borxhe
Totti te Sampdoria? E vështirë për tu imagjinuar...

familjaaaaa-naftetarit.jpg
eri Ida18:32 | 22/02/2020

E ndërsa naftetaret nuk tërhiqen nga ngujimi, familjet e tyre mezi mbajnë frymën. Gazetarja e ABC News Valbona Davidhi ishte në shtëpinë e Aleksadër Mejdanit.

E ëma dhe bashkëshortja e tij tregojnë se si po ja dalin në këto ditë të vështira, e lista e borxheve vetëm zgjatet në dyqane.

Kur familjen e ka lënë pa bukë, greva e urisë duket nje vendim i natyrshëm për Aleksandër Mejdanin, naftëtar prej 20 vitesh në Uzinën e naftës në Ballsh.

“Nuk kam të ardhme tjetër skam me çfarë ta mbaj fëmiljen”, thotë Mejdani.

Prej më shumë se 4 muajsh, familja Mejdani po jeton në kufijtë e mbijetesës.

Gruaja Vojsava tregon kushtet në të cilat gjendet dhe thotë se “ka katër muaj lëre ato të prapambeturat që aty i kemi shpresat. Uroj që të nisë mendeherë puna”.

Kryefamiljari Mejdani është i vetmi që siguron të ardhura për 5 anëtaret e tjerë të familjes.  por pasuria e vetme tij është ky apartament i blerë me para borxh.

Aleksandër Mejdani vjen nga familje naftëtarësh. Nëna e tij Antoneta, pas një jete punë në uzinë, sot vuan nga sëmundje profesionale dhe perfiton një pension me të cilin nuk blen dot as ilacet.

“Nuk mendojnë për ne fare, kam punuar 40 vjet në uzinë dhe kam marrë vetëm 45 mij lekë të vjetra, çfarë do bëj. Djali më ka mua çfarë të bëj unë, nuk kam me lekë borxh ha djali”, shprehet nëna e Aleksandrit.   

Në cdo shtëpi naftëtari ka protestë dhe zhgënjim. Në sytë e fëmijëve kjo situatë shkon në skajet e  dëshpërimit

Vajza 18 vjeçare e Aleksandër Mejdanit, Florida se kjo është gjendje është për të gjithë banorët e Ballshit.  kjo nuk është fjalë vetëm për mua por për të gjithë banorët e Ballshut. “Babi im është prej pesë ditësh në greve me çfarë të ardhurash mubd të shkollohemi ne. Nuk bëhet fjalë për mua por për të gjithë banorët e Ballshit. Nëse ajo uzinë mbyllet a mund të kemi ne të ardhura. Ju lutem na jepni një mundësi”.

 Ndërkohë Antoneta flet e indinjuar nuk kemi ku të shkojmë, dhe një asistencë që kisha ma hoqën. 

Që prej mbylljes së uzinës, dyqanet e ballshit po sheshin ushqime me listë. Borxhet e naftëtarëve kanë kapur vlera të larta duke bërë që edhe tregtarët të dalin me humbje

“Me disa klientë kemi arritur në një pikë mosmarrëveshje, është e pamundur nuk mund të vazhdohet më kështu. Ka një kufi”, ka thënë tregtari.

 Me tepër se 900 punonjës  të Kombinatit të Përpunimit të Naftës në Ballsh janë pa paga dhe pa punë prej 4 muajsh. Kjo ka cuar punonjësit në protesta dhe grevë urie. Ndalja e punës ndodhi pas mosmarrëveshjeve mes bankers petroleum dhe administratorëve të “tosk dhe bylis energy” lendën e parë, naftën bruto. Situata të ngjajshme kanë ndodhur përgjatë 8 viteve të fundit duke prodhuar një krizë të rëndë sociale për të gjithë zonën e Mallakastrës.

Vetëm 2 vjet më parë naftëtarët e uzinës, mbetën pa punë dhe pa pagat e 14 muajve. Këto të fundit megjithëse fituan gjyqin, nuk i kanë marrë pasi firma që administronte uzinën në atë periudhë, sot nuk ekziston më./abcnews.al

Qeveria-RAma-majko.jpeg
Autor E09:01 | 31/01/2020

Qeveria shqiptare ka dorëzuar pranë Bankës Botërore një projekt lidhur me programin Kombëtar të furnizimit me ujë dhe kanalizimet duke kërkuar financim në vlerën 725 milion dollarë.

Kjo është shuma më e madhe që vendi ynë kërkon pranë një institucioni financiar ndërkombëtar viteve të fundit pas mbështetjes që ka marrë në disa sektorë si energjia, infrastruktura, turizmi dhe menaxhimi urban.

Qeveria ka argumentuar se ky projekt synon që të ofrojë një shërbim më të mirë për qytetarët si dhe marrjen e masave në mënyrë që uji i pijshëm të jetë i aksesueshëm për të gjithë. Përmbledhja konceptuale e projektit që është në fazën e tij fillestare sqaron se projekti do të ndihmojë autoritetet që të ndërtojnë një qasje të re për ndërmarrje më të qëndrueshme financiarisht.

Institucioni që ka paraqitur projektin është Ministria e Infrastrukturës dhe Energjisë ndërkohë që data më e afërt e mbledhjes së bordit të bankës vlerësohet 9 marsi 2020. Objektivi përshkruhet si forcimi i kuadrit të politikave dhe kapaciteteve institucionale për të përmirësuar aksesin dhënien e shërbimit dhe qëndrueshmërinë financiare të ndërmarrjeve të ujësjellës kanalizimeve.

Prezantimi i projektit sjell në vëmendje strategjinë për sektorin për vitet 2020-2030 që tashmë ministria e ka nxjerrë për konsultim dhe ende mbetet të kalojë hallkat  e nevojshme të miratimit. Strategjia vlerëson se ka nevojë për investime të mëdha në sektor që kapin vlerën 1.5 miliard euro.

Në të njëjtin dokument qeveria parashikon rritje të tarifave të ujit edhe me 75 për qind për të përballuar shpenzimet që do të kërkojë zbatimi i strategjisë. Kjo rritje sipas qeverisë është e mundur pasi është e përballueshme dhe shpenzimet e familjeve për ujin janë nën pragun 5 për qind, dhe saktësisht 2.2 për qind.

“Strategjia Kombëtare e Sektorit UK përfshin gjithashtu përmirësime në vendosjen e tarifave në përputhje me parimet e mëposhtme:  Nivelin e mbulimit të kostove nga tarifat; tarifa që bazohen në kosto;  politikat tarifore dhe përcaktimi i tarifave do të sigurojnë që shërbimet UK të jenë të përballueshme në përputhje me praktikat më të mira ndërkombëtare, ku thuhet se tarifat duhet të jenë të përballueshme duke pasur parasysh që fatura ujit dhe kanalizimeve duhet të jetë jo më shumë se 5 për qind e të ardhurave familjare për familjet me të ardhurat më të ulta” thuhet në dokument” saktëson dokumenti i qeverisë./monitor

10-1.jpg
in a15:11 | 20/11/2019

Kriza e spitalve në Francë ka bërë që qeveria të marrë përsipër 10 mld euro borxh. Edhe pse sistemi spitalor në Francë është konsideruar si një ndër më të mirët, vitet e fundit është përballur më krizën borxheve. Qeveria franceze ka deklaruar se do të marrë përsipër 10 miliardë euro boxhe për të ndalur protestat disa mujorë të doktorëve dhe infermierëve. Kryeministri Eduard Filip tha se do të bëhën financime urgjente deri 800 euro bonus të përheshëm vjetor për 40 mijë infermierët e vendit që fitojnë deri 1,900 euro në muaj.

“Buxheti ynë për sektorin spitalor do të rritet me 1,5 miliardë dollarë në tri vitet e ardhshme, që do lejojë spitalet të ulin deficitet dhe të modernizohen. Ne e kemi dëgjuar zemërimin, lodhjen dhe pafuqinë tuaj me situatën, ndaj po marrim përsipër e borxhet,” deklaroi kryeministri Filip.

Mbingarkesa dhe pagat e ulëta kanë detyruar largimin e stafit drejt sektorit privat, por edhe pse me një buxhet vjetor mbi 11 për qind e prodhimit kombëtar, spitalet franceze kanë mbyllur qindra salla operacioni.

