klevis balliu
COVID19 test and laboratory sample of blood testing for diagnosis new Corona virus infection

Capture-23.png
in a16:57 | 05/03/2020

Prej orëve të para të mëngjesit të së enjtes Policia Bashkiake e mbështetur dhe nga ajo e shtetit, bllokuan rrugën kryesore në zonën e Unazës së Re, për t’i ardhur në ndihmë IKMT-së në aksionin e shembjes së disa godinave.

Qytetarët e shumtë të cilët po shkonin në punë u përballen me policinë e cila nuk i lejonte të kalonin as në trotuaret pranë.

Fadromat e IKMT-së nisën aksionin e shembjes së godinave ku do kalojë Loti i 2 i rrugës, pa hasur në rezistencën e banorëve të Astirit të cilët i kanë boshatisur shtëpitë dhe bizneset e tyre që prej 17 shkurtit.

Njëri prej banorëve të kësaj zone u shpreh se ky është projekt korruptiv, duke drejtuar gishtin drejt kryeministrit Rama dhe kryebashkiakut të Tiranës, Erion Veliaj.

 “Kush jeton në këtë vend është i kërcënuar. Ne nuk do të lëvizim nga Unaza. Personalisht nuk më del shpirti nëse nuk e shoh Ramën para drejtësisë. Kanunin e di mirë ai plehrë, frikacak. Do ta paguajë, siç na shkatërrojë familjet, do ta ndjekim këmba këmbës”, u shpreh një banor.

Në mbështetje të banorëve të Astirit ishte edhe ish-deputeti i PD, Klevis Balliu i cili tha se shembja e këtyre banesave do t’i hape rrugë ndërtimit të kullave nga oligarkët.

“Ka shkatërruar shtëpitë, strehën e qytetarëve vetëm për ndërtimin e kullave të pushtetarëve dhe të oligarkëve. Këtu do të jepen leje ndërtimi mbi gjakun dhe djersën e qytetarëve. Ata që kanë bërë këtë krim do të mbajnë përgjegjësi”, u ish-deputet i PD Klevis Balliu.

Në pjesën ku pritet të kalojë Loti i 2 i Unazës së Madhe do të shemben rreth 30 objekte banimi dhe biznesi, ndërsa shumica e banorëve janë strehuar tek të afërmit e tyre.

Pas rreth 4 orësh kaos, policia vendosi të lejonte kalimin e automjeteve nga “Pallati me Shigjeta” në drejtim të ish-sheshit  “Shqiponja” duke zgjidhur ngërçin e trafikut./abcnews.al

balliu-1.jpg
ger ta09:29 | 05/03/2020

Prej orëve të para të mëngjesit të sotëm ka nisur shembja e godinave të tjera të zona e Astirit në Tiranë.

Në vendngjarje ndodhet edhe ish-deputeti i PD, Klevis Balliu. Në një prononcim për Abc News, ish deputeti tha se aksioni po bëhet për të fshirë provat.

“Sot kjo cështje është nën hetim. Është cuar në SPAK dhe nuk mund të kishte asnjë aksion për sa kohë nuk janë mbyllur hetimet”, tha Balliu.

Pjesë nga intervista:

Aksioni bëhët për të fshirë provat e krimit. Kjo është një zonë krimi. Këtu ka një vjedhje prej 40 milion euro. 20 milion euro kilometri nuk ekziston në asnjë vend të botës. Këtu ka të bëjë një aferë korruptive, me një tenderim fiktimv për hir të Salillarëve të pushtetit. Sot kjo cështje është nën hetim. Është cuar në SPAK dhe nuk mund të kishte asnjë aksion për sa kohë nuk janë mbyllur hetimet. Dhe për këtë arsye vijnë këtu dhe shkatërrojnë provat. Këto fakte dhe këto prova sot po shkatërrohen.

Duke qenë se te këto godina kanë jetuar dhjetra familje, ku janë sistemuar këto familje?

Kjo qeveri nuk do të dijë për qytetarët. Kjo qeveri nuk do të dijë as për dhimbjen e nënave dhe fëmijëve që jetonin në këto banesa. Ju e shihni fare qartë sot se qytetarët po vdesin në protestë,  qytetarët kanë vrarë veten në burgje sepse nuk paguajnë dot dritat. Kjo qeveri ka vetëm një mison tgë vjedhë. Janë qindra forca policie që kanë marrë urdhër ‘shkatërroni çdo provë që implikojnë” Edvin Kristaq Ramën. Këtu nuk ka asnjë lidhje cështja e rrugës. Këtu bëhet vetëm që të shkatërrohen shtëpitë e qytetarëve dhe të ndërtohen kullat e oligarkëve.

Ju mendoni se këto shembje po bëhen në mënyrë selektive duke favorizuar disa të tjerë?

Unë thashë që këtu po shemben shtëpitë e qytetarëve për të ndërtuar kullat e oligarkëve. Ska anjë prjekt. Edhe sot që kanë ardhur për prishjet nuk u kanë dhënë banorëve as edhe një dokument. Kush është dënuar për dosjen e Unazës, e gjeni dot një person. /abcnews.al

balliu.jpg
in a18:05 | 02/03/2020

Gjykata Penale e Tiranës ka vendosur që të pranojë kërkesën e Prokurorisë dhe të kalojë për gjykim cështjen ndaj ish-deputetit të PD, Klevis Balliu.

Të pandehur janë marrë edhe 4 banorë të Unazës së Re Lulzim Maqinaj, Ilir Katiraj, Seit Hajderas si dhe Elton Skender. Ata akuzohen për kundërshtim të punonjësit të policisë dhe pjesëmarrje në manifestime të paligjshme.

Ndërkohë, Gjykata vendosi që të pushojë çështjen penale për punonjësin e policisë, Altin Koni, i cili akuzohej nga banorët e Unazës së re për ushtrim dhune.

Pas përfundimit të seancës paraprake, ish-deputeti Balliu e cilësoi vendimin e gjykatës të padrejtë.

“Këtu na ka sjellë Edi Rama dhe pushteti i tij i inkriminuar. Ku janë provat për dhunën që kanë shkatërruar banorët e unazës”, tha Balliu.

Banorët e unazës së re kanë zhvilluar protesta për më shumë se një vit për të kundërshtuar shembjen e banesave të tyre, të cilat preken nga ndërtimi i unazës së madhe./abcnews.al

klevis-balliu-2.jpg
ger ta13:20 | 02/03/2020

Gjykata kalon për gjykim dosjen penale ndaj Klevis Balliu dhe banorëve të Unazës së Re.

Lulzim Maqinaj, Ilir Katiraj, Seit Hajderas dhe Elton Skënderi, akuzohen për kundershtim i forcave të policisë, tubim i paligjshëm.

Pas përfundimit të seancë në një prononcim për gazetarët, Balliu tha se nuk ka asnjë provë që ai i ka thyer krahun policit, për të cilin akuzohen.

Ndërkaq, gjatë fjalës së tij, Balliu tha se qytetarët shqiptarë janë të pambrojtur dhe sipas tij kjo është një ndër arsyet pse dyuet të jenë sot në shesh.

“Sot qytetarët shqiptarë janë të pambrojtur dhe kjo është një arsye që sot duhet të jemi në shesh pa flamuj partiakë. Ju e patë edhe te Kongresi që dy orë foli Rama, 3 orë Linda, ndërkohë ku ishin socialistët. Një kongres familjar, sepse ai njeri e sheh pushtetin si dicka personale. Ndërkohë që shkatërron jetën e qytetarëve

Ne do vijojmë të përballemi me padrejtësinë. Unë kam kërkuar se ku është një provë për policin që thonë se unë i kam ushtruar policit. S’kemi asnjë masë ndaj asnjë polici. Pushojnë cështjen e unazës së re dhe nuk pushojnë çështjen këtu, ndaj meje që nuk kanë asnjë provë. Këtu nuk ka lidhje ligji.

