Kuqezi

sadiku.jpg
Veronik Istrefaj20:16 | 28/03/2020

Plot 3 javë që nga dita kur Armando Sadiku është futur në karatinë. Sulmuesi kuqezi, vazhdon të jetë i izoluar në shtëpinë e tij në Spanjë, pasi futbolli është ndërprerë. Sadiku po bënte një sezon të mirë për Malagan, duke treguar një formë tepër të kënaqshme.

Për fatin e tij të keq, futbolli u ndërpre, por jo seancat stërvitore, të cilat po i kryen rregullisht në shtëpi. Sadiku nuk ngurron t’i shpërndarë videot duke kryer stërvitje në Instagram, ndërsa sot, ka postuar një video ndryshe…

Pasi bën disa kërcime në litar, Sadiku gjuan një top mes një porte të vogël, top që shkon e përplaset te celulari i sulmuesit që po regjistronte. Për fat të keq, celulari nuk “mbijetoi” dhe ekrani, u thye totalisht. “Çfarë ndodh pas tre javëve në karantinë”, shkroi me shaka Sadiku në Instagramin e tij.

Tuci.jpg
Veronik Istrefaj17:04 | 27/03/2020

Sulmuesi i talentuar shqiptar, Indrit Tuci, foli në emisionin Fan Zone në Supersport, aty ku sqaroi të ardhmen e tij, tregoi vendin ku ndodhet aktualisht, si dhe tregoi ndjesinë që kishte kur debutoi me Shpresat U-21, në takimin kundër Anglisë.

“Për momentin, ndodhem te shtëpia ime në Laç. Sapo kam ardhur sot nga Zagrebi. Këtu ka rënë dhe tërmeti, të gjitha. Unë kontaktova në Ambasadë, më dhanë leje të kaloj tre shtete nën shoqërimin e policisë, që të mos bëjmë ndalesa rrugës. Jo, në Zagreb nuk kemi bërë teste. Kemi dy javë që kemi ndaluar stërvitjen dhe kemi qëndruar vetëm në shtëpi.

Po, siç e kam thënë, çunat e ekipit na thërrasin “Banda e shqiptarëve”. Ne rrimë gjatë gjithë kohës bashkë, shoqërohemi bashke, edhe shokët e skuadrës na mbajnë mirë. Ky është viti i parë në futbollin profesionist në Kroaci, kam shënuar 2 gola dhe kam dhënë 2 asiste. Siç e dinë të gjithë, Kroacia është trampolina më e mirë në Ballkan. Objektivi im është të luaj sa më shumë te Lokomotiva, ndërsa vitin tjetër dua të hedh hapin e madh, sigurisht.

Që 6 vjeç, kam parë Adrianon teksa luante për Interin, ajo është ëndrra ime. Shpresoj që një ditë të jem tek Interi. Debutimi ishte shumë i mirë, kam luajtur kundër Hajduk Splitit, aty luan Ismajli. Ai më priti shumë mirë, më tha suksese. Ishte ndeshja ime debutuese.

Kemi ardhur vetëm dy veta në Shqipëri, unë dhe Myrto Uzuni. Kontrata ime? Unë firmosa edhe për katër vite të tjera dhe deri në 2023, jam te Lokomotiva. Për momentin, jam i fokusuar vetëm këtu. Normalisht, në grumbullimin e parë me Shpresat, çunat më kanë pritur shumë mirë, edhe stafi. Po bëhet një punë shumë profesioniste te kombëtarja.

Unë fanellën e kombëtares ishte hera e parë që e vishja përballë Anglisë në “Loro Boriçi” dhe ishte ndjenja më e bukur në botë, nuk mund ta përshkruaj. Shpresoj që me Kombëtaren A, të jetë ndjenja edhe më e pabesueshme. Shumë faleminderit”, përfundoi Tuci.

grezda-1.jpg
Veronik Istrefaj16:32 | 24/03/2020

Futbollisti i kombëtares, Eros Grezda, pritet të humbasë gjysmën e rrogës në Kroaci për shkak të koronavirusit. Klubi i tij, Osijeku, deklaroi se do të ulë shpenzimet pas ndërprerjes së kampionatit.

Karrierën në “Ibrox” e nisi shumë mirë dhe pritej të shkëlqente. Sa shumë kanë ndryshuar kohët për Eros Grezdën, që jo vetëm nuk arriti të tregonte veten te Rangers, por do të detyrohet të pranojë humbje financiare në Kroaci.

Lojtari i kombëtares shqiptare u huazua në janar tek Osijeku në Ligën e Parë kroate, aty ku ishte përpara sesa të transferohej në ishujt britanikë, veçse epidemia e koronavirusit duket se do të ketë ndikim të dyfishtë për të.

Mediat kroate njoftojnë se Osijeku bëhet i pari klub i elitës që lajmëron uljen e rrogave për lojtarët e tij në masën deri në 50 për qind, nëse kampionatin nuk rinis.

Kësaj i bëjnë jehonë mediat skoceze, të cilat e quajnë vendimin e Osijekut si një problem për Rangers, që mesa duket do të duhet të plotësojë rrogën për shqiptarin e Kosovës.

Gjithsesi, Koronavirusi ka edhe rrezikun për shëndetin dhe jetën, diçka që padyshim ndikon te Grezda, ndërsa në Kroaci numri i të sëmurëve vazhdon të rritet dhe ka arritur gati në 400.

Përveç ndikimit të epidemisë, Grezda ka pasur edhe një shqetësim tjetër këto ditë dhe pikërisht ai i shkaktuar nga tërmeti, që tronditi Zagrebin, por edhe gjithë Kroacinë.

Tërmeti i rënë në 22 mars ishte i magnitudës 5.4 të shkallës Rihter, më i forti tërmet i 140 viteve të fundit në Kroaci, dhe shkaktoi dëme të mëdha materiale, si dhe një viktimë./abcnews.al

Broja-1.png
Veronik Istrefaj08:13 | 09/03/2020

Armando Broja debutoi në Premier League dje, në një ndeshje që Chelsea e fitoi kundër Everton. Sulmuesi nga Malësia e Madhe, në mbrëmje ka folur në një lidhje direkte me emisionin “Zona Gol” në Supersport dhe ka zbuluar disa sekrete të tijat dhe dilemën që i lind në rast se merr një ftesë nga Anglia.

“Edi Martini më ka thirrur në Shqipëri i pari. Është një gjë e madhe për një djalë 18 vjeç që të zëvendësojë Giroud, ai është kampion bote. Ishte ndeshja e parë për mua, debutova me skuadrën e parë. Ishte diçka e madhe për mua dhe isha shumë i kënaqur me debutimin tim.

“Lampard? Para ndeshjes kisha emocione sepse ishte ndeshja ime e parë. Lampard më tha të jem i lirshëm, të luaj siç kam luajtur gjithë sezonin. Këtë më tha Lampard. Edhe shokët e skuadrës më kanë mbështetur, më kanë goditur dhe me shpulla në shenjë motivimi”.

“Kur kam qenë me 23-vjeçarët, kam firmosur kontratën me Chelsea. Kur erdhi Lampard, djemve të rinj iu hapën dyert dhe kam qenë shumë i kënaqur kur ai erdhi. Prandaj qëndrova te Chelsea dhe nuk zgjodha skuadër tjetër”.

 

“Të largohem në formë huazimi? Unë gjithmonë mund të iki në një klub më të vogël dhe të marr më shumë minuta dhe eksperiencë, siç ka bërë Tammy Abraham, por për mua rruga është të futem në ekipin e parë të Chelsea. Po stërvitem prej 3-4 javësh me ekipin e parë dhe shpresoj të futem në skuadrën e parë. Nuk e kam menduar të ik në një klub më të vogël”.

“Ende nuk më ka thirrur Anglia, por nëse ndodh, nuk e di çfarë të bëj. Për momentin, po luaj me Shqipërinë, me U-21. Shqiptar e kam gjakun, jam shumë i kënaqur me Shqipërinë dhe shpresoj të më thirrë dhe ekipi i parë i Shqipërisë”.

“Babi dhe mami kanë lindur në Shqipëri, nga Malësia e Madhe. Unë kam lindur në Angli, por prindërit më kanë lindur në Shqipëri”, përfundoi Broja./abcnews.al

Broja-1.png
Veronik Istrefaj20:31 | 08/03/2020

Sulmuesi i talentuar shqiptar, Armando Broja, debutoi me skuadrën e Chelsea në Premier League, një hap galopant i 18 vjeçarit. Talenti kuqezi pas ndeshjes kundër Everton, foli për Sky Sport, ku u shpreh:

“Është një ndjenjë e pabesueshme. Unë kam qenë këtu që kur kam qenë një fëmijë i vogël dhe kam ëndërruar për këtë moment gjatë gjithë kohës.

“Edhe të debutoja në “Stamford Bridge”, ishte një ndjenjë e shkëlqyer. Para se të futesha në fushë, isha pak nervoz, por fola me Lampard dhe ai më tha që thjesht të shijoja çdo moment.

“Kështu që unë thjesht shijoja momentet për minutat që luaja dhe ishte një ndjenjë e mahnitshme të isha atje në fushë”, tha Broja për Sky Sport./abcnews.al

Qose.png
Veronik Istrefaj18:19 | 08/03/2020

Një fundjavë deri diku pozitive për futbollistët shqiptarë, të cilët kanë shënuar dhe asistuar në kampionate të ndryshme të Europës. Kristi Qose gjeti golin me ekipin e Karvina në Çeki, duke shënuar golin e parë në fitoren 2-0 të skuadrës së tij.

Mesfushori kuqezi është me fat në zonën kundërshtare dhe në rrëmujë e sipër, i del topi në një pozicion të favorshëm. Qose gjuan fort nga një distancë e afërt dhe gjen rrjetën. Sulmuesi Kamberi asistoi golin e fitores të Rangers në transfertë përballë Ross County.

 

Festa e Kamberit me autorin e golit, Ryan Kent

 

Shqiptari asistoi golin e Kent dhe Rangers, mori një fitore të rëndësishme në kampionatin skocez. Cikalleshi ka shënuar dhe ka asistuar një gol tjetër në takimin mes Akhirsaspor dhe Osmanlispor. Sulmuesi shqiptar ishte protagonist absolut në atë fitore 3-2.

Ndërsa sulmuesi tjetër kuqezi, Bekim Balaj, luajti 80 minuta për Sturm Graz, por nuk arriti të ndihmojë skuadrën e tij të eliminojë humbjen 2-0 përballë Salzburg./abcnews.al

Laci-Ajaccio.png
Veronik Istrefaj16:20 | 07/03/2020

Mesfushori shqiptar, Qazim Laçi, është lideri i ekipit të Ajaccio. Në kategorinë e dytë në Francë, Laçi është një ndër lojtarët më të mirë dhe sot, asistoi në takimin kundër Lorient.

Futbollisti kuqezi kroson nga goditja e këndit në shtyllën e parë, aty ku Bayala shënon një supergol me thembër. Portieri i Lorient bëri maksimumin që të ndalojë topin të shkojë në rrjetë, por nuk ia doli. Ajaccio kaloi në avantazh pas 52 minutash lojë dhe Laçi ishte protagonist./abcnews.al

Francë, Ligue 2

Ajaccio – Lorient 1-0
Bayala 54′ (Laçi)

Uzuni.jpg
Veronik Istrefaj20:02 | 03/03/2020

Takimi mes Lok. Zagrebit dhe Slaven Belupo, është mbyllur me rezultatin 3-0, me vendasit që e dominuan takimin. Për Lokomotivën, zbritën në fushë plot 5 futbollistë shqiptarë nga minuta e parë.

Uzuni, Kastrati, Çokaj, Mersinaj dhe Tuci u aktivizuan titullarë në këtë sfidë, duke i dhënë ngjyra kuqezi takimit. Madje, për të zhbllokuar shifrat, mendoi Myrto Uzuni, me sulmuesin e kombëtares që shënoi një gol shumë të bukur.

Në minutën e 59-të, Kastrati bën një driblim të shkëlqyer nga e djathta dhe kroson në zonë, aty ku Uzuni godet me të parën dhe shtang portierin mik. Lokomotiva do të shënonte dhe dy herë të tjera dhe do të dilte triumfuese nga kjo sfidë../abcnews.al

Cekici.png
Veronik Istrefaj16:58 | 03/03/2020

Endri Çekiçi vazhdon të hedhë kandidaturën e tij për një ftesë te Kombëtarja e Shqipërisë, pasi paraqitjet e tij me Olimpija Ljubana, janë të shkëlqyera.

Në Slloveni, Çekiçi është një ndër lojtarët më të mirë dhe fantazisti kuqezi, e ka treguar dhe në takimin e sotëm kundër Aluminij në transfertë, pasi ka shënuar një eurogol për të zhbllokuar shifrat.

Në minutën e 14-të, Çekiçi merr përsipër ekzekutimin e një goditje dënimi nga një kënd i prirët, por me mjeshtëri të lartë, gjen trekëndëshin e portë, duke shënuar perlën e radhës. Lojtar fantastik!/abcnews.al

Alban-Meha.jpg
Veronik Istrefaj21:00 | 02/03/2020

Mesfushori shqiptar, Alban Meha, ka shënuar një supergol në Gjermani, me skuadrën e KSV Hessen Kassel. Futbollisti kuqezi shquhet për goditjet e tij të dënimit dhe nga një e tillë, ka shënuar dhe sot.

Ish-futbollisti i kombëtares shqiptare duket se nuk e ka harruar zakonin dhe ka shënuar edhe sot një gol shumë të bukur, duke e shtuar koleksionin e tij të “perlave”. Goli e Mehës, i gjithi për t’u shijuar…/abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono