fishte

holandezja.gif
ger ta16:24 | 29/03/2020

Merel Reckman është banorja më e re e fshatit Fishtë në Lezhë. S’kishte menduar kurrë që prej mbylljes së kufijve mund të mbetej në një fshat dhe të shndërrohej në fermere. E ardhur nga Holanda për turizëm në Shqipëri, Merel dhe miku i saj u detyruan të qëndrojne në Fishtë dhe nuk e di as kur do të kthehet në shtëpinë e saj.

Ne ishim në një udhëtim. Ishim në Greqi dhe në disa shtete të tjera. Erdhëm këtu për tu kthyer në shtëpi më pas. Ishim gati në kthim kur mësuam se kufijtë ishin mbyllur për shkak të koronavirusit dhe nuk mund të iknim”, shprehet ajo.

Ndryshe nga Merel, bashkëudhëtari i saj nuk do të jetë pjesë e kamerës. Ata janë strehuar në një fermë agroturizmi dhe Merel është bërë bashkëpunëtore e tyre. Ajo punon në fermë dhe sipas saj kjo është një mënyrë për të hequr edhe mërzinë.

Po ndihmonim këtu në fermë dhe u bëmë pis. Pronari na tha mund të shkoni në hotel. Që nga ajo ditë ne jemi vendosur aty.

Merel nuk e di se kur do të kthehet dhe tashmë ka harruar edhe se çfarë dite është pasi për të është e rëndësishme që të aktivizohet sepse ndryshe do të ngarkohej psikologjikisht. Komunikon shpesh me të afërmit dhe miqtë që e pyesin se ku ndodhet. Merel u tregon se ndihet e sigurt në Fishtë dhe ata e këshillojnë të qëndrojë në vendin tonë.

“Nuk e di për  sa kohë do jemi këtu. Pasi jemi në kohë të vështirë. Kam harruar çfarë dite është, por nuk ka rëndësi, është e hënë apo e premte. E rëndësishme është që ne jemi ketu dhe ndihemi shumë mirë. Mundohemi të ndihmojmë në fermë. Kjo gjë më bën të lumtur. Nëse nuk jap kontributin tim, mërzitem. Është shumë e këndshme që mund të qëndrojmë këtu. Miqtë na kanë thënë qëndroni atje, mos u ktheni në Holandë”.

Ndonjëherë ka edhe frikë se çfarë po ndodh.

“Jam e mërzitur. Por është më shumë frikë, pasi nuk e di çfarë do të ndodhë me botën. Ky është një vend shumë i mirë. Shpresoj që restoranti të hapet së shpejti. Jam e mërzitur për të gjithë botën.

Per t’u ndjerë mirë ajo mundohet të mbajë sa më kontakt me kafshët, vendasit qëka filluar t’i ndjejë të afërm dhe të familjarët e saj në Holande. Merel shprehet se do të vijojë të ndihmojë sa të mundet në fermë dhe me hapjen e kufijve do të largohet në vendin e saj. Por kjo eshte nje kohe pa afat dhe ajo po bën durim”, shprehet ajo.

lezh-1280x535.jpg
in a12:27 | 27/03/2020

Në këtë situatë të vështirë të shkaktuar nga koronavirusi, probleme të shumta hasin edhe fermerët.

Një nga fermerët, Altin Prenga tha për gazetarin Gjergj Figuri se një nga problemet kryesore që me të cilën përballen më shumë është organizimi i tregut.

“Një situatë pasigurie si kjo, demoralizon fermerët. Kjo është periudha e pranverës, ku të gjithë duhet të merren më punime, por kjo nuk pritet të ndodhë”, u shpreh ai.

Ai theksoi se rroga e fermerit varet nga produkti që shet. “Prodhuesit vendas duhet të favorizohen në mënyrë që prodhimi vendas të gjejë sa më shumë hapësirë.

Momentalisht ky nuk është sezoni ku produktet janë në nivelin më të lartë në zonën tonë.  Nuk mund të them nëse është apo jo momenti ti kthehemi fshatit, por shpresoj që të ketë reflektime”, th Prenga për gazetarin Gjergj Figuri./abcnews.al

 

FISHTE-TURIZMI-GARAT_ABC-M2-T1.mpg_snapshot_00.17-1280x720.jpg
ent ela16:30 | 15/06/2019

Për herë të parë u organizuan në liqenin e Fishtës garat me kajak ku morën pjesë të rinj të apasionuar pas sporteve ujore. Aktivitete të tilla synojnë ta kthejnë zonën në një destinacion turistik.

Sport për të promovuar turizmin. Në liqenin e Fishtës u organizuan gara me kajak.

Djem dhe vajza, të apasionuar pas sporteve ujore, kureshtarë dhe të interesuar për këtë zonë në Zadrimë të Lezhës përjetuan emocione të veçanta.

Pjesmarresit e shohin si një vlerë të shtuar për Lezhën.

“Është hera e tretë për këtë vit, uroj të ketë sa më shumë pjesëmarrës. Ishte emocion i bukur”.

Duke prezantuar bukuritë natyrore mund ta kthejmë zonën në një destinacion turistik tha drejtori i Turizmit dhe Sportit në Bashkinë e Lezhës , Ardian Laçi.

Drejtori Ardian Laci: “Nuk kishim si lënë pa promovuar këtë zonë e cila do kthehet në atraksion turistik për vizitorët e zonës”.

Këto gara realizohen brenda një kohe të shkurtër në zona të ndryshme, ndërsa qëllimi është ngritja e klubit të kajakëve dhe bashkëpunimi me klube të tjera për të sjellë në Lezhë, gara të niveleve kombëtare. /ABCNews Albania 24/7

NE-FABRIKE-ULLIRI-E-NE-FISHTE-RAMA.mpg_snapshot_00.30-1280x720.jpg
ent ela15:28 | 13/02/2019

Ulja e taksava ka ndikuar pozitivisht te bizneset. Këtë shprehje të tijën Kryeministri Edi Rama e ka përsëritur gjatë vizitës që ka zhvilluar në dy sipërmarrje të qarkut të Lezhës.

Lezha është bërë e njohur prej disa vitesh për zhvillimin e agroturizmit. Shembull që duhet ndjekur nga e gjithë Shqipëria- është sugjerimi i kryeministrit Edi Rama i cili ka shkuar të vizitojë një prej bujtinave më të njohura, Mrizin e Zanave në Fishtë.

 “Ne kemi bërë 6 dhoma dhe një nga arsyet që i bëmë është se në bazë të ligjit për turizmin duheshin mbi 5 dhoma për të përfituar uljen e TVSh në 6 %. Me thënë të drejtën ka qenë një ndihmë e mirë dhe për ne”.

Kryeministri Rama, gjatë ndalesës së tij në këtë model të agroturizmit, i dorëzoi sipërmarrësit Altin Prenga  certifikatën e argroturizmit.

“Kjo nuk është në Zvicër, as në Italinë e Veriut, as në Francë. Kjo është tek Mrizi i Zanave në Fishtë. Ta shikojnë të gjithë se si po zhvillohet agroturizmi dhe mbi të gjitha me çfarë shije po zhvillohen 100 fshatrat”.

Lehtësitë fiskale i kanë lejuar sipërmarrësit të përfshijë më shumë fermerë të zonës, produktet e të cilëve ai i merr dhe i përpunon për tua servirur klientëve në bujtinë. Investimi i tij i fundit është në ish burgun e Lezhës, të cilin ai e ka kthyer në një pikë të përpunimit të qumështit.

“Kjo ka qenë ish burg, ne e kemi rindërtuar. Kemi 35 familje që na furnizojnë me qumësht. Janë vetëm nga fshati Fishtë. Momentalisht janë me qumësht lope”.

Një tjetër investim privat është bërë publik nga kreu i qeverisë për tu thënë shqiptarëve se biznesi shqiptar prodhon dhe tregëton me standardet më të larta ushqimore për vendet e Bashkimit Europian. Një prej tyre është kjo fabrikë e përpunimit të ullirit dhe fruta-perimeve në Lezhë që arrin të mbulojë deri në 50% të tregut për ullirin e përpunuar në Kosovë, Maqedoni e Mal të Zi, ndërsa ka depërtuar edhe në tregje të mëdha europiane, si Gjermani, Itali e Zvicër.

“Në të gjithë këtë volum eksporti që është rritur dhe që ka shkuar jashtë nuk ka asnjë kamion të kthyer mbrapsht për arsye të standardit, asnjë kamion me fruta, asnjë kamion me perime, asnjë lloj problemi, të gjitha brenda standardit, se këtu historia është futet në kazan një rast, bëhet nami, “janë me kimikate, janë me helme, janë me këto e janë me ato” edhe çmendet ky milet. Natyrisht që ka raste abuzimi, por produktet tona asnjë kamion nuk është kthyer mbrapsht, nga pikëpamja e standardeve, flas nga ana e garancisë dhe sigurisë ushqimore”.

Një mesazh ka edhe për median duke i kujtuar paketën e antishpifjes.

“Kur kemi filluar procesin për të kaluar antishpifjen në Parlament, – jam habitur, më shkruanin biznesmenë, “mos u tërhiq, na mbytën, na vënë gjoba dhe thonë, o paguaje, ose do të sulmoj në televizion, do të sulmoj në portal, në gazetë, do të të bëj copë, derisa të paguash”. Mirëpo, të gjitha këto janë stres për njerëzit.

Këto inspektime kryeministri Rama i ka kryer gjatë qëndrimit të tij dy ditor në qarkun e Lezhës. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono