autor

vilsontafciu-1280x720.jpg
So Nila11:21 | 22/01/2020

Policia e Tiranës ka zbardhur ngjarjen e Astirit, ku mbeti i vrarë 28 vjeçari Vilson (Tafçiu) Noka, mbrëmjen e 20 janarit. “Nga provat e grumbulluara rezulton se si pasojë e një konflikti të çastit, shtetasi N. D., alias N. K., alias M.P., 29 vjeç, në orën 20:30 të mbrëmjes së datës 20 janar, në rrugën “Dhaskal Todri”, në Unazën e Re, ka qëlluar disa herë me armë zjarri duke  vrarë shtetasin V. T.”, deklaroi policia.

Sic shihet në njoftimin e policisë, vrasësi mbante tre identitete, por burime të abcnews.al thanë se emri i parë i autorit është Noel Dishi nga Dibra, banues në Sukth. Gjithashtu  mësohet se Dishi ka qenë i njohur me viktimën, ata kanë qenë bashkë në Francë dhe Zvicër. Ende nuk dihet motivi i vrasjes, por sa i përket viktimës, Vilson Noka (Tafciu) bëhet e ditur se ishte deportuar nga Franca pasi ishte kapur me drogë.

Njoftimi policisë:

Strukturat e Drejtorisë Vendore të Policisë Tiranë, nën drejtimin e Prokurorisë së Tiranës, po vijojnë intensivisht punën për zbardhjen dhe dokumentimin me prova ligjore të ngjarjeve të ndodhur në Allias dhe në Astir.

Si rezultat i punës profesionale, reagimit të menjëhershëm të strukturave të Policisë dhe  bërjes së një sërë veprimesh proaktive, grupi i posaçëm hetimor ka mundur të dokumentojë me prova ligjore ngjarjen e ndodhur në orët e mbrëmjes së datës 20 janar 2020 në Astir, ku mbeti i vrarë me armë zjarri 29-vjeçari V. T.

Bazuar në veprimet e kryera dhe  provat e grumbulluara rezulton se si pasojë e një konflikti të çastit, shtetasi N. D., alias N. K., alias M.P., 29 vjeç, në orën 20:30 të mbrëmjes së datës 20 janar, në rrugën “Dhaskal Todri”, në Unazën e Re, ka qëlluar disa herë me armë zjarri duke  vrarë shtetasin V. T.

Policia e Tiranës ka shpallur në kërkim policor 29-vjeçarin dhe gjatë ditës së djeshme dhe mëngjesit të sotëm ka ushtruar një sërë kontrollesh në disa ambiente dhe terrrene, ku dyshohej se mund të fshihej 29-vjecari dhe vijon punën e pandërprerë për kapjen e tij.

Policia e Tiranës garanton qytetarët se është tërësisht e angazhuar për të parandaluar, evidentuar dhe goditur paligjshmërinë, si dhe fton qytetarët për të bashkëpunuar më tej, në drejtim të krijimit të një ambienti sa më të sigurt./abcnews.al

zykaj.jpg
ad min15:05 | 16/04/2019

Gjykata e Vlorës shtyu gjyqin ndaj Ritvan Zykajt, i cili akuzohet për masakrën e Selenicës me tetë të vrarë. Siç është paralajmëruar, në sallë u paraqit vetëm një dëshmitar, i cili kërkoi të mos e thërrisnin më. Dëshmitarë të tjerë janë larguar jashtë vendit.

Shërbimi në qelitë e izolimit të Policisë së Vlorës ishte kujdesur që Ritvani i tetë të vrarëve, të kishte pamje normale. Flokë të qethura dhe modeluara, me bluzë të re me motive, Zykaj u shfaq me tjetër portret nga ai i ditës, kur bëri masakrën në Selenicë.

Brenda kafazit në sallën e gjykatës, ai foli për herë të parë. Ishte momenti kur avokati i shtetit Migjen Xhavara hoqi dore nga dosja. Por ai u zëvendësua nga avokati Klajdi Meçe. Seanca ndaj Ritvan Zykajt gjithsesi u shtye. Por për shkak se dëshmitarët munguan. Neë sallë ishte vetëm fqinji i tij i tokave, i cili kërkoi të mos e thërrisnin më në gjykatë.

Siç ishte paralajmëruar, ata që kanë parë masakrën nuk u shkuan në gjykatë. Disa nga ata janë larguar nga Shqipëria vetëm pak ditë pas masakrës.  Trupi gjykues, Ervin Trashi, Skender Haluci dhe Laurent Fuçia në dakordësi me prokurorin e çështjes Saimir Smaka vendosi që seanca tjetër do të zhvillohet në 7 Maj./abcnews.al

nard-polia.png
ad min13:52 | 25/03/2019

Pesë ditë pas ekzekutimit mafioz të Ferdinand Polia, policia në bashkëpunim me Prokurorinë e Shkodrës ka identifikuar autorin e krimit dhe bashkëpunëtoret e tij. Falë kamerave të sigurisë pranë zonës ku ndodhi vrasja është zbuluar rruga e ndjekur nga atentatori dhe mjeti që është përdorur për t’u larguar pas ekzekutimit të 32-vjeçarit. Dyshohet se autori i dyshuar i vrasjes është larguar nga Shqipëria.

 

Kamerat e sigurisë tek ura e Mesit dhe bizneseve të zonës së Hotit të Ri kanë identifikuar mjetin me të cilin ka lëvizur autori dhe bashkëpunëtorët e atentatit ndaj Ferdinand Polia. Ekzekutimi mafioz ndodhi 5 ditë më parë në fshatin Grudë e Re në Shkodër. Policia ka shpallur në kërkim autorin e krimit, i cili është një 27-vjeçar me inicialet K.S.

Atentatori pasi ka vrarë 32-vjeçarin që njihej si Nardi i Bujtinave është larguar me motoçikletë në drejtim të zonës së Postribës. Nga kamerat është filmuar rruga që ka përshkruar, momentin kur autori djeg motorin dhe largohet me një mjet, i ndihmuar nga bashkëpunëtorët e tij.

Mësohet nga burime të ABC News se personi i dyshuar për vrasjen mendohet se është larguar nga Shqipëria sapo ka kryer krimin. Ndërsa personat e arrestuar janë Gilbert Toma, 26 vjeç, Kleandro Toma, 29 vjeç dhe Alfred Martini, 20 vjeç, të tre me banim në Shkodër.

Pas hetimeve të kryera nën drejtimin e Prokurorisë Shkodër rezulton  se të ndaluarit kanë mbështetur me logjistikë dhe armatim, ndjekur, strehuar, organizuar dhe kryer në bashkëpunim këtë vrasje.

Policia ka sekuestruar automjetin e përdorur nga autorët për ndjekjen e viktimës, dhe largimin bashkë me atentatorin. Gjatë këtij operacioni janë sekuestruar 7 telefona, 17 fishekë të kalibrave të ndryshëm, targa të ndryshme automjetesh shqiptare dhe të huaja dhe dokumente të ndryshme. Ndërsa po punohet për zbardhjen e motivit që ka sjellë më pas ekzekutimin e 32-vjeçarit Ferdinand Polia./abcnews.al

100701285_skripal_comp-1.jpg
ad min13:15 | 09/10/2018

Një media britanike ka zbuluar idenditetin e vërtetë të personit të dytë, të akuzuar se ka kryer sulmin me agjent nervor, ndaj ish spiunit rus Sergej Skripal. Ai është një doktor, i cili punon për inteligjencën ushtarake të Kremlinit.

Emri I të dyshuarit të dytë të rastit në Salisbury ku ish spiuni rus Sergej Skripal dhe e bija Julia u helmuan me agjent nervor Novichok, është Aleksandër Mishkin. Kjo bëhet e ditur nga BBC që citon uebsajtin investigativ “Bellingcat”.

Raportohet se personi në fjalë ka udhëtuar me emrin e rremë Aleksandër Petrov dhe në të vërtetë është një doctor ushtarak, i cili punon për Inteligjencën Ushtarake Ruse, GRU. Muajin e kaluar, “Bellingcat” zbuloi idenditetin e vërtetë të dyshuarit të parë Anatolju Çepiga. Megjithatë këto pretendime janë mohuar nga Rusia.

Ish spiuni Skripal dhe e bija u helmuan në muajin mars të këtij viti. Uebsajti investigativ britanik ka idendifikuar dy autorët e dyshuar duke përdorur dëshmi nga të njohurit e tyre dhe ka skanuar kopje të letrave të identifikimit.

Thuhet se pasaporta e vërtetë dhe ajo false, me të cilën udhëtoi për në Mbretërinë e Bashkuar me emrin Aleksandër Petrov, mbanin të njëjtën datë lindjeje.

“Bellingcat” pretendon se ai është rekrutuar nga inteligjenca ruse ndërsa po përfundonte studimet për mjekësi. Ai ka zhvilluar udhëtime të ndryshme në Ukrainë, përfshirë periudhën e trazirave në 2013. Autoritetet britanike nuk kanë komentuar zbulimin e agjencisë investigative.

Sergej Skripal, i cili i ka shitur sekrete inteligjencës britanike, dhe e bija e tij i mbijetuan helmimit me noviçok me 4 Mars. Vetë, personat e akuzuar zyrtarisht nga shteti britanik, në një intervistë për Russia Today konfirmuan vizitën në Salisbury në datën e sulmit, por mohuan çdo përfshirje./abcnews.al

vloraaa-1280x663.jpg
ad min14:32 | 20/03/2018

Gjykata e Vlorës la në burg autorin e vrasjes së bariut. Për 40-vjecarin Dilaver Veshaj u caktua masa e sigurisë “arrest me burg” , e njëjta masë sigurie që kishte kërkuar dhe prokuroria.

Ngjarja ka ndodhur të shtunën e shkuar në Gumenicë të Vlorës. Viktima Arben Veshaj, 37 vjeç, ishte kushëri me autorin Dilaver Veshaj dhe të dy merreshin me ruajtjen dhe kullotjen e bagëtive.

Trupi i 37-vjeçarit u gjet i pajetë 500 larg banesës dhe ishte qëlluar fillimisht me pistoletë dhe më pas me sëpatë.

Autori tentoi të fshihej, por ai u kap shumë shpejt nga policia. Momentet e para të arrestimit, ai tha se “e vrava pasi donte të më vriste” .

Shkak i sherrit mes tyre, sipas organit të akuzës, u bë një vijë uji që kalonte pranë pronave të tyre në vendin, ku mbanin bagëtitë./abcnews.al

michigan-1.jpg
ad min22:51 | 02/03/2018

Policia në shtetin amerikan të Miçiganit vazhdon kërkimet për studentin që hapi zjarr në kampusin e universitetit, duke lënë të vrarë dy persona. Autoritetet amerikane kanë identifikuar autorin, 19-vjeçarin me ngjyrë James Eric Davis Jr dhe viktimat, që kanë rezultuar të kenë qenë prindërit e tij. Ndaj, sipas hetuesve, dyshohet që sulmi me armë të ketë pasur në sfond një çështje familjare. 19-vjeçari i qëlloi prindërit e tij në katin e katërt të godinës dhe më pas arriti të largohej. Ai ishte veshur me një triko blu, që më pas u gjet e braktisur nga agjentët. I cilësuar person me rrezikshmëri të lartë, për kapjen e Devis Junior janë angazhuar edhe agjentë federalë. Ndërkohë, disa orë pas ngjarjes kampusi universitar është shpallur zonë e sigurtë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono