igli tare
Dr. Anthony Fauci, director of the National Institute of Allergy and Infectious Diseases, listens during a briefing about the coronavirus in the James Brady Press Briefing Room, Friday, March 27, 2020, in Washington. (AP Photo/Alex Brandon)

Tare-Lotito.jpg
Igli Nikolli18:59 | 28/03/2020

Lazio po zhvillonte një sezon spektakolar. Faza e dytë ishte e mrekullueshme dhe djemtë e Simone Inzaghit po garonin për titullin kampion. Juventusi numëron vetëm një pikë më shumë, ndërsa Interi ka mbetur disi prapa. Koronavirusi bllokoi gjithçka dhe Igli Tare po pret me padurim rifillimin e Serie A.

Drejtori sportiv i bardhekaltërve deklaron për La Lazio Siamo Noi se dy janë prioritetet për këtë moment, teksa se do ishte fatale pezullimi përfundimtar i këtij sezoni dhe e mbyll me një mendim në lidhje me merkaton.

Prioriteti kryesor është luftimi i koronavirusit dhe mbyllja e sezonit. Do të ishte fatale në aspektin ekonomik të klubeve nëse nuk përfundon kampionati. Shpresoj të luajmë shanset tona për titull deri në javën e fundit, edhe pse nuk dihet akoma se kur mund të rinisin ndeshjet.

Merkato? Do mendojmë për të pasi të rifillojë kampionati. Një gjë e sigurt, kjo merkato do të jetë shumë e komplikuar. Ulja e përgjithshme e çmimeve është e mundur. Nuk më intrigon fare hipoteza e mbajtjes hapur të merkatos deri në dimër”, përfundon Igli Tare. /abcnews.al

 

Tare.png
Klejdi Kaimi16:58 | 23/03/2020

Lazio po kalonte një sezon të mrekullueshëm përpara se Seria A të ndërpritej nga Coronavirusi. Igli Tare kërkon të ruajë grupin dhe pse jo të ndërtojë një Lazio akoma dhe më të fortë për sezonin tjetër. Ish-sulmuesi i kombëtares ka shfaqur interes për mbrojtësin e Liverpool, Dejan Lovren.

Ekipi kryeqytetas e kërkoi sllovenin dhe në merkaton e janarit, por nuk ishte gati të paguante kartonin e tij që kushton plot 20 milionë euro. Kontrata e mbrojtësit me “The Reds” përfundon në qershorin e vitit 2021 dhe nëse Liverpool nuk e shet këtë verë, rrezikon ta humbasë me parametra zero verën tjetër.

Gjithsesi Lazio nuk është e vetme në garë për shërbimet e Lovren. Janë ekipe si Arsenal dhe Tottenham që i janë bashkuar garës. Mbrojtësi që mbush 31-vjeç në korrik ka që në vitin 2014 që luan për Liverpool dhe mesa duket ka ardhur koha për një aventurë të re. Tare i ofron atij një pagë prej 3 milionë eurosh në sezon, 2 milionë më pak nga sa merr në Angli, por shqiptari i ofron një kontratë më të gjatë. /abcnews.al

 

Dejan Lovren
Igli-Tare-e1580823111133.jpg
Igli Nikolli19:21 | 18/03/2020

Igli Tare i ka dhënë shumë lojtarëve shqiptarë të japin kotributin e tyre për Lazion gjatë këtyre viteve që mban rolin e drejtorit sportive, qoftë me skuadrën e parë, ashtu edhe me moshat e klubit kryeqytetas.

Njëri prej tyre është Dean Liço, 20-vjeçari nga Korça. Liço luan në rolin e mesfushorit edhe është pjesë e Lazios U19 prej verës së kaluar. Tare ka vendosur ta strehojë në shtëpinë e tij lojtarin sipas raportimeve të Sporti sipas Bakut.

Një gjest fantastik i drejtorit vlonjat, i cili tregon anën e tij humane dhe njerëzore. Situata në Itali është shumë e keqe dhe të gjithë janë mbyllur në shtëpi prej koronavirusit. Përtej kësaj, shifrat janë të frikshme dhe vetëm ditën e sotme kanë humbur jetën 475 persona. /abcnews.al

Drejtori i Lacios, humanist i madh, gjest kampioniIGLI TARE STREHON NË SHTËPI TALENTIN KORÇAR DEAN LIÇO Pas mbylljes…

Gepostet von Sporti sipas Bakut am Mittwoch, 18. März 2020

 

Igli-Tare-e1580823111133.jpg
Igli Nikolli21:40 | 15/03/2020

Lazio është një ndër klubet më aktive në këtë periudhë. Skuadra kryeqytetase do të rikthehet pas shumë vitesh të luajë në grupet e Champions League sezonin e ardhshëm dhe Igli Tare po kërkon një mbrojtës me eksperiencë.

Lalaziosiamonoi.it raporton se në krye të listës së drejtorit sportiv shqiptar është Dejan Lovren. Mbrojtësi kroat ka kontratë me Liverpool deri në verën e vitit të ardhshëm, teksa klubi anglez nuk pritet t’i ofrojë rinovim.

Tare është gati të përfitojë dhe po përgatit ofertën e duhur për “The Reds” dhe qendërmbrojtësin 30-vjeçar, i cili numëron plot 57 ndeshje të zhvilluara me Kroacinë e tij (ka shënuar 3 gola). /abcnews.al

 

Dejan Lovren
Igli-Tare-e1580823111133.jpg
Igli Nikolli19:53 | 13/03/2020

Oliver Giroud mbetet një objektiv i Lazios për sezonin e ardhshëm, por Igli Tare ka edhe një tjetër preferencë për sulmin. Drejtori sportiv i bardhekaltërve është gati të nisë një ofensivë për Caleb Ekuban, ish-sulmuesin e Partizanit.

Italo-ganezi është pjesë e Trabzonspor, skuadrës që kryeson kampionatin turk. 25-vjeçari është rritur shumë prej kohës që ishte pjesë e “Demave të Kuq” dhe këtë sezon numëron 8 gola të shënuar.

Corriere dello Sport raporton se biondi vlonjat duhet të fitojë garën me Rangers. Edhe skocezët e pëlqejnë shumë Ekuban, të cilin e konsiderojnë si zëvendësuesin perfekt të Morelos. Në ishull konfirmojnë interesimin e Lazios, teksa kartoni i Ekuban kushton rreth 8 milion euro. /abcnews.al

 

Claeb Ekuban, kur ishte pjesë e Partizanit
igli-tare-1-1280x853.jpg
Vladimir Prenga14:34 | 07/02/2020

Shumë klube pas Marash Kumbullës. Në takimin e fundit kundër Lazio kishte edhe skaut të Chelsea që e panë nga afër qendërmbrojtësin e Hellas Verona, i cili para pak kohësh ka refuzuar një ofertë të Napolit që kapte shifrën e 20 milion eurove. Të paktën sipas asaj që raportojnë mediat në Itali.

Interi gjithashtu është në garë për shërbimet e Kumbullës, madje thuhet se janë më favoritët. Gjithsesi gjithçka mund të marrë rrjedhë tjetër, pas lëvizjes së fundit të bërë nga Igli Tare, drejtori sportiv i klubit të Lazios.

Për cilësitë e Kumbullës askush nuk ka më dyshime, edhe pse ndoshta duhet pritur që të konfirmohet si lojtar. Ky është sezoni i parë në Serie A dhe pritshmëritë rreth do të jenë edhe më të mëdha në të ardhmen, sidomos nëse do të kalojë në një klub të madh.

Kumbulla në një dyluftim me Milinkovic Savic

Tare, sikurse raporton Telesport, ka zhvilluar një takim me familjarët e Marashit. Arsyeja është i thjeshtë: t’u propozojë atyre projektin e tij për mbrojtësin te Lazio. Mes të tjerash thuhet se ky takim ka shkuar më së miri dhe vlonjati ka premtuar se për Kumbullën në Romë do të jetë ambienti i duhur për t’u rritur.

Familjarët e tij kanë marrë garancinë se nuk do të ketë presion, ndërkohë që u është kujtuar si rast ai i Thomas Strakoshës, i cili te Lazio është kthyer në një nga portierët më të mirë në Itali. Familja e Kumbullës normalisht nuk mund të japë një përgjigje direkt.

Ata kanë kërkuar kohë dhe tashmë do të duhet të ketë një bisedë mes tyre dhe menaxherit Gianni Vittali, i cili përfaqëson Marashin dhe më parë ka biseduar edhe me klube të tjera. Ndoshta Lazio do të ishte klubi perfekt për mbrojtësin, ndërkohë që edhe presidenti Claudio Lotito është pro këtij operacioni merkatoje. /abcnews.al

Igli-Tare-e1576692672405.png
Klejdi Kaimi16:29 | 04/02/2020

Drejtor sportiv i Lacios, Igli Tare, deklaron se ekipi i tij e meriton të jetë këtu ku është. Lacio momentalisht renditet në vendin e tretë me një ndeshje për të luajtur dhe kanë 16 ndeshje radhazi pa humbje. Tare është shumë i kënaqur nga ekipi, por rikujton objektivin e fillim sezonit.

“Rezultatet pozitive të japin shumë besim. Më vjen mirë që në ekip mbizotëron një frymë pozitive, por duhet të kujtojmë objektivin që kishim në fillim të sezonit. Mendoj se është shumë herët për të folur për çështjen e titullit. Me rezultatet dhe pikët që kemi mund të besojmë te “Scuddetto”, por nga eksperienca gjithçka mund të ndryshojë shumë shpejt,” tregon ish-sulmuesi i kombëtares shqiptare në emisionin “Tiki Taka”.

“E meritojmë vendin ku jemi dhe do të vazhdojmë po me të njëjtin ritëm. Puna e trajneri Inzaghit dhe stafit të tij është e mrekullueshme, i falënderoj ato. Kanë mbetur dhe 17 ndeshje deri në fundin e sezonit dhe gjithçka mund të ndodhë,” mbyll Igli tare. Lacio është vetëm 2 pikë larg vendit të dytë që mbahet nga Inter dhe 5 pikë nga Juventusi i vendit të parë. /abcnews.al

Igli-Tare-e1580823111133.jpg
Igli Nikolli14:17 | 04/02/2020

Lazio është një nga skuadrat më në formë në Europë dhe tifozët po fillojnë e besojnë se ekipi i tyre i zemrës mund të shpallet kampion Italie. Bardhekaltrit nuk humbasin prej 16 ndeshjes në kampionat, nga të cilat kanë fituar 13 dhe barazuar tre. Ekipi i Inzaghit ka sulmin e dytë më të mirë në Serie A, golashënuesin më të mirë (Immobile me 25 gola) dhe del në vend të dytë nëse fiton ndeshjen e prapambetur.

Skuadra kryeqytetase po shkëlqen nëpërmjet një futbolli ofensiv dhe vlera e lojtarëve është rritur ndjeshëm. Gazzetta dello Sport ka bërë një analizë, aty ku dallohet lehtësisht edhe gjenialiteti i Igli Tares. Biondi vlonjat, i cili mban postin e drejtorit sportiv, po tregohet një fenomen në merkato. 120 milion euro janë shpenzuar për këtë ekip, ndërsa sot vlen plot 500 milion euro.

Immobile u ble për shumën e 9.5 milionëve dhe sot vlen rreth 80 milion euro. Goditje ishte edhe ajo e Milinkovic-Savic, i cili u mor për vetëm 15 milion, teksa sot Lazio nuk pranon më pak se 100 milion për ta lënë të lirë. Vazhdojmë me Angel Correa. Për argjentinasin u paguan 19 milion dhe paraqitjet pozitive ia kanë rritur vlerën në 70 të tilla. Luiz Felipe është rikthyer në një titullar fiks në mbrojtje.

Tare siguroi shërbimet e brazilianit për vetëm 800 mijë euro, sot kushton 20 milion. Edhe Caicedos i është rritur çmimi i kartonit nga 2.5 në 15 milion. Më pas janë edhe goditjet me parametra zero si Jony dhe Patric, të cilët sot kushtojnë nga 5 milion euro. Jo më kot Igli Tare cilësohet si një ndër drejtorët sportivë më të mirë në Europë… /abcnews.al

Igli-Tare-e1576692672405.png
Igli Nikolli18:20 | 31/01/2020

Igli Tare udhëtoi drejt Londrës për Oliver Giroud, por nuk ia doli të bindë Chelsean. Drejtori sportiv i Lazios kishte arritur akordin me sulmuesin francez, i cili pranoi propozimin prej 3.5 vitesh kontratë me një rrogë sezonale prej 2.5 milion eurosh+bonuse.

Fakti që “Blutë e Londrës” nuk ia dolën të siguronin një zëvendësues të kampionit të botës, ndikoi që 33-vjeçari të mos transferohej në Serie A. Biondi vlonjat tentoi gjatë gjithë ditës së sotme për të bindur homologët anglezë, por Chelsea nuk hoqi dorë nga Giroud.

Oliver është stërvitur mirë kohët e fundit, është sjellë si profesionist dhe është treguar një person i shkëlqyer. Mund të them që nuk do të largohet. Mertens? Jo, nuk do të vijë te ne“, theksoi Frank Lampard, trajneri i Chelsea gjatë konferencës për shtyp. /abcnews.al

Igli-Tare.jpg
Klejdi Kaimi15:37 | 31/01/2020

Lacio duket se po bën të pamundurën për të transferuar sulmuesin e Chelsea, Oliver Giroud, në Romë. Drejtori sportiv i lacialëve, Igli Tare, mësohet të ketë udhëtuar drejt Londrës për ta mbyllur vetë këtë operacion.

Sipas raportimit të “Leggo.it”, ish-sulmuesi i kombëtares shqiptare është parë në aeroportin e Romës, ku do të niset për në kryeqytetin britanik. Tare do të përpiqet për të mbyllur marrëveshjen me drejtuesit e Chelsea, pikërisht në orët e fundit të merkatos.

Giroud ka kërkuar largimin nga blutë e Londrës, për shkak të mos aktivizimit nga trajneri Lampard. 33-vjeçari kërkon të jetë protagonist në fushën e lojës, pasi ai pritet të udhëheqë sulmin e Francës në Euro 2020. Shumë klube kanë kërkuar shërbimet e francezit, por sulmuesi ende nuk është larguar nga Chelsea. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono