jetime

2833d250-6792-4cff-95b7-4e89f3cd155f-1280x720.jpg
R D16:07 | 07/01/2020

Ulja e temperaturave ka vështirësuar jetesën e familjeve të prekura nga tërmeti që jetojnë në çadra. Gazetari i Abc News, Juxhin Mustafaraj sjell historinë e familjes Doçi në Fushë-Mamurras, ku 5 fëmijë të vegjël qendrojnë ditën në çadër dhe natën në kontenier. Gjyshi i fëmijëve bën apel që shteti të kthejë sytë nga fëmijët e vegjël, dy prej të cilëve janë jetimë.

Në këtë shtëpi mbi 50 vjeçare në Fushë-Mamurras jetonin deri në 26 nëntor 8 anëtarë të familjes Doçi, 5 prej të cilëve fëmijë. Përpara lëkundjeve të tërmetit, vdekja kishte goditur fort jetën e kryefamiljarit Asllan Doçi kur veç përgjegjësisë financiare iu shtua edhe një përgjegjësi më e madhe.

“Më vdiq gruaja, më pas më vdiq djali… i fali zoti dy fëmijë. E morëm nusen të re, pati probleme me nusen dhe djali u vetëflijua. Dy fëmijët e vegjël të moshës 2-3 vjeç mi la jetim. Cfarë ti bëj djalit, atë vendim mori”, shprehet ai.

Me djalin e tij të vetëm, Asllani jeton në këtë çadër ndërkohë që kushtet atmosferike dhe mungesa e energjisë elektrike i ka bërë akoma më të vështira ditët e tyre.

Pesha e rritjes së 5 fëmijëve ka rënë e gjitha mbi Irenën, nusen e re të familjes Doçi e cila është bërë nënë edhe për 2 të vegjlit e ngelur jetimë ndërkohë që vështirësitë thotë se janë të mëdha.

“Ajo që duam është një shtëpi, që të kenë fëmijët një vend ku të rrinë…se janë 5 fëmijë”, shprehet ajo.

Një organizatë rinore ka bërë të mundur që përmes donacioneve të sigurojë një kontenier për fëmijët, ndërkohë që apeli i Irenës është për një zgjidhje përfundimtare për të vegjlit.

Xhupat e fëmijëve të vegjël qëndrojnë të veshur nga mëngjesi në darkë, ndërkohë që shpresa e më të rriturve është që kur rindërtimi të nis ata të kenë një vend në krye të listës. /abcnews.al

vlcsnap-error244-1-1280x720.jpg
ad min13:28 | 28/01/2018

Në fshatin Selitë, familja Dyrmishi jeton në kushte mizerable. Për këtë arsye Myftinia në bashkëpunim me Bashkinë e Cërrikut dhe një fondacioni për jetime po ndërtojnë një shtëpi të re.

Nëna bashkë me 4 fëmijët jetimë Dyrmishi, prej 20 vitesh kanë banuar në një shtëpi gërmadhë.

Por së fundmi ata do të bëhen me shtëpi të re.

Mbështetja erdhi nga Myftinia, Bashkia dhe “jetimët e Ballkanit në Elbasan. Bashkë do të mundësojnë ndërtimin e banesës.

Nëna e 4 jetimëve, Edlira Dyrmishi, është e gëzuar.

Kryetari i bashkisë Altin Toska u ka bërë thirrje biznesmenëve të ndihmojnë personat në nevojë.

Në Elbasan në këtë mënyrë janë ndihmuar 52 raste. Shkëlzen Liçaj thotë Feja islame na ka mësuar dhe na ka udhëzuar që jetimit t’i qëndrojmë pranë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono