Emery
Veronik Istrefaj17:40 | 17/02/2020
Ish-futbollisti legjendar i Arsenalit, Ian Wright, tashmë si analist në BT Sport, ka kritikuar trajnerin Unai Emery, duke thënë se ky i fundit kishte vendosur një diktaturë te “Topçinjtë” dhe se nuk kishte as plan, e as drejtim.
Ian Wright tha: “Nën drejtimin e Unai Emery, ishte si një diktaturë, nuk ishte shumë i këndshëm, për ne si tifozë, dhe as për lojtarët. Ata nuk dinin se ku po shkonin, nuk kishte asnjë drejtim, asnjë plan.
Po, Arsenali arriti në finale e Europa League, por ishte performanca më e dobët Arsenalit në një finale europiane”, tha mes të tjerash legjenda e klubit londinez./abcnews.al
“Under Emery it was like a regime, it wasn’t very enjoyable, they didn’t know where they were going, there was no direction. His comments are delusional. Yes (they got to a Europa League final) but it was the worst performance of an Arsenal team in a final.”
– Ian Wright pic.twitter.com/oEZJGPrdHp
— AFTV (@AFTVMedia) February 17, 2020
Veronik Istrefaj20:15 | 13/02/2020
Ish-trajneri i Arsenalit, Unai Emery, vazhdon të komentojë në lidhje me kohën e tij në krye të “Topçinjve” dhe deklarata e tij e fundit pak ditë më parë, shkaktoi disa polemika.
Strategu spanjoll tha se yjet e Arsenalit ishin të vështirë dhe të pa-menaxhueshëm, një sulm indirekt drejt Mesut Ozil dhe Granit Xhakës, të cilët kishin probleme nën urdhrat e Emery.
Mikel Arteta, trajneri aktual i Arsenalit, nuk i ka pritur mirë këto komente dhe është kundërpërgjigjur, duke ironizuar: “Kur erdha tek Arsenali, gjëja që më habiti më shumë, ishte dëshira e të gjithë lojtarëve për të punuar. Të gjithë, pa përjashtim, e dinë rolin e tyre dhe janë gati të japin gjithçka për këtë fanellë”, tha mes të tjerash Arteta./abcnews.al
Veronik Istrefaj19:37 | 10/02/2020
Fantazisti i Arsenalit, Mesut Ozil, ka folur për mediet britanike sa i takon sezonit të deritanishëm të “Topçinjve”, por dhe paraqitjeve të tij personale. Gjithashtu, mesfushori gjerman ka folur për objektivat personalë që ka, marrëdhënien me Mikel Artetën dhe me ish-trajnerin, Unai Emery.
“Gjëja që unë mund të bëj është të jap gjithçka për ekipin, për veten time, të jetë i suksesshëm dhe të shohim se çfarë do të ndodhë. Ajo që di, është se do të jap gjithçka për këtë klub, për shokët e mi të skuadrës.
Kemi pasur një sezon të vështirë, por duam të fitojmë përsëri ndeshje, të marrim pikë, që ndoshta të jemi në katër të parët në fund të sezonit. Qëllimi ynë është të jemi në Ligën e Kampionëve. Këtë vit kemi pasur periudha të vështira, por mendoj se jemi në një rrugë të mirë.
Arteta? Ne luajtëm së bashku nën urdhrat e Arsene Ëenger. Ai sapo ka ardhur këtu, por të gjithë e dinë atë që dëshiron. Qëllimi ynë, apo qëllimi im, është të jap gjithçka në fushë për të ndihmuar ekipin, dhe unë mendoj se trajneri e sheh atë, sepse unë jam duke luajtur rregullisht titullar.
Qëllimi im personal ishte gjithmonë të qëndroja i gatshëm dhe të ndihmoja ekipin. Ky është qëllimi im edhe këtë sezon. Sigurisht, kam pasur një kohë të vështirë nën urdhrat e Unai Emery, kështu që nuk luaja. Tani për tani, jam i lumtur, unë jam duke luajtur rregullisht”, përfundoi Ozil./abcnews.al
Veronik Istrefaj21:51 | 29/11/2019
Trajneri spanjoll, Unai Emery, u shkarkua sot nga skuadra e Arsenalit, për shkak të rezultateve të dobëta javët e fundit. Në shtatë sfidat e fundit, Arsenali nuk regjistroi asnjë fitore, çka bëri që bordi drejtues ta shkarkojë strategun spanjoll. Disa orë pas shkarkimit, Unai Emery ka shkruar një letër për tifozët dhe klubin e Arsenalit.
“Ka qenë nder të jem trajner i Arsenalit.
Për të gjithë tifozët, dua t’ju falënderoj të gjithëve nga zemra, që më ndihmuat të kuptoj dhe të ndiej madhështinë e Arsenalit. Për të gjithë ju që na keni mbështetur nga çdo cep i globit, të gjithë ju që keni ardhur në “Emirates”, të gjithë ju që keni pritur në shi dhe të ftohtë vetëm për të më përshëndetur pas një ndeshje, faleminderit! Dua t’ju them të gjithëve që kam punuar me pasion, me përkushtim dhe me përpjekje maksimale.
Dua gjithashtu të dërgoj një mesazh mirënjohjeje për të gjithë punonjësit e Arsenalit për mënyrën se si më kanë trajtuar. Në veçanti, dua të veçoj Ivan Gazidis, i cili më mirëpriti në klub, dhe Raul Sanllehi, Edu dhe Vinai Venkatesham për respektin, shoqërimin dhe ndihmën e tyre.
Deri në minutën e fundit jam trajtuar me nder dhe ndershmëri. Dhe sigurisht, ju dërgoj mirënjohjen time të sinqertë familjes Kroenke, për besimin e tyre. Kam kaluar një vit e gjysmë plot emocione, me momente të shkëlqyera dhe disa të tjera më të hidhura, por as një ditë e vetme nuk ka kaluar pa më ndalur të mendoj se sa me fat kam qenë që kam punuar për këtë klub me këta lojtarë.
Ata kanë nderuar gjithmonë fanellën që veshin. Ata e meritojnë mbështetjen tuaj. Tashmë kam provuar shumë në futboll, por kam shijuar dhe mësuar shumë në Angli, në Premier League, për respektin për profesionistët dhe për pastërtinë e futbollit.
Urimet e mia më të mira gjithmonë, Unai Emery”.
Veronik Istrefaj18:53 | 29/11/2019
Mesfushori i Arsenalit, Dani Ceballos, ka shfrytëzuar rrjetet e tij sociale për të falënderuar ish-trajnerin e tij, Unai Emery. Strategu spanjoll u shkarkua këtë mëngjes nga bordi drejtues i Arsenalit.
Ceballos erdhi tek Arsenali në verë në formë huazimi, si objektivi kryesor i Unai Emery. Ceballos dhe Emery kishin krijuar një raport shumë të mirë me njëri-tjetrin dhe largimi i trajnerit, nuk është pritur mirë nga mesfushori spanjoll.
Në Twitter, Dani Ceballos shkroi: “Trajner, thjesht dua të falënderoj që me ke ndihmuar gjatë kohës kur kemi punuar bashkë. Të uroj gjitha të mirat për të ardhmen tënde dhe për projektet e tua”./abcnews.al
Míster @unaiemery_ solo puedo darte las gracias por ayudarme en este tiempo que hemos compartido. Te deseo lo mejor en tus futuros proyectos . 🙏⚽🙌🏽
Coach, I just wanna thank you for helping me during the time we spent together. I wish you all the best for your future projects. pic.twitter.com/RROzijNcXZ
— Daniel Ceballos (@DaniCeballos46) November 29, 2019
Veronik Istrefaj18:05 | 27/11/2019
Granit Xhaka nuk po luan prej disa javësh me Arsenalin, që nga koha kur doli kundër tifozëve në atë ndeshje ndaj Crystal Palace në “Emirates Stadium” (2-2).
Mesfushori me origjinë shqiptare ka pasur një “krisje” edhe me drejtuesit e klubit londinez dhe flitej për një largim të sigurt të tij në muajin janar.
Megjithatë, trajneri i Arsenalit, Unai Emery, ka konfirmuar se Xhaka është në planet e tij dhe në ndeshjen e nesërme përballë Frankfurt në UEFA Europa League, mund të luajë.
Xhaka është grumbulluar me skuadrën e Arsenalit për këtë sfidë dhe strategu spanjoll i ka kërkuar tifozëve që të mbështesin skaudrën në këtë moment të vështirë, si për klubin, ashtu dhe për mesfushorin me origjinë shqiptare./abcnews.al
“He has a possibility to play tomorrow”
Unai Emery expects Granit Xhaka to make his Arsenal return in the Europa League tomorrow night
More: https://t.co/WdOUayy0Bv pic.twitter.com/p23sgRLKtZ
— Sky Sports Premier League (@SkySportsPL) November 27, 2019
Veronik Istrefaj21:24 | 09/11/2019
Trajneri i Arsenalit, Unai Emery, po kuotohet si favoriti për të qenë trajneri i radhës i shkarkuar. Strategu spanjoll nuk po merr rezultatet e duhura dhe humbja kundër Leicester 2-0 disa minuta më parë, ka tronditur edhe më shumë pozicionin e tij në krye të pankinës.
Megjithatë, Emery pranon se bordi nuk do ta shkarkojë, si dhe ka mbështetjen absolute të tyre: “Na duhet më shumë kohë, kemi lojtarë të rinj që duan të rriten. Kemi objektivat tona dhe duam ende kohë.
Kemi pasur disa probleme kohët e fundit, por me kohën, gjithçka do të zgjidhet. Gjëja më e rëndësishme është të jemi të qetë. E ardhmja? Kam mbështetjen absolute të bordit drejtues”, përfundoi Emery./abcnews.al
Veronik Istrefaj17:57 | 08/11/2019
Unai Emery është në presion të madh. Tifozët e Arsenalit, duan “kokën” e tij, pasi rezultatet e fundit kanë qenë skandaloze. Vetë trajneri spanjoll pranoi se sfida e së dielës kundër Leicester është shumë e rëndësishme dhe se skuadra e tij nuk është në një moment të mirë.
Sot, në konferencë për shtyp para kësaj sfide, Emery tha: “Çdo ekip, ka momente të ulëta dhe pozitive. Ne po kalojmë një moment delikat, kemi barazuar shumë ndeshje që duhet t’i fitonim. Duam të qëndrojmë të bashkuar, pasi së bashku mund t’ia dalim”.
XHAKA – “Xhaka nuk do të grumbullohet për këtë sfidë”.
PRESIONI – “Nuk është e vërtetë, unë nuk ndihem në presion. Kemi një projekt këtu dhe duam që me punë dhe përkushtim t’i shkojmë deri në fund. Shumë lojtarë të rinj janë promovuar në ekipin e parë dhe ky proces kërkon kohë, madje mund të ndikojë dhe në rezultate. Ne vazhdojmë në rrugën tonë.
LEICESTER – “Nuk jam i surprizuar aspak nga ecuria e tij. Brendan (Rodgers) është një trajner shumë i mirë, e ka treguar te Liverpool dhe Celtic. Tani po bën një punë të shkëlqyer edhe te Leicester. Ne do të shkojmë atje duke e ditur forcën e kundërshtarit. E kemi përgatitur sfidën”, tha mes të tjerash trajneri i “Topçinjve”./abcnews.al
Veronik Istrefaj16:58 | 31/10/2019
Trajneri i Arsenalit, Unai Emery, ka pranuar se ka gabuar me sjelljen e tij ndaj yllit të skuadrës, Unai Emery. Strategu spanjoll dhe fantazisti gjerman kanë pasur disa debate gjatë fillimit të sezonit, por tashmë, duket se gjithçka është sheshuar.
Gjithçka ka nisur me një bisedë private mes Emery dhe Ozil, në zyrën e trajnerit të Arsenalit. Pas kësaj bisede, Ozil u grumbullua kundër Liverpoolit mbrëmë në Carabao Cup, madje dhe luajti titullar, duke bërë një ndeshje të shkëlqyer.
Ozil luajti vetëm 65 minuta, pasi Emery vendosi ta zëvendësojë. Për kët vendim të tij, strategu spanjoll tha: “Mesut kishte kohë pa luajtur dhe biseduam para ndeshjes, i tregova që do të zëvendësohej në pjesë të dytë. Ai bëri një ndeshje të shkëlqyer dhe në mendjen time, është në plane për sfidën e së shtunës kundër Ëolves”,- tha mes të tjerash numri një i Arsenalit./abcnews.al
Veronik Istrefaj19:32 | 29/10/2019
Arsenali luan nesër në EFL Cup përballë Liverpool, një sfidë ku do të përplasen dy nga skuadrat më të mëdha në Angli. Trajneri i Arsenalit, Unai Emery, ka konfirmuar se Granit Xhaka nuk do të grumbullohet në këtë sfidë: “Xhaka është disi i tensionuar, gjithçka ka ndodhur shumë shpejt. Kundër Liverpool, nuk do të jetë në skuadër”.
Xhaka ishte në qendër të vëmendjes në sfidën kundër Crystal Palace në fundjavë. Mesfushori me origjinë shqiptare u zëvendësua në minutën e 61-të dhe pati një shkëmbim sharjesh me tifozët e Arsenalit. Pasi këta të fundit e vërshëllyen në masë, Xhaka u filmua duke thën: “Ik p****ni!”
Xhaka ende nuk ka kërkuar falje publike ndaj tifozerisë londineze, dhe as nuk ka bërë ndonjë reagim në lidhje me këtë incident që ndodhi në “Emirates”. Nëse Xhaka ka të ardhme tek Arsenali apo jo, kjo mbetet për t’u parë. Shiriti i kapitenit do t’i kalojë sulmuesit Pierre-Emerick Aubameyang./abcnews.al
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