Këto zhvillime në muajin mars nxorën në greva doktorët dhe infermierët e Parisit, të cilët ankoheshin se pacientët e moshuar po pritnin deri në 72 orë në korridore nga mungesa e shtretërve./abcnews.al

 

shqiptar.jpg
Autor E09:20 | 15/10/2019

Struktura e borxhit të familjeve shqiptare është shumë e ndryshme, që nga kredia bankare deri tek tregjet informale, overdrafti dhe të ashtuquajturat lista në dyqane, ku familjet konsumojnë mallra pa mundur t’i paguajnë në kohë.

Një anketë e Bankës së Shqipërisë tek 2010 familje të shtrira në të gjithë vendin ka evidentuar se 24 për qind e familjeve kanë një ose më shumë se hua për shlyer. Ndërsa 19 për qind e familjeve borxhlie kanë deklaruar se borxhin e kanë ndaj njësive të shitjes më pakicë, teksa kanë konsumuar mallra dhe nuk kanë mundur të bëjnë shlyerjen e tyre në kohë. Njësitë e pakicës, sidomos ato që tregtojnë produktet e shportës disponojnë fletoren e listës ku shënojnë familjet që marrin produkte kundrejt pagesave të mëvonshme.

Banka e Shqipërisë vlerëson se në familjet huamarrëse, peshë të konsiderueshme vijon të ketë zëri ‘mall i papaguar’ (19% e rasteve të huamarrjes), por në rënie graduale gjatë tre periudhave të fundit.

Në totalin e familjeve borxhlie në rreth 37% të rasteve të raportuara, huamarrja e familjeve rezulton në formën e ‘kredisë nga institucione financiare’, ku 32% e rasteve janë në trajtë ‘kredie’ dhe 5% janë në trajtë ‘kartash krediti dhe overdraft’. Kjo peshë ka shënuar rritje me rreth 7 pikë përqindje krahasuar me 6-mujorin e kaluar dhe ka mbetur pothuaj e pandryshuar krahasuar me një vit më parë.

Në rreth 43% të rasteve, huamarrja deklarohet në formën e ‘parasë në dorë’, duke shënuar një rënie të lehtë me 1 pikë përqindje krahasuar me 6-mujorin e kaluar. Peshë të konsiderueshme vijon të ketë zëri ‘mall i papaguar’ (19% e rasteve të huamarrjes), por në rënie graduale gjatë tre periudhave të fundit

Duke e analizuar tepricën e deklaruar sipas burimit, rezulton se rreth 70% e saj vjen nga burime formale (banka dhe institucione financiare jobankare) dhe rreth 30% nga burime joformale ( si persona fizikë, hua në formë malli etj.)

Kjo strukturë ka mbetur e pandryshuar krahasuar me 6-mujorin e kaluar, por në terma vjetorë është zhvendosur në favor të huasë joformale, duke reflektuar rënien e tepricës së huasë nga ‘bankat’ dhe ‘institucionet financiare jobankare’.

Duke e analizuar tepricën e huamarrjes sipas qëllimit të përdorimit të saj rezulton se rreth 37% e saj është përdorur për ‘blerjen/riparimin e një prone’, 31% për ‘zhvillimin e një biznesi’ dhe 13% është përdorur me qëllim ‘konsumi’. /Monitor/

mitsotakis-1.jpg
ad min09:47 | 29/08/2019

Suksesi i parë i Kyriakos Mitsotakisit ishte fitorja në zgjedhje në korrrik dhe marrja e pushtetit me shumicë absolute, që është hera e parë me kët rezultat që pas shpërthimit të krizës së borxheve në vitin 2009. Në javët e para në pushtet kryeministri i ri konservator ka arritur të dëshmojë prezencë. Por a kanë mbetur dyshimet ndaj bankave greke? Mitsotakis pohon se klientët nuk kanë nevojë të tërheqin paratë e tyre nga bankat me 1 shtator. Ndërkohë që Mitsotakis ka ndërprerë pushimet dhe ka shkuar tek zjarret në male për t’u njohur me gjendjen në vendngjarje.

Kryeministri i ri ka premtuar në radhë të parë se do të kontrollojë qarkullimin e kapitalit në banka. Me 2015 qeveria e mëparshme e kryeministrit majtist Alexis Tsipras ka futur kufizime në tërheqjen e parave, për të mbrojtur bankat vendase nga kapitali i jashtëm. Masat janë zbutur ndërkohë dhe në fillim të vitit 2019 ministri i Financave Eucleid Tsakalotos premtoi mundësinë e heqjes së plotë të kontrollit. Tani Tsakalotos mendon se veprimi i Mitsotakisit është i drejtë, por vetëm hapi i fundit që ka të bëjë me planet financiare. Zëdhënsi i Ministrisë së Financave reagoi menjëherë me fjalët se majtistët nuk duhet të luajnë rolin e shpëtimtarit. “Të dyja palët kanë nga pak të drejtë”, thotë për DW, Jorgos Tzogopoulos, publicist dhe docent për marrëdhëniet ndërkombëtare. Ai pranon se qeveria e majtë ka arritur në vitin 2015 të rikthehet në politikën realiste, gjë që ka efekte pozitive edhe sot. Nga ana tjetër, pas fitores së konservatorëve kanë rënë çmimet e bonove të thesarit në nivelin më të ulët, që do të thotë se tregu i beson konservatorëve.

Çështja e borxheve

Vetëm pak pas nisjes për Berlin, kryeministri i ri mbatjti një konsultim urgjent me ministrat e vet. Më së shumti u bisedua për ligjin e investimeve dhe reformat e përgjithshme. Mitsotakis do të angazhohet për lehtësime në borxhe. Gjatë fushatës ai ka premtuar një rritje ekonomike prej 4% në vit, që do ta lehtësonte edhe pozitën e kursimeve të përcaktuara. E vërtetë? “Nuk e besoj se partnerët evropianë do t’i përgjigjen pozitivisht qeverisë greke”, thotë ekonomisti Kostas Stoupas, në bisedë me DW. Mitsotakis dëshiron që me reforma të mundësojë uljen e kursimeve në dy vitet e ardhshme. Ministri i Financave Christos Staikouras deklaroi të mërkurën (28.8.) për gazetën Handelsblatt: „Kjo qeveri i ka pranuar detyrimet që ka marrë vendi ynë. Premtimet do të realizohen”.

Megjithë kursimet e rrepta, Mitsotakis pretendon rritjen e konsumit. Ai ka përgatitur edhe reforma të caktuara në këtë drejtim, që parashikojnë uljen e dukshme të tatimeve për personat që nuk fitojnë shumë. Duket se financimi është i mundur, sepse qeveria e mëparshme ka lënë në arka një rezervë prej 35 miliardë euro.

Paralajmërimet e SYRIZA

Por në një pikë, partia e majtë SYRIZA nuk i kursen kritikat: Mitsotakis prezantohet me dëshirë si një politikan i Law-and-Order (Ligjit dhe rendit). Këtë e kanë dëshmuar policët grekë gjatë një ndërhyrje në qendër të Athinës kundër aotonomëve Exarcheia. Gjatë këtij aksioni u kontrolluan familje të tëra që kanë jetuar atje. „Aksioni kundër fëmijëve me forca të blinduara policore është turp për demokracinë”, thotë një zëdhënës i SYRIZA.

Tsipras tërheq vëmendjen ndaj aksioneve të të djathtëve në vend. Ai pohon madje, se Mitsotakisi është në nivel të njëjtë me ekstremistët e djathtë në Greqi. Këtë e dëshmon edhe fakti se një person si Makis Voridis, themelues i dikurshëm i grupeve nacionaliste, tani është ndër njerëzit e tij. Eksperti Tzogopoulos pohon, se kryeministri i ri angazhohet për më shumë siguri, por kjo nuk do të thotë se ai ndjek një politikë të ekstremizmit të djathtë. Këtë e provon, sipas tij, vizita e ministrit të Bujqësisë Voridis Reue në muzeun hebre, ku ai ka kërkuar falje për deklarimet e tij të mëparshme antisemitiste./DW

kanabisi.jpg
ad min11:15 | 25/06/2019

Një i ri shqiptar i dënuar për prodhim kanabisi në Alfreton Road, Nottingham, Britani kërkon që të depërtohet drejt Shqipërisë. Avokati i 27-vjeçarit tha se klienti i tij G. Xh. ka pasur një rol të vogël dhe kërkesa e tij e vetme është të kthehet në Shqipëri.

Policia kishte shkuar të bënte kontrolle rutinë për një rast vjedhje, kur zbulon një fabrikë kanabisi. Në një banesë efektivët gjetën 428 bimëve, ku nga shitja e tyre do të përfitohej nga 100 000 deri në 300 000 euro.

Gjatë bastisjes së policisë kishin qenë tre djem, të cilët kishin dalë nga ana e pasme e banesës ku dy prej tyre arritën të arratiseshin ndërsa njëri ra në pranga të policisë.

I vetmi që u kap ishte G. Xh., një emigrant shqiptar, i cili kishte hyrë ilegalisht në Britani nga ana e pasme e një kamioni.

Ai si fillim kishte punuar në një lavazh makinash dhe më pas si kopshtar në një ndërtesë me kanabis ku kujdesej për lëndën narkotike.

Ai kishte për të shlyer një borxh prej  4.000 dollarë, pasi kishte për të paguar funeralin e gjyshit të tij.

Prokurori Jonathan Straw, tha se G.Xh., i cili ishte asistuar nga një përkthyes shqiptar në bankën e të akuzuarve, ishte i pajisur me dokumentacione me emra të rremë.

“Njëri dokumentacion ishte italian”, tha Straw. Sipas tij është pranuar se roli i shqiptarit ishte ai i kopshtarit, por akoma nuk është provuar nëse ai ishte i detyruar nga presioni dhe kërcënimet që të punonte aty.

Ai ndër të tjera theksoi se shtëpia dykatëshe me xhama ishte kthyer në “një fabrikë e rëndësishme për prodhimin e kanabisit”.

Bimët ishin “të gjitha fazat e pjekurisë”, tha ai, dhe dhomat ishin rresht, ndriçimi ishte i bollshëm dhe për të ndihmuar rritjen e bimëve dhe kopshtarët i ujisnin.

27-vjeçari me qëndrim në Alfreton Road, sipas avokatit të tij, Steve Gosnell,  “kryerjen e një funksioni të kufizuar”, dhe shtoi se klienti i tij “vetëm dëshiron të kthehet në Shqipëri”.

Gjykatësi James Sampson e ka dënuar shqiptarin me 20 muaj burg.

“Nëse është e përshtatshme për ta bërë këtë, unë kërkoj deportim”,  tha 27-vjeçari nga banka e të akuzuarve./abcnews.al

vra-1280x744.jpg
ent ela11:31 | 17/03/2019

Haxhi Baçinozi, i vrarë tek Liqeni i Tiranës pasditen e së shtunës dyshohet të jetë ekzekutuar për borxhe të pashlyera. Policia ka identifikuar dhe ka shpallur në kërkim autorin e krimit.

Borxhet e pashlyera mendohet të ketë qenë shkaku për vrasjen e 62-vjeçarit tek Liqeni i Tiranës, pasditen e së shtunës. Haxhi Baçinozi u qëllua për vdekje me armë zjarri në sy të një familjari të tij, ndërsa është identifikuar dhe shpallur në kërkim autori. Burime të ABC-news tregojnë se autori ka pasur një kapele dhe nuk ka pasur maskë në momentin kur ka qëlluar në drejtim të 62-vjeçarit. Në vendin e ngjarjes, kanë shkuar ekspertët, të cilët kanë bërë këqyrjen e vendit të ngjarjes.

Mësohet se Haxhi Baçinozi ka qenë i dënuar politik, nën akuzën e agjitacionit dhe propagandës në vitin 1982 dhe 1984./abcnews.al

refik-halili-1.jpg
ad min17:21 | 23/12/2018

Presidenti i Tiranës, Refik Halili, shpjegon ndryshimet që priten në klub vitin e ardhshëm. Pritet ardhje e aksionerëve të rinj, por borxhet mbeten sërish të mëdha.

Disa rezultate pozitive në fund, nuk mund të jenë shpëtimi. Tirana është në krizë të thellë edhe sportive, por edhe financiare, dhe presidenti Halili, i ndërgjegjshëm për gjendjen, premton se do të marrë masa. Numri 1 i klubit deklaroi se do të ketë ndryshime përsa i përket aksioneve, dhe dha këtë shpjegim duke folur për “Supersportin”.

“Mund t’ju them janë mbi 4-5 persona apo që jane edhe kompani që janë shumë të rëndësishëm të biznesit, unë sot jam me 66% të aksioneve dhe pjesa e tjetër është pjesë që e ka bashkia. E di shumë mirë, e dinë edhe persona të tjerë që ato aksione do dalin në shitje. Unë jam i gatshëm t’i jap aksionet, por unë jam për bashkëpunim, 50 me 50”, tha Halili.

Halili flet edhe për gjendjen në të cilën e mori klubin dhe jep disa të dhëna mbi të ardhurat financiare.

“Këto janë më shumë të trashëguara nga një borxh shumë i frikshëm. Të them të drejtën kur e kam bërë këtë gjë, guxuam dhe arritëm të arkëtojmë gati më shumë se 1 milionë euro. Ishte viti shumë i suksesshëm përsa i përket të ardhurave, por ishte viti që nuk do harrohet kurrë dhe për këtë unë do ngelem si njeriu më i keq”, tha Presidenti Halili.

Ndryshimet janë premtuar se do të nisin në Janar. Çfarë synon Halili për këtë edicion?

“Të synojmë pjesëmarrjen në Kupat e Europës. Nga ana tjetër ëndrra ime është ta zbardh dhe ta çoj drejt likujdimit klubin. Shpresoj shumë që deri në fund të këtij sezoni, borxhet të jenë të likujduara totalisht”, theksoi ai.

Burime pranë klubit bëjnë me dijë se borxhi mbetet sërish i madh, duke llogaritur tatimet, lojtarë të palikujduar, gjyqet e humbura me palë të tjera, detyrime në Federatën Shqiptare të Futbollit dhe të tjera. Nuk ka shifër zyrtare, por besohet se shifra i kalon ndjeshëm 1 milionë eurot, dhe shpëtimi i vetëm është afrimi i aksionerëve, dhe rindërtimi i stadiumit “Selman Stërmasi”, për të krijuar të ardhura prej tij./abcnews.al

FSHF-ULTIMATUM-TIRANES_ABC-M1-T1.mpg_snapshot_00.03-1280x720.jpg
ad min12:30 | 19/10/2018

Tirana rrezikon seriozisht zbritjen nga kategoria, dhe sërish për shkak të borxheve. Ish-lojtari i saj, Gjergji Muzaka, ende nuk është paguar plotësisht, ndërsa problemet financiare shtohen.

Nuk po mundet të shpëtojë nga ky shtrëngim duarsh. Tirana vazhdon të rrezikohet e të marrë ultimatume për shkak të vonesave në shlyerjen e detyrimeve për Gjergji Muzakën.
Kërcënimi më i fundit vjen nga Komisioni i Disiplinës në Federatën Shqiptare të Futbollit, që i dha afat 30-ditor klubit kryeqytetas, ndryshe atij do t’i hiqen tri pikë nga renditja e Superligës.
Burime pranë lojtarit bëjnë me dijë se fillimisht u respektua vetëm një pjesë e marrëveshjes, duke iu dhënë lojtarit rreth 3.6 milionë lekë të reja, ndërsa detyrimi mbetet rreth 7 milionë lekë të tjera, të cilat duhej të jepeshin në dy këste.

Historia nisi në janar 2015 kur Muzaka nënshkroi kontratën me Tiranën, ndërsa në janar 2017 ai shkoi në Dhomën e Zgjidhjes së Konflikteve në Federatë, duke pretenduar 10.7 milionë lekë të mosdhëna nga Tirana. Gjyqet sportive vazhduan deri në maj të këtij viti, kur bardheblutë morën ultimatumin e radhës, por kriza u zgjidh me ndërmjetësimin e Federatës.
Tashmë, rreziku është kthyer sërish.

Nëse nuk respektojnë afatin e parë, tiranasve u zbriten tri pikë në Superligë, gjë që do t’i zbriste në vend të parafundit në renditje. Nëse kriza vazhdon, vjen ultimatumi i dytë 15-ditor në pas të cilit klubit i hiqen edhe tri pikë të tjera, dhe së fundi vjen afati përmbyllës 10-ditor, pas të cilit ka zbritje nga kategoria. Momenti nuk mund të ishte më i keq për Tiranën, pasi pak ditë më parë, erdhi largimi i trajnerit Ze Maria, i cili padyshim ra dakord me kusht që të marrë një pjesë të parave që i takonin./abcnews.al

kategoria-e-pare.jpg
ad min12:42 | 17/05/2018

Tirana fitoi vërtet titullin kampion në Kategorinë e Parë, por rrezikon sërish të bjerë nga Superliga. Presidenti Halili ka afat deri në fillim të Qershorit për të shlyer borxhin e radhës.

Një realitet virtual për emrin më të madh në Shqipëri.

Tirana nuk është e sigurt për Superligën as pas sigurimit të saj në fushën e lojës, dhe as pas fitores së finales së Kategorisë së Parë ndaj Kastriotit.

Dy golat e Bedri Grecës dhe trofeu për të cilin me të drejtë nuk u festua, mund të mbeten thjesht një sukses pa vlerë, pasi borxhet ia rrezikojnë statusin klubit 24 herë kampion në vend.

Çështja më urgjente është ajo e detyrimit prej 10.7 milionë lekësh të reja ndaj ish-lojtarit Gjergji Muzaka.

Për këtë arsye, Tiranës iu hoqën fillimisht 3 pikë nga Komisioni i Disiplinës në Federatë, me vendimin e datës 8 Maj të këtij viti, ndërsa u paralajmërua se do të ketë masa të tjera.

Nëse nuk paguan deri në 22 Maj, kryeqytetasve u hiqen edhe 3 pikë të tjera në renditje, ndërsa nëse kjo nuk ndodh deri në 2 Qershor, atëherë Tirana zbritet sërish në Kategorinë e Parë.

Presidenti Refik Halili u shpreh pas finales ndaj Kastriotit se do të gjejë akord me Muzakën, dhe se skuadra nuk ka asnjë rrezik.

Gjithsesi, burime pranë lojtarit bëjnë me dijë se ai nuk ka dëshirë të bëjë marrëveshje, por të marrë pagesën e plotë, siç i takon.

Gjithsesi, burime në Federatë dhanë siguri se do të ketë një marrëveshje, por jo me ndihmën e institucionit të drejtuar nga presidenti Duka, dhe se Tirana do të mbetet në Superiore.

Ndaj vetë Federatës, klubi bardheblu ka mbi 200 000 euro borxhe, në bazë të marrëveshjeve të mëparshme, dhe burimet e mësipërme bëjnë me dijë se kjo gjendje nuk mund të zgjasë pa fund.

Hallet e Tiranës nuk përfundojnë me kaq.

Ka mjaft gjyqe të fituara ndaj saj, nga ata që pretendojnë të shlyhen financiarisht, dhe ka vendime të shumta në Qendrën Kombëtare të Biznesit mbi vendosje të sekuestros ndaj llogarive të klubit.

Vendimi më i fundit në 28 shkurt të këtij viti, ndërsa njoftohet se edhe ish-trajneri Alban Tafaj e ka fituar gjyqin e tij.

E tillë është gjendja në klubin më të shquar të futbollit shqiptar, i cili vazhdon të jetë në luftë me tifozët e tij ultras.

Tifogrupi “Tirona Fanatics” nuk kremtoi aspak fitoren e titullit në Kategorinë e Parë, ndërsa ditë më parë akuzoi si fajtor presidentin Halili pas dënimit të fundit të dhënë nga Disiplina.

Tiranës i mbetet të bëjë sa më shpejt një marrëveshje ose të bjerë sërish nga kategoria./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono