Bindja Demokratike

arben-skenderi-1280x712.jpg
nev ila18:25 | 26/06/2019

Arben Skënderi i ftuar në studion e Abc News me Mirela Milorin tha se 30 qershori do të jetë në gjendje të mjerueshme. I pyetur nga gazetarja Mirela Milori se përse qytetarët duhet të votojnë Bindjen Demokratike, Skënderi tha se ka ardhur momenti që Tirana të drejtohet nga një njeri normal.

Mirela Milori: Si e shihni 30 qershorin? Do ketë ngarkesa?

Arben Skënderi: Alternativa është ajo që i frymëzon njerëzit. Pse duhet të çohen njerëzit te lufta? 30 qershori do të jetë në gjendjen më të mjerueshme.

Mirela Milori: Ju do të hyni në zgjedhje, pse qytetarët do të votojnë ju?

Arben Skënderi: Unë jam një djalë që i ngjaj shumë të tjerëve në këtë qytet. Ka ardhur momenti që Tirana të drejtohet nga një njeri normal. Sot Kryetari i Bashkisë së Tiranës është i kapur. Gjithë fushatën që po bën thjesht po reciton të njëjtat vjersha si 4 vjet më parë.

Mirela Milori: Cilat janë pritshmëritë tuaja?

Arben Skënderi: Erion Veliaj do të përballet me një votë ndëshkuese kësaj radhe. Ka ardhur koha që njerëzit ta shohin realisht. Keni për tu çuditur për proporcionin që ka për të marrë Bindja Demokratike. Jemi grupim njerëzish që po zmadhohet çdo ditë. Ne do jemi këtu dhe më të fortë se dje, por askush nga ne nuk ka për ta shitur dinjitetin e vet.

Mirela Milori: Nuk keni frikë se mund të shkojë si Gjergj Bojaxhi apo Ben Blushi?

Arben Skënderi: Emrat që ju përmendët kanë qenë njerëz që kanë qenë shtojca. Ndërsa ne kemi dalë në opozitë me familjen tonë. Largimi ynë ka qenë për tu distancuar. Ne sot jemi të organizuar me koordinatorë dhe nuk i japim llogari askujt. Unë nuk e shes dinjitetin tim për asgjë./abcnews.al

arben-skenderi-mirela-milori-1280x715.jpg
nev ila18:09 | 26/06/2019

Arben Skënderi i ftuar në studion e Mbrëmje Abc me Mirela Milorin ka bërë të njohur disa pjesë të programit që ka Bindja Demokratike si ofertë për qytetarët e Tiranës.

Arben Skënderi është kandidat i Bindjes Demokratike për Bashkinë e Tiranës në zgjedhjet e 30 qershorit. I pyetur nga gazetarja Mirela Milori se si ndjehet fushata elektorale për zgjedhjet vendore, Skënderi tha se është atipike e trazuar dhe e komplikuar. Bindja Demokratike sipas Skënderit është duke bërë një fushatë të një natyre tjetër, takimi drejtpërdrejtë me njerëzit thotë Skënderi, ka bërë të identifikohen vërtetë problemet e tyre.

Qytetarët janë të neveritur nga gjithë kjo që po ndodh sepse në realitet askush nuk qaset për të parë hallet që kanë qytetarët, apo si qëndron situata e tyre edhe pas 4 vjet qeverisje, nga kryetari aktual i PS”, thotë ai.

Shpesh herë themi nëpër tavolina, si nuk po dalin ca njerëz të tjerë? Si nuk po del një forcë tjetër politike? Do kisha dashur që në këtë fushatë të kishte dalë një grupim i madh i njerëzve të këtij formati sepse është e vetmja mënyrë reale për t’iu kundërvënë qeverisjes, arrogancës dhe kriminalitetin e qeverisjes që kemi sot mbi kokë. Nuk bëhet me asnjë lloj formati tjetër, edhe vende të tjetra e kanë zgjidhur në këto lloj formash, dikush duhet ta hedhë hapin, ne vendosëm ta merrnim ndoshta kundër cdo lloj klime të favorshme në raport me ne.

Në detaje teknike, në Tiranë gangrena më e madhe është menaxhimi i fondeve publike, pra mënyra se si administrohen të ardhurat e qytetit. Nuk ka transparencë dhe nuk ka për të patur me këtë model që kemi. Është shkatërruar motorri bazë i funksionimit të çdo lloj shoqërie dhe Tirana sot nuk prodhon asgjë. Për çfarë shquhet Tirana në Ballkan?

Mirela Milori: Zoti Veliaj thotë turizmi..

“Unë jam marrë dikur me këtë punë, turizmi në Tiranë?! Është vërtetë qesharake. Njerëz që kalojnë 24 orë për të kaluar në jug dhe 24 orë për të ardhur këtej, nuk është ky turizmi. E dini kush është turizmi? Ne në pikat tona të programit për turizmin e kemi ndarë Tiranën në 4 zona. Tirana që është Tirana e traditës dhe historike. Ne kemi menduar që me fonde publike nga Bashkia e Tiranës ky të jetë një sektor prioritar. Bashkia të jetë rregullatori i elementeve që vetrregullohen nëse sistemi ekziston. Nuk do të ketë më hapësira që do të gllabërohen në interes të privatit dhe pa asnjë konsultim publik. Ne kemi marrë angazhimin që do rishikojmë dhe do lobojmë fort edhe për ligjin e pronës publike, pra referendumet lokale. Të gjitha vendimet e mëdhaja për qytetin, qoftë plane rregullues dhe nuk do merremi me konsultime sa për të larë gojën apo sa për ti nxjerrë në televizor. Ka shtete që janë shumë performant në këtë sens dhe ka ardhur koha që edhe ne ta bëjmë këtë sepse klasa jonë politike është komplet e shkëputur nga cfarë shihet në terren. janë me dhjetra biznese që janë mbyllur në këto 4 vjet në tiranë. Eshtë e rëndësishme që ne të stimulojmë biznesin e vogël dhe të mesëm në kryeqytet“, deklaroi kandidati i Bindjes Demokratike./abcnews.al

astrit-patoziii.jpg
ad min21:36 | 14/06/2019

Astrit Patozi ishte i ftuar këtë të premte në emisionin “Provokacija” në Abc News. Koordinatori i Bindjes Demokratike u pyet se kush do të ishte zgjidhja sipas tij e krizës ku ndodhet vendi.

E para do bëja ç’është e mundur që kurrë të mos shkonte puna në këtë pikë, por në rast se do shkonte pastaj, do ndiqja instiktin tim për interesin që ka ky vend dhe ky popull për këto zgjedhje dhe për shumë më tepër se sa këto zgjedhje. Shqipëria ka nevojë për t’u ndarë nga ky sistem i kalbur politik dhe ky do ishte rast i mirë për të filluar kthesa sipas meje. Në rast se kjo nuk do ndodhë do të ketë arnime të vazhdueshme dhe ne do të biem në kriza të tjera dhe të shpeshta, madje dhe më të këqija në të ardhmen sepse do ishte thjesht kapërcime i momentit. Ne kemi nevojë të ikim nga ky sistem. Kryetarokracia është një sistem i pisët politik, i cili na ka sjellë në këto nivele, të shpifura do thoja, dhe për të dalë nga kjo Shqipëria ka nevojë për një marrëveshje të madhe. Nuk ka nevojë për një marrëveshje për zjedhje lokale. Pas kësaj në rast se ne nuk ikim nga ky lloj sistemi, nga listat e mbyllura, nga kjo që tre vetë në Shqipëri vendosin për 3 milionë të tjerët, ku sulltani vendos shumë më tepër se dy të tjerët, kjo është një gjë që duhet të përfundojë një orë e më parë përndryshe nuk do të ketë qetësi”, tha Patozi.

Për krijimin e Bindjes, Patozi nuk ka asnjë pendim. Ai shprehet se me të i solli vendit një ofertë të re.

“Për ne ka qenë vendimi i duhur dhe nuk i heqim asnjë presje. Një mijë herë të kthehemi mbrapa, një mijë herë do ta kishim bërë të njëjtën gjë. Pse? Sepse ne i sollëm vendit një ofertë të re, e cila ishte e ndryshme nga çfarë është parë deri tani, i sollëm një model të ri. Mbi të gjitha këtë gjë e bëmë në ditën, kur ata ndjeheshin më të dobët. Pra sistemi politik që është krijuar në Shqipëri dhe është në grahmat e fundit sipas nesh ishte në pikën e tij më të dobët prandaj ne bëmë gjënë e duhur dhe nuk pendohemi. Në këtë situatë ne jemi të disavantazhuar. Që në çastin  që gjithë debati është përqendruar që kush është më i fortë, Ilir Meta apo Edi Rama, apo Lulzim Basha nuk ka shumë vëmendje, shumë veshë për të dëgjuar se çfarë themi dhe çfarë jemi ne. Sigurisht që kjo na penalizon, por më mirë të bëjmë një sakrificë të vogël, por të shpëtojë vendi dhe të ketë një zgjidhje afatgjatë”, tha Patozi./abcnews.al

mezini.jpg
ent ela16:33 | 13/06/2019

Kandidatja e Partisë Bindja Demokratike për Bashkinë e Vlorës Valbona Mezini tregon alternativat që do t’i ofrojë qytetarëve nëse fiton garën elektorale përballë kandidatit të Partisë Socialiste.

Për herë të parë në Vlorë në garën për kreun e bashkisë kandidon një grua. Valbona Mezini sfidon në këto zgjedhje vendore kryetarin aktual të bashkisë së Vlorës Dritan Lelin. Ajo vjen nën logon e Bindjes Demokratike, partisë më të re opozitare që sapo ka nisur rrugëtimin në formimin politik shqiptar.

Nuk e sheh të pamundur ndryshimin e një historie të pas viteve ‘90 ku institucioni më i lartë vendor i Vlorës është drejtuar kryesisht nga socialistët, ndërsa të djathtët për 22 vite e kanë patur të vështirë rikthimin në drejtimin e Bashkisë së Vlorës.

Kandidatja Mezini tregon alternativat që sjell bindja demokratike për qytetin e Vlorës.

Kandidatja e Bindjes Demokratike për bashkinë e Vlorës Valbona Mezini vjen në këtë garë elektorale për drejtimin e pushtetit vendor përballë kandidatit të Aleancës për Shqipërinë Europiane, Dritan Leli. /ABC News Albania 24/7

BINDJA-KERKON-DOREHEQJEN-E-PS-NE-SHIJAK-ABC-M5-T2.mpg_snapshot_00.28-1280x720.jpg
ent ela17:15 | 06/06/2019

Pas publikimit të përgjimeve të gazetës “Bild”, Partia Bindja Demokratike kërkon dorëheqjen e kandidatit për kryetar të Bashkisë Shijak. Elton Arbana është një ndër emrat e përfshirë në përgjimet e dosjes 339/1.

Bashkohet në një pikë Bindja Demokratike me opozitën jashtë parlamentit. I drejtojnë mazhorancës kërkesë për dorëheqje. Por ndahen në adresimin e emrit që duhet hedhë hapin pas.

Partia më e re opozita nuk është për largimin e kryeministrit por vetëm të kandidatit për bashkinë e Shijakut.

“BINDJA DEMOKRATIKE kërkon tërheqjen e menjëhershme nga gara të kandidatit të Partisë Socialiste në Bashkinë e Shijakut, që do të ishte prova minimale për të treguar vullnetin e maxhorancës për realizimin e zgjedhjeve brenda standardeve më 30 Qershor”.

Arsyetimin e kërkesës e bazuan në përgjimet e publikuara nga gazeta gjermane Bild sipas të cilave bindjes demokratike I rezulton se Partia Socialiste ka kandiduar për kryetar të Bashkisë së Shijakut në zgjedhjet e 30 Qershorit, Elton Arbanën, një prej protagonistëve kryesorë të këtyre përgjimeve.

“Që do të thotë se njeriu, që deri dje vidhte vota për kandidatët e tjerë të Rilindjes, sot na ofrohet personalisht nga Maxhoranca si kandidat për Kryetar Bashkie”.

Nga ana tjetër Bindja Demokratike kërkon edhe sqarimin sa më të shpejtë nga organet kompetente të pozicionit dhe mundësisë së implikimit në këtë skandal edhe të kandidates së Partisë Socialiste në Durrës, Valbona Sako, duke pasur si qëllim moslejimin e përfshirjes në garën e 30 Qershorit të personave me përgjegjësi të drejtpërdrejtë në kryerjen e krimeve zgjedhore, siç e parashikon edhe ligji i dekriminalizimit. /ABc news Albania 24/7

 

PATOZI-PER-PARTINE-BINDJA-DEMOKRATIKE.mpg_snapshot_00.02-1280x720.jpg
ad min13:15 | 05/06/2019

Partia e regjistruar si subjekti i vetëm zgjedhor përballë socialistëve në Shijak, Bindja Demokratike, ka reaguar pas publikimeve të BILD, përmes një njoftimi për media.

“Qeveria të mbajë duart larg nga zgjedhjet”, shkruan Bindja Demokratike, e cila në Shijak ka kandiduar Arben Pohumin, përballë Elton Arbanës të Partisë Socialiste, i implikuar në përgjimet e publikuara nga gazeta gjermane BILD në skemën e manipulimit elektoral të 2017-s.

Por duket se për Bindjen Demokratike, pavarësisht hijeve të rënda të dyshimit që këto përgjime hedhin mbi mënyrën si do të zhvillohet fushata elektorale për zgjedhjet e 30 Qershorit, gara mbetet ende e vlefshme, ndaj thirrjen ja drejton ndërkombëtarëve për vigjilencë të shtuar dhe për të trajtuar Qarkun Durrës si zonë me risk të lartë manipulimi./abcnews.al

bb.jpg
ad min22:40 | 01/06/2019

Kjo është mënyra që ka zgjedhur të prezantojë Partia Bindja demokratike kandidatët e saj. Nëpërmjet një spoti 5 kandidatë për kryebashkiakë në 5 bashki të rëndësishme të vendit tregojnë ofertën e tyre për zgjedhësit në 30 Qershor.

Arben Skënderi për Bashkinë e Tiranës.

Valbona Sakollari në Bashkinë Durrës.

Leonard Olli në Bashkinë e Korçës.

Shkëlzen Qoka kandidat për Bashkinë Shkodër.

Valbona Mezini për Bashkinë Vlorë.

Për të gjithë kandidatët e Partisë Bindja Demokratike Shqipëria është e para thotë koordinatori i kësaj partie Astrit Patozi icili i kërkon shqiptarëve të bëjnë dallimin mes atyre që kanë qeverisur deri më sot dhe kësaj force të re politike. Nuk do të ketë mitingje acaruese thotë Astrit patozi, por takime me njerëzit për ti dëgjuar e për ti dhënë mundësinë që të votojnë bindjen e tyre të vërtetë./ABC News Albania 24/7

KRONIKE-BIEN-KANDIDATET-BD-DHE-PATOZI.mpg_snapshot_00.46-1280x720.jpg
ent ela15:45 | 21/05/2019

Tre është bilanci i kandidatëve të larguar pas propozimit të tyre për zgjedhjet e 30 qershorit nga Bindja Demokratike. Kjo për koordinatorin e kësaj force politike Astrit Patozi është shprehje e frikës së atyre që quan “të dëshpëruar të sistemit” por që nuk do arrijnë ta ndalin erën e re që po vjen sipas Patozit.

Bindja nuk i zgjati shumë. Një tjetër kandidat për kryetar bashkie i propozuar nga subjekti më i ri politik,Bindja Demokratike, i deklaruar si opozitar ndaj mazhorancës së sotme, është tërhequr nga gara pasi një koleg i tij bëri të njëjtën gjë vetëm një ditë më parë. Bëhet fjalë për Bledar Sinellën, i propozuarin nga Bindja Demokratike për të konkuruar në bashkinë e Kavajës kundër kandidatit socialist Redi Kraja.

Për këtë ka reaguar përmes një statusi në rrjetet sociale edhe koordinatori i kësaj force politike Astrit Patozi, sipas të cilit këto lëvizje vijnë për shkak të sulmit të orkestruar nga ata që quan “ të dëshpëruarit e sistemit”.

“Asnjë peng për ata që u ndanë prej nesh për shkak se u kapën për fyti dhe u lidhën prej këmbësh nga të dëshpëruarit e sistemit, të cilët ndjehen tmerrësisht të kërcënuar nga era e BINDJES DEMOKRATIKE. Kurrë më parë nuk ka ndodhur që një partie politike, ndonëse fare e re, t’i sulmohen, përgjohen dhe merren peng, që nga firmëtarët e deri tek kandidatët e saj për zgjedhjet e 30 qershorit.

Është e pashmbullt kjo që po ndodh, por ajo konfirmon gjithashtu se ne kemi bërë gjënë e duhur në kohën e duhur.

E kanë kot. Sepse nuk na ndalin dot, ndaj edhe janë kaq të acaruar”.

Një ditë më parë, Salvator Kaçaj, i propozuar nga Bindja Demokratike gjithashtu u tërhoq nga kandidimi për kryetar të Bashkisë Lezhë. Në dorëheqjen e tij depozituar pranë Komisionit Qendror të Zgjedhjeve, Kaçaj shkruante se zgjedhjet pa opozitën e vërtetë, Partinë Demokratike, do ishin shkatërrimtare për qytetarët e Lezhës dhe të të gjithë Shqipërisë.

Për pasojë Kaçaj, i cili pritej të garonte përballë Pjerin Ndreut për karrigen e qytetarit të parë të Lezhës, deklaronte tërheqjen si nga kandidimi ashtu edhe nga Bindja Demokratike,  me qëllim bashkimin ndaj kauzës së opozitës për mbrojtjen e demokracisë.

Ditën e  shtunën u tërhoq edhe kandidati për Bashkinë Skrapar, Dejvis Hebibasi, i propozuar nga Bindja Demokratike. /ABC news Albania 24/7

 

MBULIM-TERHIQET-BLEDAR-SINELLA.mpg_snapshot_00.01-1280x720.jpg
ent ela12:01 | 21/05/2019

Një tjetër kandidat i Bindjes Demokratike tërhiqet nga gara për zgjedhjet e 30 qershorit. Behët fjalë për kandidatin për kryetar bashkie në Kavajë, Bledar Sinella. Trajneri i njohur e ka argumentuar tërheqjen me arsyen se nuk mund të ketë zgjedhje pa opozitën.

Një ditë më parë, Salvator Kacaj u tërhoq nga kandidimi për kryetar të Bashkisë Lezhë. Në dorëheqjen për KQZ, Kacaj shkruante se zgjedhjet pa opozitën e vërtetë, Partinë Demokratike, do ishin shkatërrimtare për qytetarët e Lezhës dhe të të gjithë Shqipërisë”.

Për pasojë Kacaj deklaronte tërheqjen nga kandidimi por edhe nga Bindja Demokratike, për t’iu bashkuar kauzës së opozitës për mbrojtjen e demokracisë.

Të shtunën u tërhoq edhe kandidati i kësaj force në Bashkinë Skrapar, Dejvis Hebibasi. /ABC news Albania 24/7

 

astrit-patozi-1-1280x714.jpg
nev ila17:45 | 20/05/2019

Gazetarja Mirela Milori ka ftuar ditën e sotme, në “Mbremje Ide” në Abc News, koordinatorin e partisë “Bindja Demokratike” Z. Astrit Patozi.

Në bisedën e zhvilluar në studio, Patozi është shprehur se “Bindja Demokratike” ka arritur ti plotësojë në kohë të gjithë afatet dhe kërkesat ligjore, për zgjedhjet e 30 qershorit.

Ai gjithashtu është shprehur për dorëheqjen e kandidatit të Lezhës, Salvador Kaçaj, se nuk ka asnjë reagim zyrtar dhe se vetë kandidati, nuk i ka bërë ende me dije asgjë.

Gazetarja Mirela Milori e ka pyetur Patozin se nëse ka patur probleme mes “Bindjes Demokratike” dhe kandidatit Salvador Kaçaj dhe nëse është informuar më parë për këtë reagim të tij, por Patozi e ka mohuar të ketë patur probleme mes tyre.

As e pohoj as e përgënjeshtroj këtë fakt, sepse personi vetë nuk ka ardhur dhe është qesharake që brenda 1 minute të bëhet i ditur kandidimi dhe heqja dorë. Edhe ju vetë nuk keni marrë një reagim personalisht nga Kaçaj për këtë. Gjithsesi, në çdo betejë qëndrojnë ata që kanë këllqe dhe ikin ata qe s’kanë këllqe. Bindja Demokratike do eci përpara dhe ne jemi të vendosur. Pres që kjo gjë të zbardhet dhe të vijë vetë personi të na e bëj të ditur”, u shpreh Patozi./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono