lebron james
Vladimir Prenga11:40 | 12/03/2020
As NBA nuk i ka shpëtuar Coronavirusit. Basketbolli amerikan ka marrë pushimet për momentin, për shkak të situatës së vështirë që është krijuar kudo në botë. Edhe në SHBA numri i të prekurve me COVID-19 ka ardhur në rritje dhe tashmë ka një luftë frontale kundër këtij virusi të re që po rrezikon jetën e njerëzve.
LeBron James ka lënë një koment në lidhje me situatën e krijuar, duke thënë se i gjithë ky vit duhet anuluar. Pas vdekjes së Kobe Bryant, një tjetër moment i vështirë për “The King” dhe botën e sportit, që tashmë duhet ta ndalë dhe presë një njoftim tjetër.
“Njerëz, po anulojmë ngjarjet sportive, shkolla, punën në zyrë dhe shumë gjëra të tjera. Çfarë me të vërtetë duhet të anulojmë është viti 2020. Dreq, kanë kaluar gati tre muaj. Zoti ju bekoftë, qëndroni të sigurt”. /abcnews.al
Man we cancelling sporting events, school, office work, etc etc. What we really need to cancel is 2020! 🤦🏾♂️. Damn it’s been a rough 3 months. God bless and stay safe🙏🏾
— LeBron James (@KingJames) March 12, 2020
Veronik Istrefaj23:22 | 08/03/2020
Po luhet takimi derbi në NBA mes LA Lakers dhe LA Clippers, me këta të fundit që e mbyllën pjesën e parë në avantazh 53-49. Shumë yje në parket, sfidë e luftuar dhe spektakël në Los Anxhelos, me tifozët e të dyja skuadrave që po shijojnë çdo sekondë.
Paul George dhe Kawhi Leonard po bëjnë një ndeshje të shkëlqyer deri më tani, ndërsa në krahun tjetër, LeBron James dhe Anthony Davies po mbajnë në garë Lakersin.
Episodi që po bën xhiron në internet, është një driblim e Leonard kundër LeBron James. Ky i fundit humbet përqendrimin në një moment dhe Leonard e lë mbrapa, duke shënuar më pas për 2. Tifozët e Clipper e shijuan çdo sekondë të këtij aksioni, pasi panë idhullin e tyre të turpërojë legjendën e NBA./abcnews.al
Kawhi too quick 😳
(via @NBA)pic.twitter.com/yg1VXpijv0
— Bleacher Report (@BleacherReport) March 8, 2020
Vladimir Prenga14:25 | 07/03/2020
LeBron James fiton duelin e madh me Giannis Antetokounmpo në basketbollin amerikan. Los Angeles Lakers ia dolën të triumfonin ndaj Milwaukee Bucks.
Ishte vërtet një përballje gjigantësh. Dy skuadrat më të mira të NBA-së u ndeshen në “Staples Center” në Los Anxhelos dhe ylli vendas, Lebron Xhejms, e fitoi duelin ndaj yllit mik, Giannis Antetokounmpo. Sfida ishte si një duel i parakohshëm për titull dhe kalifornianët triumfuan me shifrat 113-103.
LeBron James shënoi 37 pikë, duke qenë më i miri i ndeshjes dhe duke iu afruar regjistrimit tw “trille double” me 8 topa në tabela, 8 asiste dhe 3 vjedhje topi. E gjitha kjo në 36 minuta. Antetokounmpo nuk ishte keq, edhe pse gaboi mjaft nga largësia. Kapiteni i Milwaukee shënoi 32 pikë, kapi 11 topa në tabela, shërbeu 6 asiste dhe vodhi 1 top.
Me gjasë, Lakers triumfuan sepse James pati në krah Anthony Davis, që shënoi 30 pikë e kapi 9 topa në tabela. Shumë basketbollistë të tjerë luajtën mirë për të dyja skuadrat dhe ndeshja ishte e ekuilibruar deri në fund.
Lakers ishin në epërsi vetëm tri pikë pas periudhës së parë, gjysma e ndeshjes u mbyll në baraspeshë dhe në periudhën e katër kryesoi Milwaukee me 4 pikë. Në 12 minutat e fundit, Lakers përmbysën shifrat, duke fituar 113-103.
Me këtë sukses, kalifornianët siguruan kualifikimin në “play off”, duke mbajtur kreun e Konferencës Perëndimore, ndërsa Milwaukee udhëheq në Lindje dhe është skuadra me bilancin më të mirë në NBA në sezonin e rregullt. /abcnews.al
Vladimir Prenga12:25 | 26/02/2020
LeBron James fitoi duelin personal me yllin e ri të basketbollit amerikan, Zion Williamson. Ishte një duel brezash në Los Anxhelos.
Që kur ai është kthyer nga dëmtimi, New Orleans Pelicans duket skuadër tjetër dhe në 6 ndeshje ka fituar 5. Në vendin e Hollivudit, në Los Anxhelos, Zion Williamson do të duhej të bënte “pelegrinazhin” në shtëpinë e Mbretit të kurorëzuar të basketbollit botëror, LeBron James, një vizitë që nxori disa konkluzione.
Lakers fituan 118-109, ndërsa Mbreti LeBron triumfoi në duelin ndaj “pretendentit të fronit”. Asgjë për t’u habitur këtu, është krejt normale që një lojtar që ka 16 vjet karrierë të jetë më mirë sesa një djalosh me vetëm pak ndeshje përvojë dhe në moshën 19-vjeçare.
Në fund të fundit, diferenca nuk ishte shumë e madhe. James shënoi 40 pikë, rekordi i sezonit për të, kapi 8 topa në tabela e shërbeu 6 asiste. Po ashtu bllokoi 1 gjuajtje. U duk sikur ai deshi të tregonte se kush mbetet më i miri dhe të paralajmëronte se nuk do të jetë e lehtë për ta kaluar.
Williamson pati 29 pikë, 6 topa në tabela, 3 asiste dhe 1 vjedhje topi. Ai gaboi 6 nga 19 gjuajtjet e lira dhe kjo nuk e lejoi të kalonte shifrën rekord të sezonit, 32 pikë. Ishte Brendon Ingram, më i miri për New Orleans Pelicans, me 34 pikë, ndërsa Anthony Davis për herë të parë nuk shënoi të paktën 40 pikë ndaj ish-ekipit të tij.
Ylli i Lakers e mbylli ndeshjen me 21 pikë e 14 topa në tabela. Kalifornianët kryesojnë në Perëndim me 44 fitore e 12 humbje, ndërsa New Orleans Pelicans pati një ndalesë, por ka shpresa për të mbërritur në “play off”. /abcnews.al
Vladimir Prenga15:23 | 17/02/2020
Skuadra e udhëhequr nga LeBron James fitoi Ndeshjen e Yjeve në basketbollin amerikan. Në Çikago ishte një spektakël i vërtetë, ndërsa lojtari më i mirë u shpall Kawhi Leonard, duke fituar trofeun me emrin e legjendës, Kobe Bryant
Numri 1 në fushë nuk ishte asnjëri prej kapitenëve. Ylli i LA Clippers, Kawhi Leonard, kampioni në fuqi i NBA-së, realizoi 30 pikë në Ndeshjen e Yjeve që u fitua nga skuadra e LeBron James dhe bëri diferencën, me aq sa mund të bëhet në një duel spektakli.
Shifrat ishin 157-155, në një finish dramatik, të vendosur nga gjuajtjet e lira të Anthony Davis, ndërsa publiku prej gati 18 000 spektatorësh në Arenën e Çikagos e mori atë që donte. Vetë LeBron, kapiteni i ekipit të tij, shënoi 23 pikë, si dhe pati 5 topa në tabela e 6 asiste në gati 19 minuta lojë.
Giannis Antetokounmpo, kapiteni i skuadrës tjetër, shënoi 25 pikë, kapi 11 topa në tabela e shërbeu 4 asiste, duke vjedhur një top e bllokuar 3 gjuajtje, por ishte në fushë për më shumë minuta, 31.
Kawhi Leonard scores 30 PTS and hits 8 triples to lead #TeamLeBron to victory in the 2020 #NBAAllStar Game and win the Kia NBA All-Star Game Kobe Bryant MVP Award! #KiaAllStarMVP pic.twitter.com/HNQtL17fHH
— NBA (@NBA) February 17, 2020
Kawhi Leonard pati edhe një arritje të rëndësishme, pasi u shpall Lojtari më i mirë i ndeshjes, duke fituar trofeun e emërtuar Kobe Bryant, për nder të legjendës së Lakers, të shuar në aksident vetëm pak ditë më parë.
Në vetëm 20 minuta, ylli i Clippers realizoi 30 pikë, kapi 7 topa në tabela, shërbeu 4 asiste dhe vodhi 2 topa me fanellën e Skuadrës së LeBron. Anthont Davis realizoi 20 pikë, po për ekipin e LeBron, James Harden 11 dhe Luka Doncic 8.
Në ekipin e Giannis, Embiid realizoi 22 pikë, Walker 23, Gober 21. Spektakli tradicional, i 69-ti në histori, u vlerësua si një nga më të bukurit e realizuar ndonjëherë në Ndeshjet e Yjeve. /abcnews.al
Veronik Istrefaj08:47 | 07/02/2020
Houston Rockets arriti ta fitojë takimin kundër LA Lakers në transfertë, me rezultatin 111-121. Të dyja skuadrat i kushtuan rëndësi sulmit dhe në “Staples Center”, u pa një ndeshje shumë e bukur. Lojtari më i mirë në parket, ishte ylli i Rockets, Russell Westbrook.
“PointGuard” i Rockets bëri një ndeshje madhështore, duke shënuar 42 pikë, duke dhënë 5 asiste dhe duke fituar 8 topa në tabelës. Këto 42 pikë të shënuar kundër Lakers, e çuan në total numrin e pikëve në 20’007, duke u bërë lojtari i 42-të në NBA që kalon numrin e 20 mijë pikëve.
Ndërsa te Lakers, dyshja LeBron-Davies bënë një ndeshje gjithashtu të shkëlqyer. LeBron James shënoi 18 pikë, dha 15 asiste dhe fitoi 9 topa në tabelë, ndërsa Davies, shënoi plot 32 pikë./abcnews.al
Vladimir Prenga08:55 | 05/02/2020
LeBron James kaloi legjendën Kobe Bryant edhe në një renditje tjetër të basketbollit amerikan, në atë të gjuajtjeve për 3 pikë. Ylli i Los Angeles Lakers ndihmoi gjithashtu skuadrën në fitoren ndaj San Antonio Spurs.
Bëri një premtim, ndërsa nderoi kujtimin e legjendës që nuk është më. LeBron James deklaroi së brendshmi, por edhe publikisht, se do të vazhdonte misionin e tij në emër edhe të Kobe Bryant, kjo vetëm dy ditë pasi ylli kishte humbur jetën në aksident dhe tri ditë pasi e kishte kaluar atë në renditjen e shënuesve më të mirë të NBA-së.
Në moshën 35-vjeçare, gjiganti i basketbollit nuk ka të ndalur, madje është në gjendje të krijojë momente si ai i pjesës së katërt të ndeshjes Lakers-San Antonio, kur në vetëm tri minuta shënoi 5 kosha trepikësh radhazi.
Shokët e skuadrës e rrethuan në formë festimi, ndërsa publiku në nisi të brohoriste instinktivisht, “Kobe, Kobe”. Kalifornianët fituan 129-102 dhe James e përfundoi duelin me 36 pikë, 7 topa në tabela e 9 asiste. Lakers kishin qenë në epërsi të madhe, por San Antonio ishte afruar në fund të pjesës së tretë.
I mbiquajturi “Mbreti i basketbollit” mbërriti Bryant edhe në një renditje tjetër në NBA, në atë të koshave me vlerë trepikëshe. James ka 1831 gjuajtje të tilla të realizuara, një më shumë sesa Kobi.
Përveç shkëlqimit të LeBron, Laskers dominuan në tabela, duke kapur 58 topa aty, ndaj vetëm 28 të San Antonio që nuk e ka shtatlartësinë dhe fuqinë fizike të tyre. Anthony Davis pati 18 pikë e 5 topa në tabela, ndërsa Kuzma 18 pikë e 12 topa në tabela. Kalifornianët kryesojnë Konferencën Perëndimore me 38 fitore e 11 humbje. /abcnews.al
Vladimir Prenga10:51 | 28/01/2020
LeBron James ndihet i copëtuar. Vdekja e Kobe Bryant e ka pikëlluar dhe mezi ia ka dalë të shkruajë disa rreshta. “The King” nuk e imagjinonte dot se do të ndodhte diçka e tillë dhe Kobe do ndahej nga jeta kaq shpejt. Lidhja mes të dyve ka qenë e fortë dhe LeBron bën edhe një premtim të madh.
“Nuk jam gati, por po provoj të shkruaj. “Man”, jam ulur këtu dhe po përpiqem të shkruaj diçka për të bërë një postim, por sa herë që provoj nis të qaj, thjesht duke menduar për ty, për mbesën Gigi dhe për miqësinë, lidhjen, vëllazërinë që kishim së bashku.
E kisha dëgjuar zërin tënd të dielën në mëngjes, para të largohesha nga Philadelphia në Los Angeles. Nuk e kisha imagjinuar për një milion vite që do të ishte biseda jonë e fundit që do të kishim. Çfarë dreqin ndodhi! Jam zemërthyer dhe i dëshpëruar vëllai im.
Të dua vëllai im i madh. Zemra ime shkon menjëherë te Vanessa dhe fëmijët. Të premtoj se do ta çoj më tej trashëgiminë tënde. Je shumë i rëndësishëm për ne, sidomos për botën e Lakers. Tani është përgjegjësia ime që të marr mbi shpinë këtë peshë dhe të vazhdoj përpara.
Të lutem, më jep forcë nga lart dhe kujdesu për mua. Ka shumë gjëra që do doja të të thosha, por nuk mundem tani. Deri në ditën që do të shihemi sërish vëlla”, shkruan LeBron James në llogarinë e tij në “Instagram”. /abcnews.al
Vladimir Prenga11:56 | 08/01/2020
Anthony Davis refuzon ofertën e LA Lakers në basketbollin amerikan. Ylli i ardhur nga New Orleans synon një pagesë maksimale prej mbi 200 milionë dollarësh në 5 vitet e ardhshme
Një ndarje kaq shpejt as që mund të mendohet. Ndoshta nuk po bluan pikërisht këtë në kokën e tij Anthony Davis, por gjithsesi ka nisur një sfidë jashtë fushe me klubin e tij, Lakers.
Yllit të ardhur nga New Orleans Pelicans verën e kaluar, mësohet se i është ofruar një kontratë e re 4-vjeçare, me rrogë 46 milionë USD në sezon. Po ashtu, mësohet se ai e ka refuzuar kërkesën e Lakers, duke krijuar një lloj alarmi.
Mos vallë nuk ka më dëshirë të jetë partner me LeBron James, në një skuadër që i ka të gjitha gjasat që të luftojë për titullin? Pak besohet, pasi vështirë se Davis mund të gjejë shoqëri më të mirë. Synimi i tij, sipas analistëve të basketbollit në Amerikë, është që të përfitojë maksimalisht nga ana financiare.
Në verë, ai do të jetë lojtar i lirë dhe Lakers besohet se do të jenë të detyruar t’i japin kontratën më të lartë të mundshme, 202 milionë USD në 5 vjet. Çështje biznesi, diçka normale, ndërsa dyshja LeBron James-Anthony Davis pritet të jetë për shumë vjet së bashku, me synim për të fituar sa më shumë tituj në NBA që të jetë e mundur.
Në ndeshjen e fundit, gjithsesi,Davis nuk ishte aq lart, duke shënuar vetëm 5 pikë, ndërsa suksesi i thellë në fushën e New York Knicks erdhi falë LeBron. Kapiteni shënoi 31 pikë në “Medison Skuer Garden”, kapi 5 topa në tabela e shërbeu 5 asiste për fitoren 117-87. /abcnews.al
Veronik Istrefaj22:22 | 31/12/2019
LeBron James është një nga basketbollistët më të mirë i të gjithë kohërave në NBA, por asnjëherë nuk është vlerësuar më lart se Kobe Bryant dhe Michael Jordan.
Megjithatë, ish-shoku i tij i skuadrës te LA Lakers, Lonzo Ball, mendon se LeBron është pa asnjë diskutim basketbollisti më i mirë që ka shkelur ndonjëherë në parket. Tashmë lojtar i Pelicans, Ball tha për James:
“Personi që më ka mësuar më shumë gjatë vitit të kaluar është padiskutim LeBron. Vetëm duke qenë me të gjatë gjithë vitit: i njëjti ekip, i njëjti autobus, i njëjti hotel. Unë isha gjithmonë me të dhe thjesht mësoja ato gjëra që mundesha nga basketbollisti më i madh i të gjitha kohërave”, u shpreh Lonzo Ball./abcnews.al
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
13:23 | 02/04/2020
13:22 | 02/04/2020
