kushtetuta

ruciiii.jpg
eri Ida11:43 | 06/03/2020

Kryetari i Kuvendit Gramoz Ruçi këtë të premte është takuar me homologun e të Austrisë, z. Wolfgang Sobotka ku ka komentuar marrëdhëien e tij me presidentin Ilir Meta.

Kryeparlamentari Ruçi i pyetur nga gazetarja e abcnews.al Esiona Konomi për situatën ku është përfshirë Presidenti i Republikës në raport me qeverinë, të cilën e akuzon për grusht shteti ndaj institucioneve kushtetuese.

“Marrëdhëniet e mia me presidentin nuk ka pse të shpik rrotën i ka përcaktuar qartë Kushtetuta e Shqipërisë. Parlamenti një nga funksionet kryesore është ai legjislativ të bëjë ligjet, siç presidenti ka të drejtë të kthejë ose dekretojë ligje. Secili institucion është sovran si parlamenti dhe presidenti për dekretet që miraton apo kthen për rishqyrtuar në kuvend. Këto të fundit parlamenti do i shqyrtojë dhe unë flas me votën time në Kuvend” u shpreh Ruçi.

Gjithashtu Ruçi tha se Meta është i mirëpritur në Kuvend pasi e detyron Kushtetuta ta mirëpresë.

Ndërkohë nga ana tjetër kryeparlamentari i Austrisë është shprehur se është e rëndësishme që për të bërë përpara me sfidat palët politike duhet të gjejnë kompromis.

Pyetje & përgjigje:

Zoti Sobotka a është klima politike dhe marrëdhënia e tensionuar mes presidentit dhe mazhorancës një arsye për të na rrezikuar negociatat?

Padyshim se përsa i përket procesit të integrimit është e rëndësishme që të ketë një përfaqësim të unifikuar si nga ana e qeverisë ashtu edhe opozita. Kjo gjë di që është bërë që në janar ku është folur për reformën zgjedhore janë bërë disa marrëveshje ku në mars pritet që të arrihet dhe marrëveshja përfundimtare. Sigurisht se problemin mes partive opozitare dhe qeverinë e kanë të gjithë shtetet , pikpamje të ndryshme për çështje të ndryshme. Por unë mendoj se kur bëhet fjalë për një çështje të interesit kombëtar dhe në një nivel të tillë të dy palët do të gjejnë rrugën e duhur siç mendoj se do e gjejnë dhe në Shqipëri. Parlamentet jan ëvende dialogu dhe diskutime dhe ka raste kur ngrihen zërat por e rëndësishme është të respektohen të drejtak kombëtare. Është një proces i ndërlikuar dhe ndeshet në shumë vende nuk është vëte në Shqipëri.

Zoti Ruçi cila është përgjigja e kryetarit të parlamentit të Shqipërisë pas ultimatumit të presidentit që pas 15 marsit do të shpërndaje parlamentin nëse mazhoranca nuk reflekton?

Si kryetar i parlamentit të Shqipërisë në emër të deputeteve të palramentit fokusi në tre çështje kryesore: e para hapja e negociatave me BE, e dyta vazhdimi i reformave veçanërisht e drejtësisë dhe zgjedhore dhe e treta pas suksesit në konferencën e donatorëve implimentimi sa më shpejt dhe në mënyrë transparente të rindërtimit nga pasojat e tërmetit të nëntorit 2019. Marrëdhëniet e mia me presidentin nuk ka nevojë të shpik rrotën i ka përcaktuar Kushtetuta e Shqipërisë. Parlamenti një nga fuksionet ka atë legjislativ dhe ashtu si presidenti që ka të drejtën e kthimit apo dekretimit të këtyre ligjeve. Secili institucion është sovran për detyrën e tij.

I tillë është dhe dy dekretet e fundit kuvendi do i shqyrtoje me shumë vëmendje  dhe përgjegjshmëri brenda procedurave parlamentare dhe shumë mirë këto procedura përkojnë edhe me ardhjen e përgjigjes nga komisioni i Venencias dhe unë si kryetar parlamenti do të flas me votë dhe qëndrim në parlament.  Së dyti mua më oblikojnë nenet e kushtetutes që të pres presidentit sa herë që ai dëshiron që të vizitojë parlamentin dhe do të mirëprisja çdo mesazh të tij që do i drejtojë me shkrim parlamentit. /abcnews.al

Tedi-BlushiIlir-Meta-1.jpg
eri Ida14:22 | 05/03/2020

Presidenca ka reaguar ndaj akuzavetë përsëritura të kryeministrit Edi Rama ppër manifestimin e dy marsit të zhvilluar nga presidenti Ilir Meta.

Zëdhënësi i presidentit Tedi Blushi  përme snjë postimi në rrjetin social Facebook, shkruan se shqiptarët nuk kanë shqiptarët nuk kanë pse t’i marrin askujt leje për të nderuar idealet amerikane, përkundër frymëzimeve koreano-veriore të Gruas së Bilalit.

Ndër të tjera Blushi thekson se nuk është kreu i shtetit ai që duhet të japë shpjegime por Gruaja e Bilalit duhet të japë publikisht disa sqarime, meqë pretendon se nuk bën asnjë dhunim të Kushtetutës.

“Puçistët flasin në emër Ramaformës”,Presidenca: Meta ka folur flet dhe do të flasë gjithmonë vetëm në emër të Kushtetutës

Postimi i Plotë:

Presidenti i Republikës Sh.T.Z Ilir Meta nuk puth flamurin e asnjë vendi tjetër, përveç Flamurit Kombëtar, flamurit më të bukur në botë.

Presidenti Meta në Manifestimin madhështor Mbarëkombëtar të 2 marsit ka ngritur Flamurin e SHBA, të sjellë nga grupi i shqiptaro-amerikanëve, në nderim të gjithë atyre të cilët udhëtuan për ditë të tëra për t’iu bashkuar PRANVERËS KUQEZI. Presidenti Meta vlerësoi me këtë akt, jo vetëm shqiptaro-amerikanët të cilët i konsiderojnë të shenjta të dy Flamujt, por edhe të gjithë shqiptarët kudo ndodhen, të cilët me shumë të drejtë e mbajnë Flamurin Amerikan në shtëpitë e tyre, si simbol të lirisë dhe drejtësisë.

Shqiptarët nuk kanë pse t’i marrin askujt leje për të nderuar idealet amerikane🇺🇸, përkundër frymëzimeve koreano-veriore të Gruas së Bilalit.

Përkundrazi, është Gruaja e Bilalit që duhet të japë publikisht disa sqarime, meqë pretendon se nuk bën asnjë dhunim të Kushtetutës dhe shtetit të së drejtës, dhe asnjë grabitje të fondeve publike me PPP, pa lejen e “amerikanëve”:

  1. Kujt i mori leje Gruaja e Bilalit dhe a e mbylli çështjen penale të fotos së paligjshme me një President të nderuar amerikan? Nëse po me çfarë marrëveshje bashkëpunimi dhe me kë?
  2. Kujt i mori leje Gruaja e Bilalit që u përfshi në mënyrën më të pacipë në zgjedhjet e fundit amerikane duke e cilësuar Presidentin Trump, atëhere kandidat, si turpin e njerëzimit dhe kërcënim për marrëdhëniet shqiptaro-amerikane🇦🇱🇺🇸, duke e fyer publikisht, jo vetëm një herë, në shqip dhe në anglisht?
  3. Pse Gruaja e Bilalit nuk na e tregon autorizimin që pretendon se ka marrë për t’u hequr publikisht vizat amerikane drejtuesve të opozitës dhe kritikëve të tij në media?
  4. Pse Gruaja e Bilalit nuk tregon publikisht aktet e “amerikanëve të tij” që i kanë dhënë përkrahje për krimet kushtetuese dhe falsifikimet kriminale të Dvoranëve, Etildave dhe Artave që e lanë vendin tre vjet pa Gjykatë Kushtetuese?
  5. Kujt i mori leje Gruaja e Bilalit për të flakur publikisht dhe për të përbuzur Flamurin e nderuar të SHBA🇺🇸, idealet e të cilit frymëzuan shqiptarët për përmbysjen e diktaturës koreano-veriore të paraardhësve të tij 30 vite më parë, kur me firmën e të atit u varën poetët e fjalës së lirë?
  6. Kujt i mori leje Gruaja e Bilalit për të flakur publikisht dhe për të përbuzur Flamurin e nderuar të SHBA🇺🇸, atë flamur që të burgosurit politikë të Spaçit dhe Qafë-Barit e nxorrën si të vetmen “armë” që kishin, së bashku me Flamurin Kombëtar🇦🇱, në revoltat e tyre kur ekzekutoheshin nga regjimi i prindërve dhe dajave të tu?

Presidenti Meta ka folur, flet dhe do të flasë gjithmonë vetëm në emër të Kushtetutës të miratuar me unanimitet me 140 vota për të bërë Reformën në Drejtësi. Puçistët flasin në emër të Pushtetutës, Ramaformës dhe grushtit të shtetit.

ZOTI E BEKOFTË MIQËSINË SHQIPTARO-AMERIKANE! 🇦🇱❤🇺🇸

Për të gjithë ata shqiptarë dhe amerikanë që i kanë harruar këto pamje skandaloze, ju lutem të shohin më poshtë videot e turpshme dhe të pacipa të Gruas së Bilalit:./abcnews.al

abilekaaa-1280x656.jpg
eri Ida09:10 | 05/03/2020

Analisti Enton Abilekaj nga ABC e Mëngjesit ka komentuar tubimin e presidentit të Republikës Ilir Meta të zhvilluar në 2 mars në mbrojtje të kushtetutës. Analisti është shprehur se në vend mungojnë gjykatat dhe secili përpiqet që të bëjë vetëgjyqësi, siç po bën Ilir Meta që është institucion i dobët në këtë rast nuk ka mjetet e shtetit që i ka qeveria dhe janë duke i hyrë në një pronë që nuk është pronë e tij personale, por e Presidentit.

Ndër të tjera në fjalën e tij ai është shprehur se tubimi i 2 marsit nuk ishte asgjë më shumë sesa vetëgjyqësi institucionale, në kushtet kur gjykata nuk funksionon dhe në kushtet që qeveria po bën gjithçka që ta marra nën kontroll.

“Në pritje të Kushtetuses, presidenti kërkoj mjete të tjera pasi nuk e zgjidhi dot atë. Mitingu i 2 marsit nuk ishte asgjë më shumë sesa vetëgjyqësi institucionale, në kushtet kur gjykata nuk funksionon dhe në kushtet që qeveria po bën gjithçka që ta marra nën kontroll. Në kushtet e vetëgjyqësisë shpërndarja e parlamentit dhe respektimi i kushtetutës janë çështje që i takojnë Gjykatës kushtetuese. Shpërndarja e parlamentit është antikushtetuese dhe një vendim i tillë e delegjiton institucionin e vetëm legjitim në vend që është presidenti por në kushtet e vetëgjyqësisë nuk kemi si ta gjykojmë. Deri tani Ilir Meta nuk ka bërë asnjë shkelje kushtetuese ka anuluar thjesht një ligj antikushtetues. Asnjë ligj nuk mund të zbëjë këtë përcaktim akt normativ të përcaktuar. Manifestimi nuk kishte asgjë të keqe, ishte një tregim i forcës dhe i dëshirës së qytetarëve për të marrë pjesë në këtë manifestim. Komisioni i Venecias po jep përgjigjen, që siç e tha dhe dje Balla deri më 19 mars do të kemi një përgjigje për këtë ligj”, tha Abilekaj.

Ndër të tjera analisti Abileka ka komentuar thirrjen që Meta ka bërë se do të vijojë sërish me tubimet në çdo shesh në Shqipëri. Ai është shprehur për ABC e Mengjesit se një vendim i tillë lidhet me faktik se pjesmarrja në manifestim doli jashtë parashikimeve.

“Manifestimin e parë i kaloi parashikimet,kjo ishte e para që ka pasur një pjesmarrje kaq masive për një çështje që ndoshta njerëzit nuk e kup[tojnë por tashmë e dinë se një njeri i kap të gjithë poshtetet. Mendoj se kjo e ka shtyre dhe Metën që të marrë iniciativen që protestëm ta shpërndajë në rrethe. Opozita sot ëhstë në një linjë tjetër, është një linjë personi që i takon Ilir Metës. Ai po i jep një përmasë institucionit të shtetit që humbet kur nuk ka gjykatë kushtetuese,” është shprehur ndër të tjera analisti.

Gjithashtu ai ka theksuar se në lidhje me këtë situatë nuk është se opozita ishte xheloze por duket se ishte e lodhur nga protestat që ajo ka zhvilluar vetë në 2019 dhe nuk kishte pritshmeri.

Partoia Demokratike që supozohet që të sjellë njerëz nga rrethet, aty mendohet se 90% e qytetarërëve në shessh kanë qenë nga Tirana kjo është e frikshme për një regjim. Opozita ka hyrë në një gjendje informaliteti për një çështje që e nisi  vetë./abcnews.al

Untitled.jpg
eri Ida07:48 | 02/03/2020

Këtë të hënë në orën  17:00,  zhvillohet manifestimi i thirrur nga presidenti i Republikës Ilir Meta, në mbrojtje të Kushtetutës ndaj asaj që ai e cilëson si grusht shteti.

Ky tubim do të zhvillohet me një parakalim përgjatë Bulevardit ‘Dëshmorët e Kombit’, ku qytetarët do të lëvizin drejt përkrah institucioneve. Kreu i shtetit përmes një konference për mediat një ditë më parë ka bërë apel qytetarëve që do të marrin pjesë në manifestim, që të vijnë vetëm me flamujt kuqezi, lulet mimoza meqenëse po vjen pranvera dhe dy thirrjet “E duam Shqipërinë si gjithë Europa” dhe “Liri, Demokraci”.

Gjithashtu presidenti Meta ka deklaruar se ky do të jetë një manifestim paqësor.

Meta prej ditësh, ka publikuar videomesazhe nga bashkatdhetarët shqiptarë që jetojnë jashtë Shqipërisë, të cilët janë shprehur se do të marin pjesë në tubimin e Kreut të Shtetit në mbrojtje të Kushtetutës./abcnews.al

rama-luan.png
eri Ida15:41 | 24/02/2020

Zëvendëskryetari i Lëvizjes Socialiste për Integrim Luan Rama është shprehur se tashmë ka ardhur koha që të gjithë të bëhemi bashkë kundër shkelësve të ligjit.

Rama përmes një deklarate për mediat i ka bërë thirrje SPAK që të jetë sa më transparent në trajtimin e çështjeve dhe të rikthejë besimin te qytetarët shqiptarë.

Organet e zbatimit të ligjit, SPAK duhet të ndërhyjë menjëherë sipas kodit të procedurës penale për të ndaluar veprimin e keqbërësve kudo që gjenden në KED apo Ministrinë e Drejtësisë, në kuvend apo në qeveri në mënyrë që duke vepruar me forcën e ligjit të parandalojnë thellimin e mëtejshëm dhe të zbardhen të vërtetat e puçit kushtetues në përpjekje për të dhunuar kushtetutën dhe rrëzuar republikën.

Veprimi i SPAK është i rëndësishëm për të vendosur ligjin, për të ndëshkuar keqbërësit dhe për të treguar integritet në zbatimin e ligjit dhe SPAK të japë mesazhin e pare tek qytetarët që mund dhe të kenë besim tek drejtësia e re. Çdo alibi për tu fshehur pas koronaviorusit apo pas krimovirusit të qeverisë është shërbim për të fshehur dhe për t’i shërbyer antikushtetueshmërisë,” tha Rama.

Ndër të tjera në deklaratët e tij zëvendëskryetari Rama ka bërë thirrje shqiptarëve që me datën 2 mars të jenë në Bulevard në mbrojtje të kushtetutës dhe të pavarsisë së institucioneve.

2 mars është data që ndan shqiptarët që duan Shqipërinë, shqiptarët që duan atdheun, shqiptarët që respektojnë dhe nderojnë Kushtetutën, përballë çetës së horrave dhe fallsifikatorëve, që duke shkelur ligjin mendojnë të kapin edhe Gjykatën Kushtetuese, për t’ia kundërvënë pastaj këtë institucion për interesat e tyre kriminale, interesave europiane të vendit. Data 2 mars është datë apel për të gjithë qytetarët shqiptarë për të qenë të gjithë bashkë, në anën e Republikës, për të qenë bashkë në anën e Kushtetutës”, është shprehur Luan Rama./abcnews.al

ilir-metaaa-1-1-1.jpg
eri Ida12:09 | 23/02/2020

Presidenti Ilir Meta përmes një komenti në Facebook ka falenderuar aktorin e njohur Neritan Licaj, i cili ka konfirmuar pjesëmarrjen në tubimin e thirrur nga Presidenti Ilir Meta për mbrojtjen e Kushtetutës.

Kreu i shtetit në përgjigjen e tij thekson se nëse rrëmbehet Gjykatën Kushtetuese do të zhduket Teatri dhe trashëgimia kulturore për llogari të disa oligarkëve dhe organizatës ndërkombëtare.

Gjithashtu Meta shkruan se 2 marsin duhet ta kthejnë në një referendum madhështor të triumfit të sovranit ndaj puçistëve dhe tradhtarëve kudo qofshin.

Reagimi i plotë i Presidentit:

Faleminderit i dashur Neritan!

Ju pres me shumë kënaqësi, jo vetëm ju personalisht, por të gjithë artistët heronj dhe patriotë, në 2 mars në mbrojtje të Kushtetutës dhe Gjykatës Kushtetuese. Nëse organizata mafioze rrëmben në mënyrë anti-kushtetuse Gjykatën Kushtetuese ata do zhdukin, jo vetëm teatrin, por çdo trashëgimi kulturore e kombëtare për llogari të disa oligarkëve dhe organizatës ndërkombëtare. Ndaj është detyra ime si President i Republikës t’i bëj thirrje të gjithë popullit shqiptar të hapë sytë mirë në këto momente deçizive për fatet e kombit dhe demokracisë. Shqiptarët  e bashkuar rreth Kushtetutës dhe Flamurit Kombëtar do të fitojnë!

Të rivendosim plotësisht rendin kushtetues dhe demokratik siç e ka shprehur vullnetin e tij populli shqiptar me Referendum në 22 nëntor 1998. Ndaj ta kthejmë 2 marsin në një referendum madhështor të triumfit të sovranit ndaj puçistëve dhe tradhtarëve kudo qofshin.

Presidenti i njeh prej kohësh, por tani fytyrat e tyre hipokrite po i zbulojnë të gjithë shqiptarët. Bëjnë si tigra për të frikësuar njerëzit e thjeshtë, por janë vetëm minj përpara popullit shqiptar dhe drejtësisë që do të vijë. U zgjata pak, por ju dhe shumë artistë të tjerë keni vite në protestë për teatrin dhe meritoni mirënjohjen e çdo shqiptari.

Ndaj ata do të vinë, jo vetëm për të mbrojtur të drejtat e tyre kushtetuese që dhunohen çdo ditë, por dhe në mirënjohje të protestës tuaj legjendare përballë bandës që nuk njeh Kushtetutë, ligj, konventë ndërkombëtare dhe atdhe./abcnews.al

meta-4.jpg
in a09:04 | 22/02/2020

Presidenti Meta ka reaguar sërish në rrjetin social “Facebook”, duke bërë thirrje edhe njëherë se më 2 mars qytetarët duhet të bëhen bashkë në mbrojtje të Kushtetutës. Referuar shkrimit të publikuar në “Monitor”, Meta thekson se nuk është aspak i habitur që Shqipëria ka bërë hapa pas.

Shqipëria është futur sërish në listën gri të pastrimit të parave, nga e cila kishte dalë në vitin 2015. Lajmi u dha nga Task Forca Financiare (FATF) e MONEYVAL, që është një mekanizëm i përhershëm i Këshillit të Europës që ka detyrën të vlerësojë zbatimin e standardeve në luftën kundër pastrimit të parave dhe krimit të organizuar, shkruan monitor.

“Të dashur qytetarë!
Asnjë habi për hapat pas që Shqipëria ka bërë edhe në këtë drejtim.
Ndaj në 2 mars të gjithë në Bulevardin “Dëshmorët e Kombit” në mbrojtje të Kushtetutës dhe integritetit të Gjykatës Kushtetuese, për të rivendosur sistemin e llogaridhënies publike në çdo nivel vendor dhe qendror, në të gjithë vendin.
Shqipëria nuk do të jetë më lavatriçe e pastrimit të parave të organizatës ndërkombëtare.
Bashkë për Kushtetutën!
Bashkë për Shqipërinë”, shkruan Presidenti Meta./abcnews.al

 

nano-meta.jpg
eri Ida21:58 | 21/02/2020

Monologu i kësaj të premteje i Mustafa Nanos është fukosur tek grushti i shtetit i paralajmëruar ng presidenti Ilir Meta dhe nga thirrja e tij për qytetarët që të protestojnë me 2 mars në mbrojtje të institucioneve.

Nano thekson se nuk është në të drejtën e një presidenti që të thirrë një protestë të tillë, sipas tij kreu i shtetit ka dalë nga binarët kushtetues dhe është bërë njësh me një palë.

Ndër të tjera në Monologun e tij Mustafa Nano është shprehur se Meta ka marrë qartë një funksion të qartë opozitar, ai është bërë një politikan  ekstremist i kushtetutës dhe me këtë ai ka kompromentuar detyrimin kushtetues për të qenë simbol i unitetit kombetar.

Monologu i plotë:

Po e filloj duke thënë një gjë në favor të presidentit mazhoranca e majtë po bën përpjekje për ta anashkaluar rolin e presidentit në procedurën e zgjedhjes së anëtarëve të Gjykatës Kushtetuese që sipas Kushtetutës i takojnë presidentit. Ti zgjedhë emërojnë dhe ti dekretojë. Kjo është një përpjekje që ato bëjnë për të marrë nën kontroll këtë institucion që është një institucion shumë i rëndësishëm që sipas meje, shqetësimi i presidentit Meta është i drejtë,ky është edhe një shqetësim i imi. Prandaj mazhoranca duhet të heqë dorë nga tentativa të tilla. Ajo që po kërkon presidenti është përtej kufinjve të logjikës përtej kufijve të arsyes, përtej kufijve të logjikës, përtej madje të kufinjve të imgjinatës. Ai ka zbuluar dhe po denoncon një një grusht shteti në Shqipëri  një grusht shteti që po zhvillohet para syve tanë sipas atij.

Me grusht shteti sipas të gjithë përkufizimeve ne duhet të kuptojmë një përpjekje të pak njerëzve të një pakice me qëllim për të rrëzuar pushtetin legjitim të një shumice dhe nuk mund të kuptojmë përpjekjet që mund të bëjë një shumicë për ti rritur më shumë fuqitë vetes, ky është grushtri i shtetit. Ndërsa presidenti Meta mund të ketë një përkufizim tjetër për grushtin e shtetit në kokë, prandaj është duke denoncuar një grusht shteti fantomatik, është vërtet një grusht shteti fantomatik. Prandaj ai u bën thirrje shqiptarëve që në datën 2 mars të mblidhen të gjithë dhe të dalin në Bulevardin Dëshmorët e Kombit dhe të prirë nga presidenti i Republikës, dhe kjo është një gjë e paprecendentë që presidenti të dalë dhe të organizojë protestë, ato të p[ërpiqen të frenojnë këtë për të organizuar këtë grusht shteti dhe e dyta kjo është më e rëndësishme më qesharakja qytetarët duhet ti thonë jo dhe duhet ti vënë kufirin çdo përpjekje të mafias ndërkombëtare për të marrë nën kontroll vendin tonë. Presidenti Meta ka lënë të nënkuptohet se me datën 2 mars do të bëhet nami në Bulevardin Dëshmorët e Kombit, sepse qytetarët do të marrin në dorë institucionet.

Për mua presidenti i Republikës ka dalë nga binarët kushtetues, në asnjë faqe apo rresht të kushtetutës presidentit nuk i njihet e drejta, apo detyrimi apo atributi për të mbrojtur apo ruajtur kushtetutën, e dyta është se presidenti është bërë njësh me njërën palë. Ai ka marrë një funksion të qartë opozitar, ai është bërë një politikan  ekstremist i kushtetutës dhe me këtë ai ka kompromentuar detyrimin kushtetues për të qenë simbol i unitetit kombetar. Ai nuk mund të jetë simbol i unitetit kombëtar duke vjellë dhe nxjerr zjarr nga mëngjesi deri mëngjesin tjetër nga goja. Unë përsëris shqetësimi i tij është i drejtë por nëse zien nga ky shqetësim ai duhet të lërë presidencën ai nuk mund të bëjë opozitarin brenda presidencës. Nëse ai vendos të bëjë opozitarin brenda presidencës atëherë ai bën pis funksionin e shenjtë të presidentit. Në fakt ai e ka bërë pis gjithmonë këtë fuinksion, madje ai e ka bërë pis që në krye të herës. Nuk e di nëse ju kujtohet ai u zgjodh president dhe pati një interval kohe në dispozicion deri në në momentin që i duhej të bënte betimin si president, dhe ky interval kohe përkoi me zgjedhjet parlamentare të fundit dhe në këto zgjedhje ne pamë Ilir Metën të sapo zgjedhur si president që veshi qyrkun e kryetarit të LSI-së që nuk ishte zhveshur akoma në fakt, bëri një nga fushatta më të egra dhe luftarake që ai ka bërë në karrierën e vet politike duke kompromentuar rëndë ngjarjen e sapondodhur që kishte të bënte me zgjehdjen e tij si president.

Unë mendoj se Ilir Meta po e bën këtë gjë jo se ka ndonjë gjë kundër ramës, ai thellë thellë në mendjen e vet është duke e uruar Ramën, se i ka dhënë një alibi ky i fundit një arsye që Ilir Meta të çojë deri në fund betejën e tij politike që ai e ka prej kohësh në kokën e vet dhe kjo beteje ka të bëjë me qëllimin e tij për të marrë në dorë frenat e opozitës, gjithçka që po ndodh po ndodh kundër Lulzim Bashës. Nëse Meta do ta bëjë këtë gjë le ta bëjë madje kam përshtypjen mund ti bëhet mirë edhe opozitës por ai këtë gjë nuk mund ta bëjë nga zyra e presidencës duke mbajtur veshur kostumin e presidentit, ai duhet ta heqë këtë kostum. Apeli im është i thjeshtë. Zoti Meta bëni presidentit dilni për zot funksionit të Presidentit, nëse në mendje keni betejën politike për sa fola atëherë duhet të largoheni nga Presidenca, kjo është për të mirën tuaj dhe mbi të gjitha për të mirën tonë, ky është një imperativ ne nuk e meritojmë, ne nuk duam të kemi në presidencë një njeri që e ka mendjen tek betejat e veta politike ne duam një president që të jetë simbol i unitetit kombëtar./abcnews.al

termeti-durres-1280x718.jpg
nev ila16:30 | 27/11/2019

Në 30 ditët në vijim qarku i Tiranës dhe i Durrësit janë në gjendje të jashtëzakonshme që u shpall mëngjesin e kësaj të mërkure nga kryeministri Rama. Por Kushtetuta në pjesën për situata të rënda ka dy parashikime; atë për gjendje të jashtëzakonshme dhe për fatkeqësi natyrore. Kronika ju informon me ndryshimet mes dy termave dhe detyrimet që i lindin shtetit ndaj të dëmtuarve.

Për Tiranën dhe Durrësin kryeministri Edi Rama shpalli gjendjen e jashtëzakonshëm për një afat 30 ditor, ende pa u bere vlerësimi paraprak për gjendjen e krijuar nga tërmeti. Në Kushtetutë për gjendje të rënda parashikohen dy terma; gjendja e jashtëzakonshme dhe fatkeqësi natyrore.

Në nenin 173 të Kushtetutës parashikohet që “gjendja e jashtëzakonshme vendoset nga Kuvendi me propozim të Këshillit të Ministrave, në rastet kur cenohet rendi kushtetues dhe siguria publike”

Kjo gjendje bën të detyrueshëm ndërhyrjen e forcave të armatosura, që sërish bëhet me vendim të Kuvendit dhe vetëm kur forcat e policisë nuk janë në gjendje të rivendosin rendin.

Ndërsa fatkeqësitë natyrore parashikohen në nenin 174. Në këtë nen thuhet se,

“Për parandalimin ose mënjanimin e pasojave të një fatkeqësie natyrore ose aksidenti teknologjik, Këshilli i Ministrave mund të vendosë, për një periudhë jo më të gjatë se 30 ditë, gjendjen e fatkeqësisë natyrore në një pjesë ose në të gjithë territorin e shtetit”.

Me bilancin e rëndë të viktimave të shkaktuara nga tërmeti, sipas këtyre dy parashikimeve në Kushtetutë, duke e arsyeshme që  gjendja të konsiderohet si fatkeqësi natyrore. Sipas ligjit të miratuar në 17 korrik 2019, parashikohet që shteti shqiptar të përgjigjet për dëmet që shkaktohen nga pasojat e një fatkeqësie.

Në rast të shpalljes së gjendjes së fatkeqësisë natyrore, kompensimi për qytetarët e dëmtuar bëhet me vendim të veçantë të Këshillit të Ministrave.

Këtë të mërkurë kryeministri Rama deklaroi se deri në vitin 2020 mund të ndërtohen shtëpitë e reja./abcnews.al

 

 

ILIR-META-23.11.2019.mpg_snapshot_00.54-1280x720.jpg
ent ela16:49 | 23/11/2019

“Ku po shkon Ilir Meta?” Eshtë pyetja të cilës tenton t’i japë një përgjigje këtë javë Politika në ABC News. Përplasja e kreut të shtetit me mazhorancën e ambasadorët është frontale, por Ilir Meta e çoi edhe më tej, duke u bërë thirrje shqiptarëve të marrin fatet e tyre në dorë.

Emocionet personale dominuan ato institucionale, në përplasjen tashmë frontale mes presidentit e mazhorancës. Shkak i dukshëm është konflikti për ngritjen e Gjykatës Kushtetuese. Për herë të parë një President, pasi vizaton një shtet të kapur nga mazhoranca qeverisëse, i bën thirrje popullit për referendum, në mbrojtje të demokracisë. Përkundër këtij qëndrimi të Presidentit, opozita jashtë Kuvendit po e gjen gjuhën me mazhorancën për reformën zgjedhore, që do i hapte rrugë synimit të saj për zgjedhje të parakohshme. Në këtë panoramë, vetë Kryeministri pati kohë edhe për pasionin profesional, artin.

Po çfarë ndodhi javën politike që lamë pas?

Emërimi i dy kandidateve për vakancën e Presidentit në Gjykatën Kushtetuese, solli një përplasje të fortë politike, që në vijë të parë ka institucionet, e kosto edhe ndërkombëtarët.

Ideja për të marrë një opinion profesional nga Komisioni i Venecias për situatën në GJK, si dhe shkarkimi nga KPA i të dekretuarit të parë të presidentit Meta, Besnik Muci, rindezi edhe më tej tensionin politik.

Dy herë brenda pak ditëve Ilir Meta tha se do publikonte një video ku faktohej faktohej sesi kreu i KED Ardian Dvorani, kishte përvetësuar kompetencat kushtetuese Presidentit, duke çuar në shpalljen automatikisht fituese të një gjyqtareje e renditur e para nga KED, Arta Vorpsit. Ndërkaq e dekretuara e tij Marsida Xhaferllari, u njoh si e tillë nga trupa 4 antarëshe e Gjykatës Kushtetuese, që drejtohet nga gjyqtarja më e vjetër, Vitore Tusha, përcaktuese edhe në ndarjen 2 me 2 në vendimin e trupës pro Xhaferllarit. Pikërisht Vitore Tushën shigjetoi javën politike që lamë pas, ish-drejtuesi parlamentar i hartimit të reformës në drejtësi Fatmir Xhafaj.

Në web e Gjykatës znj.Tusha ka botuar listën e anëtarëve të rinj! Pyetja është kë të besojmë, znj.Tusha n/kryetare të KED që ka shpallur znj.Vorpsi fituese apo znj.Tusha gjyqtare, që nuk respekton as vendimin e organit që drejton. Në cilin kuorum të Gjykatës Kushtetuese u bazua kjo vendimmarrje?

Kreu i shtetit e konsideroi presion skandaloz dhe kujtoi videon që po përgatitej si provë. Në pritje, finalizoi padinë penale ndaj Ardian Dvoranit për shpërdorim detyre dhe përvetësim të titullit apo detyrës shtetërore. Kallëzimi 38 faqesh ku thuhet se veprimet e kreut të KED e kapërcejnë kufirin e shkeljes disiplinore, u përcollën me korrierin presidencial në PP, PKR dhe PT.

“Presidenti i Republikës vlerëson ekzistencën e një rreziku real që i akuzuari Ardian Dvorani të kryejë sërish veprime kriminale dhe mafioze në shkelje të ngjashme të Kushtetutës dhe ligjit, që do të ndikonin drejtpërdrejt në mirëfunksionimin e organeve te reja kushtetuese”.

Reagimi i kreut të KED, ishte i gjatë, e po aq emocional sa deklaratat e presidentit.

“Për momentin, parashtroj publikisht se, edhe vetë sjelljet dhe veprimet e mia, qoftë edhe ato të pavërteta por të dëshiruara si të tilla nga kallëzuesi, janë të tilla në natyrë që jo vetëm nuk përbëjnë ndonjë vepër penale, por as edhe ndonjë shkelje tjetër të ligjit. Por akoma më serioze është fakti që vetë ky kallëzim penal, sikurse edhe të gjitha deklarimet e zhurmshme të Presidentit, bazohen në një vlerësim dhe interpretim tërësisht të gabuar dhe aspak profesional të Kushtetutës dhe të ligjit”.

Në fakt një regjistrim kallëzimi penal, do e nxirrte jashtë loje Ardian Dvoranin, por edhe vinte në pikëpyetje funksionimin e KED së ardhshme, që zgjidhet çdo vit me afat një vjeçar. Sipas ligjit Presidenti duhet të hedhë brenda 5 ditëve të para të dhjetorit shortin për KED e re, që drejtohet nga një anëtar i Gjykatës së Lartë i paracaktuar është Ardian Dvorani, anëtar i vetëm i kësaj gjykate, i vetmi që qëndron në detyrë, edhe pse mandati i ka mbaruar prej afro 6 vitesh, konkretisht në shkurt 2014.

Por ulja e Xhaferllarit në karrigen e Gjykatëses Kushtetuese, nuk duket një histori e mbyllur. Interesante ishte javën politike që lamë pas, mënyra se si u hodh në publik ideja për të marrë një opinion nga Komisioni i Venecias nëse vendi në Kushtetuese i takonte Arta Vorpsit të përzgjedhur nga KED apo Marsida Xhaferllarit të dekretuar nga Presidenti. I pari e propozoi ambasadori italian më 15 Nëntor, pikërisht ditën kur kuvendi në një seancë të jashtëzakonshme miratoi një rezolutë, që i kërkonte GJK, të mos njihte dekretin e presidentit për Xhaferllarin.

“Kam parë se ka fatkeqësisht divergjenca në interpretimin e ligjeve për Gjykatën Kushtuese mes institucioneve më të larta në vend, që duhet të bashkëpunojnë në mënyrë të përgjegjshme për gjetjen e një zgjidhjeje jo të imponuar por të pranueshme nga të gjithë. Prandaj uroj që kjo zgjidhje e pranueshme të gjendet. Personalisht mendoj se do ishte e nevojshme, për të ndihmuar arritjen e një vizioni të përbashkët, që t’i kërkohet opinion një organizmi ndërkombëtar kompetent, kam parasysh komisionin e Venecias, që mund të tregojë rrugën e duhur që duhet ndjekur”.

Deklarata e ambasadorit italian kaloi pa vëmendje, madje edhe kur ideja u rimor nga Fatmir Xhafaj, pas publikimit në faqen e GJK të anëtares Marsida Xhaferllari.

“Kur arsyeja mungon, fryma dhe gërma e kushtetutës lexohen keq, duhet reagim. Kryesorja me mekanizma politikë, por edhe me veprime të mirëmenduara ligjore, institucionale dhe gjyqësore. Nëse duhet ka edhe precedentë e ekspertizë ndërkombëtare”.

Por ndryshe nga homologu e bashkëkombasi Cutillo, ambasadori i BE Luiggi Soreca sugjeron që çështja të zgjidhet me dialog të brendshëm.

“U bëjmë thirrje institucioneve, që të lënë mënyrë konfliktet për Gjykatën Kushtetuese dhe të ngrenë një institucion të besueshëm. Dialogu është i domosdoshëm në këtë situatë. Ne u bëjmë të gjitha institucioneve të bëhen bashkë dhe të gjejnë zgjidhje në Kushtetutë. Ne japim asistencë teknike dhe nuk mund të vlerësojmë si është zbatuar Kushtetuta”.

E ndryshe nga ambasadori, disa orë më vonë, zëdhënësja e KE në largim, artikuloi idenë që zgjidhja të vinte nga Komisioni i Venecias.

“Në mungesë të një Gjykate Kushtetuese funksionale që mund të vendosë mbi këtë interpretim të papajtueshëm, rekursi për një mendim të Komisionit të Venecias, duket si një zgjidhje efektive për ta trajtuar këtë situatë, si një çështje me përparësi”.

Sërish ajo ide nuk pati vëmendjen e duhur publike, mes zhurmës së debatit, që protagonist kishte presidentin e Republikës, deri kur u risoll mëngjesin e të mërkurës në një deklaratë zyrtare të ambasadës usa.

“Institucionet gjyqësore shqiptare, kushtetuta dhe ligjet për zbatimin e reformës në drejtësi, duhet të udhëheqin procesin e zgjidhjes së këtyre interpretimeve të debatuara. Në mungesë të një institucioni të përshtatshëm ligjor, i cili mund të vendoste mbi interpretimet e kundërta, Shtetet e Bashkuara mbështesin çuarjen e çështjes në Komisionin e Venecias, si një palë e tretë kompetente dhe e paanshme, për opinionin e tij ligjor. Gjithashtu, nxisim palët kundërshtuese që të respektojnë opinionin ligjor të Komisionit të Venecias. Ecja në këtë drejtim do të ishte tërësisht në përputhje me aspiratat europiane të vendit”.

Ishte momenti kur ideja mori vëmendje, por edhe kundërvënie nga Presidenti i Republikës. Së pari përmes zëdhënësit, duke shigjetuar propozuesin e parë, ambasadorin italian, por edhe të fundit, ambasadën amerikane.

“Garantët e veprimeve të paligjshme dhe mafioze të Dvoranit e kanë marrë mbrëmë përgjigjen zyrtare në një bisedë zyrtare tepër të përgjegjshme të Kryetarit të Shtetit. Tymi i Venecias që hodhi me porosi të Ramës, Ambasadori në ikje i Agaçit pak ditë më parë, është turpi më i fundit i grupit të strukturuar diplomatik në Tiranë, bashkëfajtor për dhunimin sistematik të Reformës në Drejtesi dhe me qëllim kapjen e saj të plotë nga Regjimi monist i Edi Ramës. Mjaft më “Rule of Embassy”. Është koha për “Rule of Laë” si çdo vend demokratik”.

Biseda zyrtare tepër e përgjegjshme, të cilës i referohej zëdhënësi Tedi Blushi, rezultoi të ishte një telefonatë 30 minutëshe me Mattheë Palmer, që u konfirmua si nga ambasada e SHBA në Shqipëri, ashtu edhe nga Presidenca.

Burime për ABC Neës bëjnë me dije se në fokus të bisedimeve mes tyre kanë qenë përplasjet për emërimet në Gjykatën Kushtetuese dhe situata politike në Shqipëri, si dhe betimi para presidentit të 8 prokurorëve të SPAK.

Aktivizimi i instinktit politik tek Ilir Meta, u shoqërua me simbolika luftarake. Ky nderim i gardistit të institucionit, me komentin se ai do ishte ushtari i dytë pas presidentit, në mbrojtje të Republikës

“Hipokritët që po çojnë aktet në Venecia janë hipokritë, sepse duhet të kishin çuar emërimin e Arta Markut me 69 vota. Nuk besoj se keni harruar deklaratën e Xhafës”

A lidhej vallë shpërthimi i Metës, me një tjetër ngjarje të ditës, shkarkimin e të dekretuarit të tij të parë në Kushtetuese, Besnik Muçi?

Besnik Muci, e cilësoi të pavlefshëm procesin dhe vendimin e KPA ndaj tij.

Argumentimi mbrojtës ishin tiradat për institucionet që e kishin konfirmuar.

Në fakt Besnik Muçi spikat për pasionin për të kandiduar për çdo funksion në 2 vitet e fundit. Ai ishte pjesë e garës që u nxit nga ndërkombëtarët për PPP në 2017, ku fituese u shpall Arta Marku. Të ishte vallë ajo gatishmëri e treguar prej tij në 2017, siguria që ambicja profesionale të mos ndalej aty? Kur në shtator 2019 nisi shqyrtimi i ankimimit në shkallën e dytë të vettingut, përveçse anëtar i KLP, Besnik Muçi ishte edhe kandidat si për Gjykatën Kushtetuese, ashtu edhe për SPAK. Më 15 tetor Presidenti e dekreton gjyqtar kushtetues, por 6 ditë më vonë, Besnik Muçi shkarkohet nga shkalla e dytë e vettingut, e Gjykata Kushtetuese mbetet sërish me 4 anëtarë.

“0 surprizë nga vettingu i partisë. Ju e dini që vetting-u i Partisë u shpall para pak ditësh për zotin Muçi. Nuk jam i habitur se ai që ditën e parë që ka hyrë në zyrë ka pasur presione që të bëhej pjesë e puçit për të penguar Marsida Xhaferllarin që u betua si anëtare e Gjykatës Kushtetuese…Nëse doni emra, nuk e keni harruar zotin Xhafaj, i cili publikisht i bëri shantazh Vitore Tushës, e cila jo vetëm kaloi vetting-un, por qëndroi në detyrë me sforco, për të mbajtur hapur dyert e Gjykatës Kushtetuese”.

Të nesërmen Besnik Muçi iu drejtua me një kërkesë kryetares Vitore Tusha, ku i kërkonte të shprehej mbi përfundimin e mandatit të tij në GJK. Deri në një vendim, bënte të ditur Muçi, do të qëndronte në detyrë. Por lëvizjet që pasuan ishin interesante: Presidenti e thirri të dekretuarin e vet dhe i kërkoi të rishikonte vendimin, e të mos qëndronte në detyrë. Pak minuta pas atij takimi, emri i Muçit u hoq nga përbërja e trupës në faqen zyrtare të Gjykatës Kushtetuese, ndërsa Presidenti shpalli vakancën për postin e tij.

A ishte vallë lëshimi i menjëhershëm i Besnik Muçit, pavarësisht anatemimit të vendimit të KPA, një lëvizje tolerance, që të pranohej e zgjedhura tjetër e Presidentit, Marsida Xhaferllari?

Ndryshe nga një vit më parë, Ilir Meta duket i vendosur ta hedhë siç i takon shortin për KED e re, më 5 dhjetor, e të rrisë monitorimin ndaj punës së këtij Këshilli. Nga ana tjetër po kërkon legjitimitet për veprimet e veta, përmes takimeve, të nisura prej ditësh, me aktorë politikë e të shoqërisë civile, duke nisur nga ish presidentët. Dobësia e njohur për Sali Berishën kapërceu protokollin institucional, në pritje e përcjellje. Si ish president e ish Kryeminsitri, Berisha u shfaq sinkron me Presidentin e Republikës.

Njëlloj edhe paraardhësi i Metës, Bujar Nishani.

Bamir Topi e sheh problemin më thellë, tek ndryshimet kushtetuese të 21 prillit 2008, në atë kohë, të dakordësuara mes Berishës e Ramës e të kundërshtuara nga Ilir Meta.

Edhe takimi me opozitën e bashkuar pati simbolika që e tejkaluan protokollin. Lulzim Bashës iu ofrua hyrja nga porta kryesore, që protokolli e parashikon për presidentë, Kryeminstra e ambasadorë, ndërsa aleatët, hynë njëri pas tjetrit nga dera anësore e institucionit. Në njoftimin për shtyp të presidentit spikati mbështetja për qëndrimin e opozitës për zhvillimin e zgjedhjeve të parakohshme të menjëhershme. I dha zë edhe Lulzim Basha.

Duket se Ilir Meta po luan gjithçka për gjithçka, në rastin e Gjykatës Kushtetuese, duke mos kursyer as vetë ambasadorët. Javën politike që lamë pas, shpalli non grata në institucionin që drejton ambasadorin e OSBE Borchard. Në notën verbale që i ishte përcjellë selisë qëndrore të OSBE, prezencës në Tiranë dhe ministrisë së jashtme, si shkak jepej qëndrimi i ambasadorit për dekretin e Presidentit për zgjedhjet e 30 qershorit, si dhe një gjest të dënueshëm me gisht në publik. Kërkesa e presidentit u respektua nga OSBE dhe ambasadori Borchardt nuk e shoqëroi delegacionin e nivelit të lartë të Asamblesë Parlamentare të OSBE-së, në takimin me kreun e shtetit. Por ndryshe nga Presidenca, me gjithë qasjen e ngjashme për Borchard, PD e priti ambasadorin, që shoqëroi të njëjtin delegacion, në takimin me Lulzim Bashën. Në fakt ishte pikërisht ambasadori Borchardt, ai që mundësoi uljen e opozitës politike në tryezën e reformës zgjedhore, bashkë me komisionin e posaçëm parlamentar që bashkëdrejtohet nga Damian Gjiknuri e Rudina Hajdari. Opozita joparlamentare e mori kështu de fakto vendin që i ishte rezervuar në tryezën e reformës zgjedhore. Pas diskutimit 5 orësh me dyer të mbyllura, PS e PD u shfaqën në sinkron për një proces që duket se po u ecën edhe më mirë, nga sa shprehen publikisht.

Nga ana tjetër, duket sikur socialistët po sillen kujdesshëm me Presidentin, duke shmangur konfliktin direkt, që Ilir Meta e ka pikë të fortë. Nuk po nxitojnë më të votojnë shkarkimin e tij, i parashikuar në 8 Dhjetor, ndërsa KM nuk është përfshirë në debatin për Gjykatën Kushtetuese. Mungesa e tij e pati një arsye të dukshme javën politike që lamë pas. Ajo ishte artistike, pasi Muzeu i Artit në Nevada të SHBA, njoftoi për një ekspozitë të Km të Shqipërisë, duke i ftuar që të takonin Edi Ramën, i pranishëm, të enjten e 21 Nëntorit. Prania e Kryeministrit u bë e ditur edhe nga një postim i zv/guvernatores së Nevadës, që e kishte takuar në përgatitjet për hapjen e ekspozitës së tij. Ditën e caktuar, 4 orë para hapjes së ekspozitës, Galeria bënte njoftimin e ri, sipas të cilit Kryeministrit i ishte dashur të largohej për punë urgjente politike. Edi Rama e zbardhi një arsye në Tëitter. U shfaq në kryeqytetin e Arabisë Saudite në Rijad, për të diskutuar siç shkruante mbi ecurinë e përgatitjeve për investime të rëndësishme, ndërsa i kishte dhuruar princit saudit të kurorës librin e fundit për artin e tij, i titulluar “Punë”.

Në Tiranë ndërkohë Taulant Balla njoftonte zgjatjen e afatit të punës së komisionit parlamentar për shkarkimin e Metës, për t’i shtuar hetimit edhe dekretimin e Marsida Xhaferllarit.

A po i jepet vallë mundësi një marrëveshjeje, si ato që kemi konstatuar në të kaluarën? Padyshim që GJK ka një peshë të jashtëzakonshme për çështjet e nxehta në vend. I duhen edhe dy anëtarë për të arritur nr. 6, kur bëhet funksionale për vendimmarrje, që nga zgjedhjet e 30 qershorit, një nga 9 kushtet e Bundestagut, që ose do ta çonte vendin automatikisht vendin në zgjedhje të parakohshme vendore, ose do t’i jepte të drejtë socialistëve që kërkojnë shkarkimin e Metës.

A është vallë lëshimi i të zgjedhurit të tij Besnik Muçi, një sinjal kompromisi i Metës, që të pranohet dekretimi i të zgjedhurës tjetër të tij, Marsida Xhaferllarit? Koha do e tregojë, por duket edhe një sinjal ndaj merakut të lexueshëm, se mos Meta nuk pranon betimin e anëtarëve të SPAK, struktura e posaçme e hetimit, që pritet të zgjidhet javën e ardhshme.

Kreu i KLP, institucionit që i përzgjedh anëtarët më të mirë për SPAK, i shkoi në zyrë Presidentit javën politike që lamë pas, për ta informuar personalisht mbi këtë proces, i cili ka qenë pjesë edhe e telefonatës që zv ndihmës sekretari amerikan Palmer i bëri kreut të shtetit mbrëmjen e të mërkurës.

Një komunikim të kujdesshëm në distancë pati mes DASH dhe presidentit Meta mbrëmjen e të premtes. Zëdhënesi i tha VOA se DASH po e ndjek situatën teksa ishte njohur me deklaratën e Metës “Jo më shtet të ambasadave, por shtet të së drejtës”. Sipas tij qëndrimi i SHBA nuk ka ndyshuar, se respektimi i ligjit është mbi të gjitha, ndërsa përparimi me reformat është jetik për stabilitetin dhe begatinë e Shqipërisë, e antarësimin në BE. Nga ana e tij Presidenti përshëndeti deklaratën, duke konfirmuar vendosmërinë për të bashkëpunuar ngushtë me DASH e SHBA për zbatimin e Reformës në Drejtësi sipas Kushtetutës së miratuar me SHBA e komisionin e Venecias. Kujdeshëm Ilir Meta kujtoi se as qëndrimet e tij nuk kishin ndryshuar, të shprehura zyrtarisht për përfaqësuesit e lartë amerikanë gjatë 5 viteve të fundit, e të përsëritura edhe në bisedën e fundit telefonike me Mattheë Palmer.

Nuk pati një reagim nga Presidenti, ndaj qëndrimit të përcjellë nga zëdhënësja e KE Maja Kocijançiç, që i cilësoi të papranueshme deklaratat e Metës që venë në dyshim integritetin e bashkësisë diplomatike të BE në Tiranë europianë në Tiranë.

Por mbrëmjen e të premtes, Meta president ftoi shqiptarët për një referendum, në mbrojtje të kushtetutës, por pa e përcaktuar se si do orgnizohet, në kushtet kur ligji ia njeh këtë të drejtë parlamentit dhe 50 mijë zgjedhësve, aryeja për të cilën Shqipëria ka njohur vetëm 3 referendume ne tre dekadat e fundit, të tre të iniciuar nga parlamenti.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono