Sondazh

Dështimi i protestës:

Shiko rezultatet

Loading ... Loading ...
 

Socialistët ‘ndezin motorët’ për Tiranën/ Rama mbledh sot Asamblenë e PS

schedule08:37 - 21 Nëntor, 2026

schedule 08:37 - 21 Nëntor, 2026

Kryeministri Edi Rama mbledh sot Asamblenë e Partisë Socialiste të Tiranës, në një kohë kur partitë politike kanë nisur përgatitjet për zgjedhjet vendore të vitit 2027. Në fokus të takimit pritet të jetë organizimi i strukturave socialiste në kryeqytet dhe angazhimi i tyre për garën e ardhshme elektorale.

Mbledhja zhvillohet në kuadër të përgatitjeve që partitë politike duhet të bëjnë për zgjedhjet për pushtetin vendor, ku një prej proceseve kryesore mbetet mobilizimi i strukturave dhe përzgjedhja e kandidatëve për drejtimin e bashkive.

Për Partinë Socialiste, Tirana përbën një nga sfidat kryesore të zgjedhjeve të ardhshme, për shkak të peshës elektorale dhe politike që ka drejtimi i bashkisë më të madhe në vend.



Një nga çështjet që mbetet ende e paqartë është emri i kandidatit që socialistët do të propozojnë për Bashkinë e Tiranës. Deri më tani nuk ka një kandidaturë të konfirmuar zyrtarisht, ndërsa mbetet për t’u parë nëse Rama do të japë ndonjë sinjal gjatë mbledhjes së Asamblesë.

Takimi vjen një ditë pas mbledhjes së zhvilluar nga kryeministri me ministrat dhe drejtuesit politikë të qarqeve, ku në fokus ishin përgatitjet për zgjedhjet vendore të 9 majit 2027, si dhe forcimi i komunikimit të socialistëve me qytetarët.

Mos rri jashtë: bashkohu me ABC News. Ne jemi kudo!