Banorët e unazës së Re po përballen me padrejtësinë. Atje është shkelje e Kushtetutës, aty bëhet për të vjedhur pronat”, u shpreh ish-deputeti.  /abcnews.al

 

balliu-1.jpg
in a11:14 | 16/02/2020

Ish deputeti i Partisë Demokratike, Klevis Balliu në një deklaratë për mediat ka hedhur akuza ndaj kryeministrit Rama.

Sipas tij lufta kundër korrupsionit është vetëm një propagandë.

“Me Edi Ramën në krye të qeverisë nuk ka drejtësi të pavarur dhe politikanët e lidhur më krimin do të mbetën të pandëshkuar. Një nga rastet më flagrante të standardit të dyfishtë të Edi Ramës është vendimi për t’i gjetur një punë në shtet bashkëshortes së nënkryetarit të Komisionit Qendror të Zgjedhjeve, Denar Biba, pasi ajo dështoi të kalojë vetingun”, deklaroi Balliu.

Deklarata e plotë:

E gjithë propaganda e Edi Ramës për gjoja pastrimin e sistemit të drejtësisë nga të korruptuarit rrëzohet nga një vendim i vetë qeverisë së Edi Ramës për të mbajtur në administratën e tij ata që nuk e kalojnë vetingun.

Një nga rastet më flagrante të standardit të dyfishtë të Edi Ramës është vendimi për t’i gjetur një punë në shtet bashkëshortes së nënkryetarit të Komisionit Qendror të Zgjedhjeve, Denar Biba, pasi ajo dështoi të kalojë vetingun.

Këshilltarja e Gjykatës së Lartë, Elona Kana, u tërhoq nga sistemi i drejtësisë pak para daljes së vendimit të vetingut, sepse nuk justifkonte dot pasuritë e saj dhe të shërbëtorit të Ramës në Komisionin Qendror të Zgjedhjeve.

Por me një vendim qeverie këtë javë, Edi Rama e ka emëruar bashkëshorten e Denar Bibës në një post në Entin Rregullator të Ujit.

Megjithëse nuk justifikoi pasurinë, megjithëse u tërhoq para se vetingu ta shkarkonte nga detyra e këshilltarës në Gjykatën e Lartë, kamikazi i Edi Ramës në KQZ, i cili organizoi votime të paligjshme pa opozitën, u shpërblye.

Lufta kundër korrupsionit në dorën e Edi Ramës është vetëm propagandë. Ai ndryshe flet dhe ndryshe vepron. Edi Rama flet për luftë kundër bandës KÇK në drejtësi, por ata që nuk kalojnë vetingu, i emëron në detyra të tjera shtetërore.

Edi Rama flet për ndjekje penale ndaj atyre që nuk justifikojnë pasurinë para vetingut, por kur këta I kanë shërbyer pushtetit të tij të paligjshëm, ai hedh në kosh edhe një nga kushtet kyç të Bundestagut për hapjen e vërtetë të negociatave me Shqipërinë.

Sa për kujtesë, Rezoluta e Bundestagut shprehet qartë:

“Mbajtja e konferencës së dytë të anëtarësimit dhe hapja e negociatave do të ndodhë, kur qeveria Federale të konstatojë plotësimin e kushteve të mëposhtme nga Shqipëria:

 Zbatimi i ligjit për reformën zgjedhore
 Fillimi i procedimeve penale kundër atyre që nuk kalojnë vetingun”- thuhet në rezolutën e Bundestagut.

Emërimi I bashkëshortes së Denar Bibës në një detyrë shtetërore, pasi dështoi me vetingun do të thotë se shërbëtorët e Edi Ramës në drejtësinë e kalbur nga korrupsioni dhe të kriminalizuar nga paratë e krimit, janë të paprekshëm!

Ata jo vetëm nuk i kap ligji propagandistik antiKÇK, jo vetëm nuk i heton Prokuroria e Posaçme Antikorrupsion, por promovohen në detyrë të re nga qeveria, kur nuk kalojnë dot vetingun!

Me Edi Ramën në krye të qeverisë nuk ka drejtësi të pastruar nga të korruptuarit, nuk ka drejtësi të pavarur, të pakapur nga qeveria, nuk ka drejtësi të barabrtë për të gjithë dhe, mbi të gjitha, politikanët e korruptuar dhe të lidhur me krimin do të vazhdojnë të mbeten të pandëshkuar!/abcnews.al

balliu.jpg
So Nila15:52 | 05/02/2020

Paketa Anti KÇK, është një ndër debatet më të mëdha që është ngjallur ditët e fundit në vendin tonë për shkak të faktit se si ajo shihet dhe interpretohet nga palët politike. Ish deputeti i Partisë Demokratike, Klevis BValliu këtë të mërkurë nga studio e lajmeve në ABC News është shprehur se paketa është në kundërshtim me kuhstetutën dhe sipas tij ajo është një krijesë vetjake e Edi Ramës.

Sipas tij është e pamundur që kjo qeveri të luftojë krimin e organizuar pasi Edi Rama është personi i vetëm që kontrollon të gjithë dhe ai është drejtpërdrejt I lidhur me krimin.

“Kjo nisëm nuk ka për qëllim që të luftojë krimin e organizuar dhe korrupsion sepse vetë kjo qeveri është vetë simbol i krimit të organizuar dhe korrupsionit, kjo qeveri është e shquar për inkriminimin e institucioneve të shtetit.Në rastin konkret nuk bësoj se ka ndonjë person sot në vend që mendon se Edi Rama ka ndonjë problem me krimin e organizuar përkundrazi ai e ka atë alerat dhe këtë e ka vërtetuar në disa raste. Me zgjedhjen e kryebashkiakëvë, me grupet e ngushta parlamentare, apo most ë flasim për lidhjet e tjhera të ngushta dhe gjatë zgjehdjeve në biznese, apo tendera siç është rasti i bizneseve siç është rasti i Edmond Begos, apo gruaja e Kajmakut e cila merr tendera pikërisht tek ministria e Brendshme ndërkohë që zotëria është në kërkim nga policia në këtë kontekst kjo nuk ka lidhje me luftën kundër krimit të organizuar. Kjo është një krijesë vetja e Edi Ramës, nuk ka asnjë lidhje as me ndërkombëtarët dhe as me SHBA në oasi këtu ka institucione që e luftojnë krimin por nuk e bëjnë pasi janë të lidhur drejtuesit me krimin,”tha Balliu

Ndër të tjera nga studio e abcneës.al, ish deputeti Balliu është shprehur se kryeministri Rama me KÇK, synon që të fshijë edhe këto pushtete duke i shpallur luftë edhe SPAK që nuk e kontrollon dot apo reformën në Drejtësi e cila është dhe financim nga SHBA.

“Si procedurë juridike kjo ngjason me atë të regjimit të hitlerit. Duhet të jemi të qartë legjislativi nuk ekzisto pasi është parlament monopartiak, gjyqsori është inekzistent, nuk ka asnjë të arrestuar në burgje deputet, ministër as vetë Edi Rama nuk ka shkuar në burg apo gjyq për shumë raste që kanë dalë në këto 7 vite. Me KÇK ai kërkon që të fshijë edhe këto pushtete duke i shpallur luftë edhe SPAK që nuk e kontrollon dot apo reformën në Drejtësi e cila është dhe financim nga SHBA. Ministri i Brendshëm është postpolitik i emëruar nga Edi Rama i cili kontrollohet nga vetë Rama dhe është ai që i jep urdhërat kush do të hetohet ose jo. Kjo është një shhpikje e Edi Ramën dhe ska lidhje as me Partinë Socialiste”, ka thënë ndër trë tjera Balliu.

FABIOLA-KLEVIS-BALLIU.mpg_snapshot_01.40-1280x720.jpg
nev ila20:26 | 22/01/2020

Pas publikimit nga BIRN, të një shkrimi ku thuhej se në prag të festave të fundvitit, Prokuroria e Tiranës mbylli pa zhurmë hetimin për skandalin e falsifikimit të tenderit të Unazës së Re, dhe dërgoi në gjykatë si të pandehur të vetëm Avdjol Dobin – përfaqësuesin në arrati të kompanisë DH Albania, ka reaguar ish-deputeti i Partisë Demokratike Klevis Balliu.

Sipas Ballit në projektin e Unazës së re u vodhën 40 milion euro, ku në këtë projekt zyrtarë të lartë u kapën në falsifikim, ndërkohë që prokuroria është marrë vetëm me një recepsionist.

Gjithashtu Balliu shkruan se në mega aferën e Unazës së Re nuk u pa asnjë zyrtar i arrestuar, apo i hetuar, por vetëm banorë që protestonin për të drejtat e tyre.

“TALLJE E PAFYTYRË ME HETIMET TEK UNAZA E RE

U vodhën 40 milion euro me një projekt që nuk ekziston.
Një projekt ku të gjithë zyrtarët e lartë janë kapur në falsifikim. Duke filluar me falsifikime në Ministri, në ARRSH dhe çdo segment i qeverisë.
Ndërkohë Prokuroria merret vetëm me një recepsionist.
Asnjë zyrtar i hetuar, asnjë zyrtar i arrestuar, asnjë njeri në burg për mega aferën tek Unaza, por vetëm banorët që protestuan për të drejtat e tyre përfunduan në qeli”, shkruan Balliu.

Ish-deputeti i Partisë Demokratike Klevis balliu, ka qenë një nga personat që ka protestuar bashkë me banorët e Unazës së re, të cilët kundërshtonin prishjen e banesave të tyre sipas një projekti për të cilin u përfol se ishte një aferë korruptive./abcnews.al

balliu-klevis-1280x636.jpg
ger ta22:24 | 08/01/2020

IKMT ka njoftuar se ditën e nesërme do të rinisë aksionin për prishjen e disa banesave në zonën e Unazës së Re.

Konkretisht janë gjashtë banesa që pritet të prishen. Për të folur për këtë ishte i ftuar në studion e Abc News, ish-deputeti i PD, Klevis Balliu. Ish-deputeti u shpreh se një ndër ndërtesat që është planifikuar për tu shembur nesër është edhe godina ku janë strehuar banorë të prekur nga tërmeti i 26 nëntorit.

Një nga godinat që prishte aty është ajo që për afro një muaji ka strehuar qindra banorë të prekur nga tërmeti. Banorë të cilët janë të vërifikuar që janë prekur nga tërmeti, janë sjellë edhe nga sgoqata bamirësie. Këto familje nesër për të prishur këtë godinë për hir të interesave private të Erion Veliajt, njeriut që shiste fiq dhe sot është miliarderi i Shqipërisë me ashensor privat në shtëpi. Për këtë arsye po prishet edhe kjo godinë që realisht nuk e kap projekti.

Kjo po bëhet për të sheshuar unazën që këtë të vazhdojnë programin për ngritjen e kullave të tyre. Përballë kësaj godine ai ka dhënë leje ndërtimi për  një kullë. Tërmeti i 26 nëntorit u prishi shtëpitë, “tërmeti Rama” kërkon t’u prishë edhe strehimin këtyre”, deklaroi Balliu.

I pyetur se çfarë do të ndodhë nesër dhe se a do të ketë protestë, ku IKMT do të nisë aksionin, Balliu tha se do e vendosin me banorët.

Janë çështje që do i shikojmë nesër si do e mendojnë banorët. Në një mënyrë apo në një tjetër Rama këtë kërkon, ti arrestojë, ti dhunojë. Kjo godinë po shembet me VKM”, u shpreh ish-deputeti, teksa shtoi se banorët e strehuar në këtë godinë nuk janë informuar për aksionin e nesërm. /abcnews.al

xhokacxhi-balliu.jpg
nev ila19:28 | 21/12/2019

Klevis Balliu ish-deputeti i PD ka qenë i ftuar sonte në studion e ABC News me gazetaren Juli Xhokaxhi.

Balliu bëri publike 4 dokumente të vitit 1990 ku tregohej se kreu i sapozgjedhur i SPAK Arben Kraja ka hetuar 2 vëllezër nën akuzën e “prishjes së moralit komunist” dhe “kalim të paligjshem te kufirit”.  Kjo tha Balliu është fyerje ndaj shqiptarëve pasi zbehin shpresën që ata kanë tek SPAK.

Gjithashtu Balliu tha se në vitin 1990 kur Arben Kraja ka hetuar këtë çështje, prokurorë apo hetues të tjerë, nuk merreshin më me të tilla ngjarje, sepse ndërkohë kishte filluar largimi i shqiptarëve dhe hyrja e tyre nëpër ambasada. Sipas Balliut, kjo tregon se Arben Kraja ka qenë 1 nga hetuesit më ekstremistë të kohës së regjimit komunist.

Më tej Balliu foli edhe për foton e publikuar në media, ku shihet kreu i SPAK i ulur në një kafe me Ulsi Manjën. Kjo sipas Balliut është konflikt interesi pasi Ulsi Manja është kapur në përgjimet e “BILD”, dosjet e të cilës do ti kalojnë për hetim SPAK.

“Kjo që ka ndodhur është e rëndë sepse SPAK është një shpresë jo vetëm për opozitën por për të gjithë qytetarët shqiptarë. Figura të tilla po e zbehin shpresën e qytetarëve shqiptarë për SPAK. Edhe vetë procesi i vettingut që bëhet në Shqipëri ka një konflikt interesi sepse Pamela Balluku, motra e ministres Belinda balluku, bën vettingun e gjyqtarëve që do të gjykojnë dosjet e çuara nga ne për ministrinë e infrastrukturës dhe energjetikës, ndërkohë Pamela do të vendosë për këta gjyqtarë. Pra ka konflikte të mëdha interesi të cilat mund të kenë ndikuar në fitoren e një gjykatësi apo prokurori dhe humbjes të disa të tjerëve. Në rastin e Arben Krajës, për ti qëndruar fakteve dhe provave, kërkova dhe gjeta në fakt 4 letra që janë për të njëjtën çështje të hetuesit Kraja të kohës së diktaturës. Çfarë është e rëndësishme të theksohet për çështjen e tij, është që në vitin 1990 Arben Kraja mbronte moralin komunist. Dua të them që në vitin 1990, edhe hetues komunist, nuk merreshin më me akuza të tilla, sepse ishin drejt fundit, Arben Kraja duket që është një nga të vetmit, nga më ekstremistët, të cilët edhe në korrik të vitit 1990 bënte hetime të tilla. Qytetarët shqiptarë duhet të dinë se, hetuesit në atë kohë ishin më të frikshëm se edhe polici që rrinte aty. Fakti që kjo histori ka ndodhur kur ndryshimet e sistemit kishin nisur që në fillim të viteve 1990, tregon se Arben Kraja ka qenë nga më ekstremistët, sepse po në këtë kohë, prokurorë apo hetues të tjerë nuk merreshin më me çështjet e kalimit të kufirit, sepse mijëra qytetarë kishin kaluar tashmë. Nuk dua të spekulojë por hetuesit në atë kohë, një prej detyrave të tyre, ishte torturimi i qytetarëve deri në pranimin e një faji që ata nuk e kishin bërë. Mendoj se nuk mund të ketë ngelur prokuroria shqiptare, apo ligji shqiptar, për hetuesit e Enver Hoxhës. Në 30 vite, ne duhet të kemi prokurorë të tjerë, të cilët nuk janë të lidhur me atë regjim. Pse duhet me patjetër të jetë ai? Kjo është një fyerje për shqiptarët. Këto janë dokumente të arkivave të shtetit dhe nuk mundet askush, as zoti Kraja që ti mohojë, janë të pamohueshme dhe kjo është një çështje e mbyllur”, tha Balliu.

Juli Xhokaxhi: Diçka tjetër që ka lidhje me SPAK është edhe fotoja e dalë ku shihet Ulsi Manja i ulur me një nga kandidatët për kryesimin e SPAK, çfarë të keqe ka, çfarë thotë ligji në këtë rast?

Klevis Balliu: Ajo që dua të theksoj fillimisht është se Zoti Manja është kapur në përgjimet e BILD, për vjedhjen e votës dhe është një dosje e cila do ti kalojë SPAK. A nuk ka një konflikt interesi këtu, si ka mundësi të takohet ky njeri? Edhe nëse do e kishte të afërm nuk mund të zgjidhej në krye të SPAK sepse ka konflikt interesi me persona që do i duhet të hetojë. Të dy këto raste, për kreun e SPAK, mendoj që duhet të mbahet një qëndrim, kam besim të plotë te investimet e SHBA dhe do të ishte mirë, qoftë edhe për të mos fyer shqiptarët me hetues të Enver Hoxhës, që për këta njerëz duhet të mbahet një qëndrim./abcnews.al

klevis-bvalliu-vucic.jpg
nev ila18:02 | 21/12/2019

Akt tradhti ndaj kombit e ka quajtur ish deputeti i PD Klevis Balliu takimin e mini-shengenit Ballkanik në Tiranë ditën e djeshme.

I ftuar në studio me Juli Xhokaxhi, Klevis Balliu tha se Vuçiç në 2017 ka dhënë një intervistë ku ka shprehur dëshirën për të krijuar përsëri Jugosllavinë, por kësaj here me Shqipërinë.

Balliu bëri publike edhe revistën ku në krye të titull të saj shkruante: “Serbia planifikon të risjellë përsëri Jugosllavinë”. Ndërkohë ABC News verifikoi të thënat e Balliut, dhe gjeti intervisten e Aleksander Vuçiç për të përditshmen amerikane “Politiko” e cila mban datën 4 tetor 2017.

Lexo këtu: https://www.politico.eu/article/for-serbias-vucic-road-to-eu-runs-through-balkans/

Ja çfarë denoncoi Balliu:

Klevis Balliu: Fjala mini-shengen nuk ekziston bëhet fjalë për krijimin e Jugosllavisë por tashmë me Shqipërinë. Këtë gjë nuk e them unë por e ka thënë vetë Vuçiç në një nga intervistat e tij në një të përditshme amerikane “Politiko”. Në këtë intervistë Aleksandër Vuçiç tregon edhe se si ja ka parashtruar këtë ide edhe liderëve të Ballkanit që sipas Vuçiç këta kanë rënë dakord. Flitet që kjo bisedë është bërë diku rreth vitit 2016. Pra ky është një plan i parapërgatitur i Vuçiç dhe i tradhtarit të Shqipërisë Edi Rama. Këtu thuhet që po krijohet Jugosllavia por tanimë me Shqipërinë. Pra Vuçiç ka thënë për Politiko se e ka mision dhe ëndërr krijimin edhe një herë të Jugosllavisë por tanimë me Shqipërinë për të krijuar një treg unik me Jugosllavinë e tij. Kështu që fjala mini-shengen është një fjalë e shpikur, një justifikim i Serbisë, një justifikim i Vuçiç, ky është një plan i krijuar nga Vuçiç me një tradhtar si Edi Rama. Kjo është edhe arsyeja që njerëz që kanë luftuar , kanë lënë familjarët e tyre  nëpër varre, si Haradinaj, sulmojnë këtë njeri dhe i thonë që ka bërë një akt tradhtari të pashembullt ndonjëherë në histori.

Juli Xhokaxhi: Pse do ti interesonte Edi Ramës të ishte pjesë e një platforme të tillë për ta shndërruar Shqipërinë në një provincë  të Jugosllavisë?

Klevis Balliu: Sepse Edi Rama merr diçka mbrapsh, lobimet serbe dhe ruse, të cilat janë shumë të forta. Vuçiç vjen në Shqipëri dhe jep leksione për demokraci, ja ku jemi pra. A e ka parë Edi Rama këtë intervistë të Vuçiç? Sigurisht që e ka parë që në 2016. Vuçiç në këtë intervistë thotë se ja ka parashtruar vendeve të Ballkanit nga të cilët ka marrë garancinë. /abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono