kerkon
nev ila17:49 | 29/11/2019
Me ngrohjen globale, niveli i ujit rritet, duke destabilizuar strukturën e tokës e duke shtuar mundësinë e çarjes së tokave.
Shpjegimin e jep Dragana Çernih, drejtoreshë e Observatorit sizmik në Maqedoninë e Veriut, e cila thotë se për këto arsye në çdo vend duhen bërë matje.
Oda ekonomike për energjetikë inicion të bëhet monitorim sizmik i të gjitha digave në shtet me qëllim që të ulet rreziku sizmik. Observatori sizmik pranë Fakultetit natyror matematikor në Shkup, të cilët bëjnë monitorim të tillë vetëm në digën Kozjak, thotë se kjo çështje duhet të rregullohet me ligj.
Oda ekonomike për energjetikë të Maqedonisë dhe të Observatori sizmik në kuadër të Konferencës së katërt ndërkombëtare për energjetikë, nënshkruan një memorandum për të nxitur aktivitete për monitorim sizmik të digave në territorin e shtetit, raportoi Alsat.
Monitorim sizmik të sizmicitetit të induktuar sepse me çdo akumulim, ndryshohet regjimi i streseve tektonike në rrethinë dhe ka mundësi për tërmete të induktuara apo për paraqitje të tërmeteve atje ku deri më tani nuk ka pasur, deklaroi Dragana Çernih, drejtoreshë e Observatorit sizmik.
Në një konferencë ajo foli për tërmetet si problem i mundshëm gjatë çarjes së digave dhe vërshimeve në vendbanime.
Në Maqedoninë e Veriut bëhet monitorim sizmik vetëm në Liqenin Kozjak, ku janë tre stacione sizmike. Ajo thotë se nuk ka kontroll për digat e tjera dhe se është e domosdoshme të rregullohet me ligj monitorimi sizmik i detyrueshëm që do të thotë rritje e numrit të stacioneve sizmike, përmirësim rrjeti dhe analizë e të gjitha të dhënave.
Gjorgji Manaskov, kryetar i Odës ekonomike për energjetikë, tha se matjet janë shumë të rëndësishme në mënyrë që të ulen rreziqet nga çarja e digave.
“Me vetë ngrohjen globale në botë, do të vijë deri te rritja e nivelit të ujit, ndërsa pllakat ujore do t’u bëjnë presion pllakave tokësore dhe do të fillojë destabiliteti i strukturës tokësore, ku digat bëhen problem potencial. Vjen deri te mundësia për çarje dhe prandaj duhet të bëhen matje që janë shumë të rëndësishme për një vend të dimë se çfarë ndodh saktë në truallin e vendit, në mënyrë që të mos vijë situate deri te çarja”, deklaroi Manaskov./abcnews.al
nev ila16:42 | 03/11/2019
Ministri i Brendshëm turk tha të shtunën se Ankaraja do të kthejë mbrapsht në vendet e tyre anëtarët e ndaluar të Shtetit Islamik, duke deklaruar se nuk kishin ndërmend ti mbanin ata pafundësisht.
Ministri i brendshwm turk Suleyman Soylu tha tw shtunwn se refuzimi i vendeve evropiane për të riatdhesuar qytetarët e tyre që luftuan për ISIS-in në Siri “nuk është i pranueshëm për ” dhe “është gjithashtu i papërgjegjshëm“.
Duke folur para gazetarëve në Stamboll, Soylu përmendi Britaninë dhe Hollandën, por vuri në dukje se ato nuk ishin të vetmet vende evropiane që iu kanë mohuar shtetësinë luftëtarëve të ISIS-it që për të parandaluar që Turqia t’i kthejë ata në vendet e tyre.
Turqia kapi anëtarët e ISIS-it, të cilët më parë ishin nën kujdestarinë e forcave kurde gjatë një sulmi muajin e kaluar në Sirinë verilindore kundër një milicie kurde, Turqia i konsideron ata terroristë.
Komentet e ministrit Soylu ishin të fundit në një seri thirrjesh të Turqisë drejt vendeve evropiane për të riatdhesuar qytetarët e tyre që i përkisnin ISIS-t.
Megjithatë, shumë vende evropiane kanë zvarritur procesin nga shqetësimi për rezistencën e publikut dhe problemet e sigurisë./abcnews.al
nev ila15:44 | 14/10/2019
Ambasadori i OSBE-së, Bern Boshard ju kërkoi sot ndjesë protestuesve të Unazës së re, për një gjest të pahijshëm që kishte bërë teksa kalonte pranë tyre. Deputetët e opozitës parlamentare e dënuan këtë akt, ndërsa mazhoranca socialiste tha se PD duhet të ndalë sulmet e ambasadorëve.
Ky gjest i ambasadorit të OSBE-së, Benr Boshard në drejtim të protestuesve të unazës së re, ngjalli shumë reagime duke u konsideruar.
Një ditë më pas, ambasadori kërkoi ndjesë përmes llogarisë në twitter të institucionit që drejton.
“Do të doja t’u kërkoja sinqerisht ndjesë atyre që mund të kem fyer dje. Unë e respektoj të drejtën e shqiptarëve për të protestuar paqësisht”, tha Berdn ambasadori Borchardt.
Sekretari për Çështjet Ligjore në PD, tregon si ndodhi ngjarja, dhe pse ambasadori u nxeh me protestuesit që thirrën “Rama ik” dhe “Turp të të vijë”.
Ky gjest nuk është dënuar nga Partia Socialiste e cila, i kërkon opozitës që të mos sulmojë ambasadorët.
Opozita e re parlamentare, e kritikon veprimin e kreut të OSBE-së.
Kjo nuk është hera e parë që ambasadori replikon me protestuesit në Shqipëri. Gjatë protestës së studentëve në dhjetor, disa prej tyre i shkruan “Boschard, turp për ty” në murin e pallatit ku banonte./abcnews.al
nev ila09:30 | 10/10/2019
Prokuroria e Tiranës kërkon pushimin e çështjes për Kastriot Ismailan. Kërkesa për pushimin e çështjes është dorëzuar në gjykatë nga Prokurori Saimir Hysa.
Kastriot Ismalaj ka qenë i dënuar më herët për aferën CEZ-DIA. Në tetor të 2017, Ish-administratori i DIA-s u shpall fajtor për akuzën e “mashtrimit me pasoja të rënda” e “pastrimit të produkteve të veprës penale”. Gjykata e Tiranës e dënoi me 11 vjet burg dhe vendosi gjithashtu të kalojë në favor të shtetit disa llogari bankare të Ismailajt me një shumë totale prej rreth 4,5 milionë dollarë.
Prokurori i çështjes Saimir Hysi ka vendosur të pushojë çështjen e shumëpërfolur CEZ –DIA me arsyetimin se kanë kaluar të gjitha afatet për të ushtruar ndjekjen penale ndaj Ismailajt, vepër e cila parashikohet nga neni 186/2 per te cilën është bërë dhe regjistrimi i procedimit./abcnews.al
nev ila11:12 | 08/10/2019
Partia Demokratike e Kosovës, dje pas dite ka dorëzuar një ankesë në PZAP, për arsye se pretendon që kanë ndodhur disa parregullsi gjatë numërimit të votave.
Sipas tij në PZAP, dje pasdite PDK ka dorëzuar një ankesë me anë të së cilës po pretendon se kanë ndodhur disa parregullsi gjatë numërimit të votave, por nuk ka dhënë ndonjë detaj se çfarë ka kërkuar saktësisht PDK’ja përmes asaj ankese.
Ndërkohë Betim Gjoshi përfaqësues i PDK’së në KQZ, në një prononcim për mediat kosovare ka konfirmuar se kanë kërkuar rinumërim, pasi pretendojnë që rreth 1000 vota të PDK’së janë bartë tek partitë tjera, si pasojë e një defekti në forumlarët e KQZ’së.
Gjoshi pretendon që rreth 1000 vota të PDK’së kanë shkuar tek subjketet tjera.
Kadri Veseli kreu i PDK, në një konferencë për media në orët e vona të 6 tetorit e ka pranuar humbjen dhe ka thënë se partia e tij do të shkojë në opozitë./abcnews.al
Autor E14:27 | 04/10/2019
Helmoi vjehrrën dhe u rrëfye tek Hoxha, Prokuroria për Krime të Rënda ka kërkuar 35 vite burg për Marjana Çmetën. Ngjarja e rëndë u zbulua nga ish-bashkëshorti i Çmetës, Olti Lami. Ndërkohë gjykata e Tiranës ka pushuar hetimet për hoxhën Hysen Shehu.
Prokuroria për Krime të Rënda ka kërkuar 35 vite burg për Marjana Cmetën, e cila akuzohet se ka helmuar me fostoksinë vjehrrën e saj, Lirie Lami.
Prokurori i çështjes Besnik Muçi, ka sqaruar se kërkoi 35 vite heqje lirie për shkak se ligji nuk e lejon që një femër të dënohet me burgim të përjetshëm.
Ngjarja e rëndë ka ndodhur më 30 prill të 2018 në Kamëz.
Helmimi i 48 vjeçares Lirie Lami u zbulua falë këmbënguljes së Oltion Lamit, ish-bashkëshorti i 21 vjeçares, të cilët janë prindër të një fëmije të mitur .
Olti zbuloi videon që kishte regjistruar hoxha, tek i cili nusja shtatzënë rrëfeu me detaje se si e helmoi vjehrrën.
Marjana Çmeta i ka treguar hoxhës Hysen Shehu se si e mashtroi vjehrrën 48-vjeç për të pirë “lëngun magjik”, që në fakt ishte fostoksinë, në mënyrë që ato të mos konfliktoheshin më.
Ndonëse nuk jetonte me të, Marjana ishte e bindur që kjo e fundit i kishte bërë magji dhe vendosi që ta vriste.
Bëhet fjalë për një rrëfim 72 minutësh, video e cila i shërbeu prokurorisë për të ngritur akuzën mbi nusen.
Ndërkohë gjatë procesit gjyqësorë Marjana Çmeta ka ndryshuar disa herë deklarimet para togave të zeza.
Çmeta ka mohuar krimin të cilin e kishte rrëfyer tek hoxha. Ndërkohë gjykata e Tiranës ka pushuar çështjen për hoxhën Hysen Shehu, ky i fundit u akuzua për moskallëzim krimi.
Në seancën e ardhshme Gjykata e Krimeve të Rënda do të japë vendimin për 21 vjeçaren./ABC News Albania 24/7
nev ila21:03 | 30/09/2019
Kuvendi zhvilloi sot të parën seancë të posacme dedikuar problemeve të qytetarëve, seancë që do të përsëritet një herë në muaj.
Debati u dominua nga replikat mes palëve politike, ndërsa opozita parlamentare propozoi një ligj që 21 janari të shpallet festë kombëtare.
Këtë të hënë pasdite, deputetët u mblodhën në seancë plenare për të mos u marrë me njëri-tjetrin, por të tregojnë problemet e qytetarve që përfaqësojnë pas një jave që duhet ta kishin kaluar pranë zgjedhësve të tyre.
Meqë kjo seancë e parë e këtij lloji, që do të përsëritet një herë në muaj, vjen pas tërmetit të fuqishëm, diskutimet kryesore u përqëndruan tek pasojat e tij.
Opozita parlamentare, si në cdo seancë tjetër, edhe këtë ditë, konsideroi problemin më të madh të qytetarëve, sistemin zgjedhor. SINK Rudina
Lefter Koka u kthye në foltoren e parlamentit pas shumë kohësh, jo për të ngritur ndonjë problem për zgjedhësve të tij, por për t’i thënë Lulzim Bashës se nuk ka blerje votash që justifikon humbjen e tij në zgjedhje.
Kjo seancë parlamentare nuk miratoi ndonjë ligj, por bie në sy se 22 deptuetë të opozitës kanë depozituar një projektligj që kërkojnë shpalljen e 21 janarit si festë kombëtare.
Edhe pse kushdo që dëgjon këtë datë, i kujtohen 4 të vrarët në përpara kryeministrisë gjatë protestës së opozitës socialsite, nuk është kjo arsyeja pse opozita e sotme kërkon shpalljen e 21 janarit festë.
Deputetët duan që në këtë datë, të kujtojnë Kongresin e Lushnjës, në vitin 1920./ABC News Albania 24/7
nev ila13:23 | 29/08/2019
Dëgjonin biseda private dhe regjistronin momente intime të përdoruesve të asistencës vokale të Apple. Ka qenë kjo arsyeja me të cilën janë pushuar nga puna 300 persona në disa vende të europës.
Apple i ka kërkuar falje përdoruesve të Siri, asistencës së tij vokale, duke pranuar se nuk ka qenë në gjendje të ishte në lartësinë e standarteve të saj për privatësinë.
Kjo u bë pas analizës së Aplle pas akuzave të medias, sipas të cilave Apple përdorte regjistrimet në Siri për të përmirësuar identifikimin zanor.
Sipas Guardian, disa kontraktues të tretë kanë dëgjuar në disa raste biseda private si dhe kanë regjistruar cifte të cilat kryenin marrëdhënie intime. Për këtë arsye janë pushuar nga puna 300 persona në disa vende europiane.
Britanikja “The Guardian” ishte e para që denoncoi këtë fakt duke detyruar kompaninë të kryente hetime.
Duke qenë se nuk mund të identifikoheshin personat që kanë përgjuar dhe regjistruar moment intime, vendimi për pushim nga puna u mor për qindra prej tyre./ABC News Albania 24/7
nev ila13:21 | 13/08/2019
Shqipëria ka përmbushur kushtet për çeljen e negociatave por jo për të qenë pjesë e Bashkimit Evropian. Ky është qëndrimi i ambasadorit të BE-së në Tiranë, Luigi Soreca në një intervistë për Euronews. Diplomati i ka kërkuar vendeve të Bashkimit Evropian të kenë kujdes me vendimin që do të marrin me Shqipërinë dhe Maqedoninë e Veriut pasi në të kundërt do të dëmtonin besimin e 91% të shqiptarëve që kërkojnë integrimin në BE.
“Vendimi në tetor është i rëndësishëm për vendin, por edhe për BE-në, pasi edhe besueshmëria e procesit të zgjerimit është në pikëpyetje. Vendet e interesuara si Shqipëria apo Maqedonia e Veriut kanë përmbushur mjaftueshmërisht detyrimet kundrejt Komisionit Evropian. Por më duhet të them se kanë bërë progres të mjaftueshëm për hapjen e negociatave, jo për t’u bërë anëtare të BE-së. Siç mund ta dini, Winston Churchill kishte një shprehje, ‘ky është fundi i fillimit’, jo ‘fillimi i fundit’. Dhe pikërisht sepse kanë bërë punën e kërkuar, Bashkimi Evropian duhet të ketë kujdes me vendimin. Është e rëndësishme që populli shqiptar, 91 për qind e tyre që aspirojnë familjen evropiane, të vazhdojë të besojë në perspektivën e BE-së. Unë kam besim se ata do vazhdojnë të besojnë, por Bashkimi Evropian duhet të mos ua presë shpresat që kanë”, tha Soreca.
Ndryshe nga Presidenti Meta që e sheh 15 tetorin si rrugë që duhet të kalojë më parë nga zhvillimi i zgjedhjeve vendore, Soreca kërkon që vendi të mos humbë asnjë ditë kohë për tu angazhuar në rrugën e reformave.
“Shqipëria duhet të fokusohet në axhendën e reformave, të mos humbasë asnjë moment, të jetë gati për 15 tetorin, dhe të ketë gati dokumentacionin që ministrat e BE-së të marrin vendimin. Raporti i majit i Komisionit Europian tregoi se është bërë një progres kuptimplotë në fusha të caktuara, i mjaftueshëm për hapjen e negociatave. Por procesi i reformave nuk ndal asnjëherë. Dhe ka fusha ku institucionet shqiptare në tërësi duhet të vazhdojnë punën. Një shembull është lufta kundër korrupsionit që është një sfidë e përditshme, lufta kundër krimit të organizuar, trafikimi i drogave po ndërron lëkurën në Shqipëri dhe ka nevojë që të ushtrohet trysni te bandat kriminale, pa dalluar mes drogave të lehta dhe atyre të forta”, tha ai.
Kur vjen puna te reformat, diplomati i Bashkimit Europian fokusin e ka te reforma në drejtësi dhe domosdoshmëria për të pasur një reformë të thellë zgjedhore.
“Është e qartë se votimi i fundit në qershor tregon se sa e rëndësishme është që elektoratit shqiptar t’i jepet një ligj më i përparuar për çështjet elektorale, që të mund ta shprehin plotësisht vullnetin e tyre. Në fund është reforma në drejtësi. Reforma në drejtësi është ndoshta ‘perla e Shqipërisë’, jashtë rajonit, apo në botë. Është një moment kritik, ndaj të gjitha institucionet shqiptare duhet të mos e humbasin fokusin”, deklaroi Soreca.
Kur kanë ngelur edhe 60 ditë nga data kur ministrat e jashtëm të Bashkimit Europian do të marrin një vendim për çeljen e negociatave për Shqipërinë, vendi ndodhet në një krizë të thellë politike. Opozita është jashtë të gjitha institucioneve dhe bojkotoi zgjedhjet vendore, ndërkohë që mazhoranca ka marrë të gjitha pushtetet dhe shprehet e vendosur për të vijuar./ABC News Albania 24/7
nev ila15:22 | 12/08/2019
Shkodra do të jetë bastioni i fundit i demokratëve në pushtetin vendor që do të bjerë. Javën e ardhshme Voldana Ademi pritet t’i lëshojë zyrën të zgjedhurit të ri socialist, Valdrin Pjetri, ndonëse selia blu ka vendosur të mos e ndalë betejën ligjore dhe politike ndaj tij.
Bashkia e Shkodrës me gjasë do të jetë godina e fundit e pushtetit vendor që Partia do ti dorëzojë Partisë socialiste, për të nisur drejtimin absolut në 61 njësi vendore në të gjithë vendin.
Pa një vendim final, 21 gushti paralajmërohet se do të jetë data e ndërrimit të pushteteve në kryeqendrën e veriut. Por deri të mërkurën e ardhshme PD paralajmëron zhvillime të forta.
Lulzim Basha i bëri thirrje sot Prokurorisë së Përgjithshme të marrë të pandehur kandidatin e PS në Shkodër në zgjedhjet e 30 qershorit, duke e akuzuar për fshehje të formularit të dekriminalizimit.
“Valdrin Pjetri duhet të merret urgjentisht i pandehur sepse ka shkelur Ligjin e Dekriminalizimit duke fshehur të dhënat mbi të kaluarën e tij si trafikant droge. Por Edi Rama i ka dhënë urdhër prokurorisë së korruptuar që ta mbrojë nga ligji i dekriminalizimit. Por sa kohë Edi Rama është në zyrën e kryeministrit, nuk do ketë as drejtësi dhe as demokraci, banditët, kriminelët dhe hajdutët do të sundojnë Shqipërinë”, shkruan Basha.
Rezistencën për të mos lëshuar bashkinë simbol të qeverisur gjithmonë nga të djathtët, demokratët e paraqitën edhe përmes fotove që shpërndanë në qytet. Në një fotomontazh, Pjetri prezantohet me logon e kanabisit gjatë momentit të votimit.
Por duket se përballë akuzave të demokratëve, kandidati fitues i PS është shfaqur i qetë. Valdrin Pjetri ka publikuar në rrjetet sociale çertifikatat e pastërtisë së figurës të lëshuara nga shtetit Italian.
Kandidati socialist ka garantuar se ditë më të mira do të vijnë për Shkodrën nën drejtimin e bashkisë prej tij.
Ndërkombëtarët kanë qenë shpresa e fundit për demokratët për të ndalur rotacionin e fundit në bashkinë simbol të së djathtës. Kryebashkiakja në detyrë, Voltana Ademi disa ditë më parë për 120 minuta denoncoi te ambasadori i OSBE-së, Borchard çdo parregullsi në procesin zgjedhor dhe pastërtinë e figurës së kandidatit që kërkon të marrë drejtimin e Bashkisë./ABC News Albania 24/7
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
