edi Ramës në drejtimin e vendit dhe prioritetet e qeverisë së tij.
“Edi Rama është artist i mashtrimit. Çdo gjë që ka premtuar, ka qenë mashtrim, pasi qëllimi i tij i vetëm është të vjedhë. Çdo projekt, program dhe politikë është mashtrim për shqiptarët, në shërbim të tij dhe oligarkëve”-theksoi kreu i opozitës.
Duke iu referuar refuzimit të Edi Ramës nga 85% e shqiptarëve më 30 Qershor, zoti Basha vuri në dukje se ky ishte bashkimi më i madh qytetar për të refuzuar varfërinë, papunësinë dhe ekonominë e shkatërruar prej hajdutërisë, kriminalitetit dhe paligjshmërisë së Edi Ramës.
“Kjo është një qeveri që noton në paligjshmëri, sepse ka ardhur nga paligjshmëria. – u shpreh Basha. – Beteja popullore, e organizuar nga opozita, vetëdijësimi kombëtar dhe kurajo për t’u përballur, e ka bashkuar shumicën "Rama ik" në vendimin e pakthyeshëm popullor për zgjedhje të parakohshme parlamentare dhe në të njëjtën ditë për të zgjedhur, sipas Kushtetutës, edhe pushtetin vendor, kryetarët e Bashkive dhe këshillat bashkiakë”– deklaroi në Maliq Kryetari i PD, Lulzim Basha.
ad min19:30 | 15/06/2019
Emision: 15.06.2019
ad min15:10 | 31/05/2019
Reagime të ashpra ndaj deklaratave të Kryeministres serbe Ana Brnabiç për shqiptarët e Kosovës. Një ditë më parë duke iu referuar aksionit të policisë së Kosovës në Veri të vendit, ajo tha se shqiptarët janë të zbritur nga mali. Brukseli e cilëson raciste gjuhën e përdorur nga politikania serbe.
Deklaratat raciste ndaj shqiptarëve të kryeministres së Serbisë Ana Brnabiç, vijojnë të shkaktojnë reagime. Ndërsa Ministria e Jashtme e Kosovës deklaroi se ajo nuk do të lejohet të hyjë në territorin e Kosovës, gazeta Express ka kontaktuar Zyrën e Përfaqësues së Lartë të BE-së e cila e ka dënuar deklaratën e shefes së Qeverisë së Serbisë se shqiptarët janë “njerëz të malit”.
Kryeministrja serbe Ana Brnabiç, nxiti reagime të shumta kur tha se shqiptarët “janë njerëz të dalë nga mali” duke iu referuar liderëve politikë aktualë që dikur ishin pjesë e UCK’së. Këtë deklaratë ajo e bëri në prani të shefit të delegacionit të BE-së në Serbi, Sem Fabrizio. Liderët kosovarë, përfshirë presidentin Thaçi kërkuan që BE të dënojë gjuhën raciste të kryeministres serbe.
Gazeta Express përmes e- emailit ka komunikuar me Maja Kocijançiç Zëdhënëse e Shefes së Diplomacisë së BE-së. E pyetur rreth qëndrimit të BE-së ndaj deklaratës së Bërnabiç për shqiptarët, ajo thotë se çdo retorikë fyese është në kundërshtim me qasjen bashkëpunuese dhe pajtuese ndërmjet dy shteteve.
Për deklaratën e Brnabiç Presidenti Hashim Thaçi ka thënë se kjo gjuhë është një tjetër dëshmi e urrejtjes patologjike të regjimit aktual të Serbisë kundër qytetarëve të Kosovës.
Edhe zëvendëskryeministri i Kosovës, Enver Hoxhaj, ka thënë se ndjehet i zhgënjyer me mosreagimin e BE-së.
Ndërsa, kosovarët kanë nxjerrë fotografi nëpër rrjete sociale nga malet. Kundër kryeministres serbe po bëhet fushatë në Twitter me hashtagun “Njerëzit nga mali” dhe “Fjalë për fjalë të shfaqur nga mali”.
Kësaj fushate i është bashkuar edhe Ambasadori i Gjermanisë në Kosovë, Christian Heldt, i cili ka thënë gjermanët janë adhurues të maleve. Duke vulosur edhe njëherë mbështetjen që Kosova e ka nga superfuqia e madhe botërore -Gjermania./ABC News Albania 24/7
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
