kuvend

auto_47056487_3031576933628.jpg
eri Ida18:19 | 07/02/2020

Bashkimi Demokratik për Integrim thotë se mungesa e balancimit të numrit të votuesve në njësitë zgjedhore do të rezultonte në një proces zgjedhor të jashtëligjshëm. Zëdhënësi i kësaj partie dhe zëvendëskryeministri Bujar Osmani, thotë se kjo është arsyeja që ata kanë bllokuar në Kuvend përfshirjen e rekomandimeve të OSBE/ODIHR-së në Kodin Zgjedhor.

Partia e Ahmetit shpreson se pavarësisht afatit të shkurtër, njësitë zgjedhore mund të balancohen.

“Devijimi nga 5%-shi ligjor në katër njësi zgjedhore e bën procesin zgjedhor joligjor. Janë rekomandimet e OSBE/ODIHR-së, janë të rëndësishme edhe për zgjedhjet, janë të rëndësishme edhe për vlerësimin e komunitetit ndërkombëtar ndaj zgjedhjeve. Mirëpo të hyjmë me vetëdije në shkelje të ligjit dhe në një proces joligjor, unë mendoj se rrezikojmë shumë aspekte; rrezikojmë që dikush të kontestojë në Gjykatën Kushtetuese ligjshmërinë e procesit zgjedhor dhe rrezikojmë që pesha e votuesit të jetë e ndryshme”, tha Osmani.

Amendamenti i tyre për Kodin zgjedhor i cili parasheh zhvendosjen e kufijve të njësive dhe kalimin e disa vendvotimeve nga njëra njësi në tjetrën u është dorëzuar LSDM-së dhe VMRO-së. Sipas Osmanit, LSDM-ja është duke bërë analizat ndërsa VMRO-ja thotë se nuk ka kohë të mjaftueshme për këto ndryshime. VMRO ka thënë zyrtarisht se Kodi zgjedhor ndryshohet me konsensus mes partive dhe se punojnë akoma për ta arritur atë.

Nuk mundet, nëse dikush këmbëngul në diçka dhe kjo nuk votohet në Kuvend, të themi se shkelet ligjit. Ligji është ashtu siç është i shkruar dhe duhet të zbatohet. Gjithçka që duhet të bëhet në kuadër të ligjit, pavarësisht a bëhet fjalë për Kodin zgjedhor ose një ligj tjetër, ajo duhet të votohet në Kuvend dhe me gjasë kjo do të ndodhë gjatë ditëve të ardhshme dhe normalisht më vonë duhet të respektohet”, ka thënë Igor Janushev.

Katër nga gjashtë njësitë zgjedhore kanë numër më të madh ose më të ulët të votuesve se sa e lejon ligji. Propozimi i BDI-së parashikon kalimin e disa vendvotimeve të Demir Hisarit dhe Negoriçanit të Vjetër nga njësia e dytë, në njësinë e tretë zgjedhor si dhe kalimin e disa vendvotimeve të Dibrës dhe Mavrovës dhe Rostushës nga njësia e gjashtë në njësinë e pestë zgjedhore. Kreu i Komisionit Shtetëror të Zgjedhjeve, Oliver Derkoski, tha se nuk do të ishte hera e parë që zgjedhjet do të mbaheshin pa njësi zgjedhore të balancuara./abcnews.al

gfggf.jpg
So Nila16:34 | 04/02/2020

Partia Demokratike e Kosovës ka reaguar ndaj Kryetares së Kuvendit Vjosa Osmanit pas heqjes së fotografisë së Presidentit Hashim Thaçi nga zyra e saj në Kuvendin e Kosovës, duke thënë se Osmani ka shkelur rëndë ligjin duke e hequr fotografinë e presidentit Thaçi. 

PDK ka thënë se ka dhënë shembull pas zgjedhjeve të 6 tetorit duke mbetur në opozitë dhe duke siguruar tranzicionin e pushtetit, por ka shtuar nuk do do të tolerojë që të cënohet rendi kushtetues e ligjor dhe asnjë institucion  i rëndësishëm i Kosovës.

“PDK-ja është poashtu duke shqyrtuar dhe analizuar anën legale të zgjedhjes së saj si kryetare natën e mbrëmshme. PDK bën thirrje që kthimi i fotografisë së Presidentit të ndodhë sa më parë. Administrata e Kuvendit të Kosovës të reagojë pa vonesë, në të kundërtën, fotografia  e Presidentit do të rikthehet në pozitën e vet me çdo kusht, si ruajtje e karakterit kushtetues dhe sovranitetit të vendit. Vjosa Osmani,  e zgjedhur natën dhe me votat e Listës Srpska, ka shkelur rëndë ligjin NR.03/L-132 Për Protokollin e Shtetit të Republikës së Kosovës duke hequr fotografinë zyrtare të  Presidentit. Zbatimi i ligjit nuk varet nga dëshirat e askujt pavarësisht bindjeve politike dhe këtë gjë ajo duhet ta dijë mirë si eksperte dhe ligjëruese e jurisprudencës”, thuhet në reagimin e PDK-së.

PDK gjithahstu e ka quajtur primitiv veprimin e kryetares se re të parlamentit. Nder te tjera ato theksojne se me  këtë veprim anti-ligjor ajo gjithashtu fyen rëndë edhe institucionin që drejton, Kuvendin e Kosovës.

“Me veprimin e saj primitiv, kryekuvendarja e zgjedhur në mënyrë të dyshimtë, Vjosa Osmani përfaqëson mentalitetin e vjetër që synon hakmarrjen dhe përçon gjuhën e urrejtjes dhe përcarjes së qytetarëve. Që në ditën e parë në pozitën e re, ajo po dëshmon se përfaqëson vetëm interesin e saj brenda partisë së vet dhe jo ti shërbej institucionit ku është zgjedhur.Me këtë veprim anti-ligjor ajo gjithashtu fyen rëndë edhe institucionin që drejton, Kuvendin e Kosovës, tempullin e demokracisë dhe ligjvënies në vendin tonë”, thuhet në reagim./abcnews.al

e-gjonaj.jpg
ger ta20:59 | 03/02/2020

Të enjten e kaluar në media u raportua për një “sherr’, në parlament mes kryeministrit Edi Rama dhe dy ministreve të tij, Etilda Gjonaj dhe Elva Margariti.

Në pamjet që qarkulluan, shihet teksa Rama debaton me anëtaret e kabinetit, dhe duket se nuk është aspak i qetë.

E ftuar në “Mbrëmje në Abc”, gazetarja Mirela Milori, e pyeti ministren e drejtësisë, për atë se çfarë kishte ndodhur në Kuvend lidhur me këtë, Gjonaj u shpreh se zhvilluan një bisedë normale.

“Jo nuk kishte asnjë lloj karakteri të tillë biseda që ne zhvilluam. Ndonjëherë ne harrojmë që jemi përballë kamerave, por ishte një diskutim normal”, tha ministrja.

E pyetur se si sillet Rama në mbledhjet me dyer të mbyllura, ministrja tha:

“Unë do të doja të thoja në lidhje me eksperiencën time, kërkon dhe ka pritshmëri ta larta, por nga ana tjetër është një njeri që të dëgjon dhe të respekton për mendimet që ke”./abcnews.al

Capture-43-1.jpg
So Nila09:38 | 20/01/2020

Kryetari i Kuvendit të Kosovës, Glauk Konjufca, ka thirrur për sot mbledhjen e parë të Kryesisë së legjislaturës së shtatë të Kuvendit.

Në kohën kur dy partitë kryesore Lëvizja Vetëvendosje dhe Lidhja Demokratike e Kosovës ende nuk kanë mundur të arrijnë një marrëveshje finale për formimin e qeverisë së re të vendit.

Sipas mediave kosovare pjesë e rendit të ditës janë tre pika kryesore shqyrtimi i kërkesës për caktimin e delegacionit të Kuvendit të Kosovës për përfaqësim në Asamblenë Parlamentare të Procesit të Bashkëpunimit të Evropës Juglindore-SEECP, shqyrtimi i kërkesës për caktimin e delegacionit të Kuvendit të Kosovës për përfaqësim në Asamblenë Parlamentare të Këshillit të Evropës, si dhe shqyrtimi i propozimeve dhe kërkesave.

Gjithahstu këtë të hënë lëvizja Vetëvendosja përmes një letre drejtuar presidentit Thaçi i  ka propozuar Albin Kurtin si mandatar për kryeministër./abcnews.al

cc-1.jpg
in a13:19 | 27/12/2019

Tensionet e natës së të enjtes në Parlamentin malazez janë reflektuar edhe në parlamentin e Serbisë ku mazhoranca në pushtet theksoi se problemet duhet të zgjidhen në mënyrë paqësore, ndërsa përfaqësues të opozitës reaguan ndaj asaj që e quajtën “reagim i vakët” i Serbisë. Radikalët serbë kërkuan që Serbia të bëjë “gjithçka mund” dhe t’i ndihmojë serbët në Mal të Zi dhe t’i drejtohet Këshillit të Sigurimit të KB.Deputeti i SRS, Miljan Damjanoviç theksoi se qeveria serbe dhe presidenti Vuçiç duhet të jenë të kujdesshëm në lidhje me procedurat në mënyrë që të mos e komplikojnë situatën e vështirë të serbëve në Mal të Zi.

Ndërsa kreu i Partisë Progresiste Serbe, Aleksandar Martinoviç, tha se “skenari” në Mal të Zi dhe Republika Srpska në Bosnjë, është i njëjtë.

Ministri serb i Mbrojtjes Aleksandër Vulin tha se asgjë nga ato që ndodhën apo po ndodhin në Mal të Zi apo Republikën Srpska nuk mund të jenë pa pasoja në Beograd, dhe akuzoi “të huajt” se duan të mashtrojnë serbët. “Le t’i kushtojmë vëmendje asaj çfarë po ndodh: A është rastësi që në të njëjtën kohë në Mal të Zi dhe Banja Luka, me pothuajse të njëjtin skenar, qytetarët që po i përjetojnë janë më të afërt me ne?

A mendoni se skenat në Banja Luka u kopjuan nga ato në Podgoricë? A mendoni se kjo nuk është bërë për ta sjellë pikërisht në Beograd? ”, pyeti Vulin.

Ai tha se nuk ishte “rastësi” dhe se synimi ishte “përleshja midis serbëve” dhe se “duhet të përfundonte në Beograd në fund”. Vulin akuzoi të huaj se dëshirojnë që e gjitha kjo të përfundojë në Beograd. Deputeti i Partisë Socialiste të Serbisë (SPS) Negjo Jovanoviç tha se autoritetet në Serbi “e dinë plotësisht situatën në Mal të Zi”, dhe se problemi duhet të zgjidhet në mënyrë paqësore dhe me mjete ligjore, jo vetëm në Malin e Zi, por edhe në Republikën Srpska dhe në Kosovë, dhe kudo ku ka serbë./abcnews.al

po.jpg
in a11:38 | 27/12/2019

Drejtuesit e Frontit Demokratik Andrija Mandiç dhe Milan Knezevic dhe zyrtari i bllokut politik Milun Zogovic mbeten në paraburgim në Qendrën e Sigurisë në Podgoricë pas incidenteve në Kuvend që ndodhën në prag të miratimit të Ligjit për Liritë fetare, ndërsa deputetët e tjerë të opozitës u liruan.

Mandiç dhe Knezevic akuzohen për pengim të punës së parlamentit dhe konfrontim verbal me kryetarin e Kuvendit Ivan Brajovic. Ndërsa Zogoviç, i cili quajti kryetarin e parlamentit me shishe akuzohet për sulm ndaj një zyrtari gjatë ushtrimit të detyrës.

Pas debatit pothuaj 24 orësh për projektligjin për liritë fetare ose besimit dhe statusin juridik të bashkësive fetare, i cili u votua në orën 2:30 të mëngjesit të së premtes, deputetët nga Fronti Demokratik hodhën një pajisje piroteknike në ndërtesën e Parlamentit dhe më pas u shoqëruan në Qendrën e Sigurisë në Podgoricë.

Kuvendi e miratoi Ligjin me 45 votat e koalicionit qeverisës dhe SDP, pasi më parë kishte refuzuar 103 amendamente, tre prej të cilave u paraqitën nga Mitropoliti Malazez-Littoral përmes Frontit Demokratik. Kryeministri malazez Dushko Markoviç tha se Mali i Zi nuk ka nevojë për Sheshelizim dhe informoi qytetarët e Malit të Zi se shteti është i aftë të sigurojë paqe dhe stabilitet edhe kur ndodhin situata të tilla. Ai falënderoi numrin e madh të qytetarëve për mbështetjen e vazhdueshme që mori gjatë debatit. Kryeministri Dusko Markoviç tha se akti i deputetëve të Frontit Demokratik ishte i papërgjegjshëm, por shtoi se ai nuk pret që të radikalizohet situata dhe se autoritetet do të sigurojnë që gjithçka funksionon në vend.

“Unë besoj se Mali i Zi i sotëm, Mali i Zi në shekullin XXI nuk ka nevojë për sjellje dhe veprim të tillë politik në Parlamentin Malazez. Unë e dënoj këtë akt, ai është i papërshtatshëm dhe i papërgjegjshëm për deputetët e tjerë dhe i papërgjegjshëm për qytetarët e Malit të Zi, por besoj se kjo do të jetë një përvojë e mirë për të gjithë dhe se kjo nuk do të ndodhë më kurrë”, u tha Kryeministri para gazetarëve pas miratimit të ligjit.

Ndërkohë Mitropolia tha se policia kishte rrahur peshkopin e Dioklecianit gjatë protestave kundër kalimit të Ligjit për liritë fetare. Ata thanë se dy besimtarë që u përpoqën ta mbronin atë, u plagosën u shtruan në spital në Pljevlja.

MCP tha gjithashtu se ky akt konfirmoi se çfarë ligji për lirinë e fesë u miratua dhe sa të lirë janë Kisha dhe njerëzit besnikë të saj./abcnews.al

ww-1.jpg
nev ila17:00 | 19/12/2019

Për miratimin e paketës anti-shpifje, Partia Socialiste mori edhe 11 vota nga deputetët e partive të tjera, 9 nga opozita e  re në parlament. Mes tyre bien në sy deputetët e rinj që kanë qenë në qendër të medias për gafat e tyre në Kuvend. Mes atyre që votoi pro qeverisë për antishpifjen është dhe Majlinda Halilaj, deputetja e njohur për fjalimin saj për korporatën.

Paketën Anti-shpifje Edi Rama nuk e miratoi vetëm me votat e socialistëve. “ABC News” ka siguruar tabulatet e votimit, ku duken emrat e atyre deputetëve opozitarë që u bashkuan me kryeministrin.

Kështu, ligji për AMA-n u votua veç socialistëve, edhe nga Tom Doshi dhe Reme Lala e zgjedhur nga PDIU. Votat me mazhorancën i bashkuan dhe 9 deputetë të rinj, mes tyre emra që janë vendosur në qendër të mediave për shkak të gafave të tyre në Kuvend.

Votë pro paketës antishpifje ka dhënë dhe Majlinda Halilaj, e cila u bë e njohur gjerësisht për fjalimin e saj mbi koorporatën.

Bashkë me të, kanë mbështetur kryeministrin në ligjin e debatuar për median dhe Eugen Bojaxhiu, Edjola Braha, Ramazan Gjuzi, Nimet Musai, Edmond Stojku, Aurora Mara, Selami Jenisheri dhe Elvis Meço.

Mes atyre që abstenuan, veç Ditmir Bushatit, renditen dhe 3 deputetë të ardhur nga listat e LSI-së, si Edlira Hyseni, Ylli Shehu  dhe Edmond Rrushi, si dhe Besnik Troplini i ardhur nga PD.

Disa deputetë të tjerë të opozitës votuan kundër ligjit, ndërsa nga Partia Socialiste askush nuk doli kundër paketës antishpifje, dhe pse në votim mungoi vetë Edi Rama, së bashku me Bashkim Finon dhe Fate Velajn.

Pro

Veç grupit të PS

  1. Tom Doshi PSD
  2. Reme Lala PDIU
  3. Eugen Bojaxhiu LSI
  4. Edjola Braha LSI
  5. Ramazan Gjuzi LSI
  6. Nimet Musai LSI
  7. Edmond Stojku LSI
  8. Aurora Mara LSI
  9. Majlinda Halilaj PD
  10. Selami Jenisheri PD
  11. Elvis Meço PD

 

Abstenim

  1. Ditmir Bushati PS
  2. Edlira Hyseni LSI
  3. Ylli Shehu LSI
  4. Edmond Rrushi LSI
  5. Besnik Troplini PD

Nuk mori pjesë në votim:

  1. Edi Rama PS
  2. Bashkim Fino PS
  3. Fatmir Velaj PS
  4. Rudina Hajdari PD
  5. Myslym Murrizi PD
  6. Ralf Gjoni LSI.          /abcnews.al
doshi.jpg
ger ta14:38 | 18/12/2019

Teksa në Kuvend po diskutohet paketa anti-shpifje, ndërsa jashtë protestojnë gazetarët, një incident ka ndodhur me Tom Doshin.

Karrigia e deputeti është thyer. Incidenti ndodhi në momentin kur Rudina Hajdari u ngrit në foltore për të replikuar me kryeministrin Rama.

Teksa mori fjalën, Hajdari iu drejtua me këto fjalë Doshit duke mos e ditur se çfarë kishte ndodhur me deputetin: Zoti Doshi, po deshe ulu, ose po deshe dil…Ty thye karrigia?”.

Pas kësaj reagoi, kryeparlamentari Gramoz Ruçi i cili i kërkoi shërbimit të ndërronin karrigen e Doshit.

Më poshtë abcnews.al ju sjell videon e momentin kur Doshi ulet në karrigen e re!

emergjenca.jpg
in a16:45 | 16/12/2019

Qeveria kërkon pëlqimin e Kuvendit që faza e emergjencës në Tiranë, Durrës dhe Lezhë të zgjasë deri në fund të marsit. Komisioni i Sigurisë Kombëtare e pranoi këtë kërkesë, pasi vendimi i qeverisë kishte fuqi vetëm për 30 ditët e para.

Fuqia ligjore e qeverisë për të shpallur gjendjen e emergjencës në qarqet e prekura nga tërmeti, përfundon në fund të dhjetorit.

Zgjatja e saj përtej afatit 30-ditor  kërkon  pëlqimin e Kuvendit, ndaj Qeveria ka dorëzuar këtë kërkesë, që gjendja e fatkeqësisë natyrore në Tiranë, Durrës dhe Lezhë të zgjasë deri në fund të muajit mars.

Ky dokument u shqyrtua nga Komisioni i Sigurisë.

Zgjatja e afatit do të miratohet të mërkurën në seancë plenare, dhe kjo periudhë do të ndihmojë që gjithë aparati shtetëror të fokusohet në rimëkëmbjen e këtyre zonave./abcnews.al

cc.jpg
in a12:01 | 10/12/2019

Kryetari i Kuvendit, z. Gramoz Ruçi u është drejtuar me një letër kryetarëve të parlamenteve të vendeve të Bashkimit Europian, ShBA, vendeve të rajonit si edhe vendeve të tjera mike e partnere të Shqipërisë.

Ruçi falenderon homologët mbi kontributin që kanë dhënë vendet e tyre në përballimin e fazës së emergjencës për familjet e prekura dhe i informon mbi masat e Qeverisë për zgjidhjen afatgjatë të problemeve të strehimit dhe pasojave të tjera të shkaktuara nga tërmeti i 26 nëntorit.

Letra:

Kryetari i Kuvendit, z. GramozRuçi, u drejton letra kryetarëve të parlamenteve për të kontribuar për rindërtimin pas tërmetit: Mbështetjen tuaj nuk do ta harrojmë kurrë!

“Mbështetja e ndihma që keni dhënë e po jepni në shpëtimin e jetëve njerëzore do të mbetet gjatë në kujtesën e të gjithë shqiptarëve. Megjithë përpjekjet intensive të Qeverisë, institucioneve, ekspertëve, sipërmarrjeve private, shoqërisë civile dhe gjithë qytetarëve shqiptarë, të mbështetur edhe nga organizata, sipërmarrje dhe qeveri të mjaft vendeve mike, të cilët po tregojnë një solidaritet dhe humanizëm të pashoq, burimet dhe kapacitetet tona në përballimin e pasojave të kësaj fatkeqësie natyrore janë të kufizuara dhe të pamjaftueshme. Prandaj ne po mobilizohemi për të fituar sa më shumë mbështetje ndërkombëtare për të rikuperuar sa më shpejt që të jetë e mundur pasojat e rënda të kësaj tragjedie. Duke Ju shprehur mirënjohjen e thellë timen, të Kuvendit të Shqipërisë dhe të gjithë qytetarëve shqiptarë, do të vlerësoja shumë nëse do të ishte e mundur që ky kontribut të vazhdojë me burime financiare e burime të tjera edhe në fazën e ndërtimit të banesave për të prekurit nga pasojat e tërmetit shkatërrimtar. Ju falenderoj edhe njëherë nga zemra për ndihmën ndaj vendit tim në këtë kohë të vështirë. Këtë mbështetje nuk do ta harrojmë kurrë”, shkruan në letrën e tij Kryetari i Kuvendit, z. Gramoz Ruçi. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono