ambasadorja amerikane

meta-yuri-kim-1280x668.jpg
nev ila19:05 | 02/03/2020

Ambasadorja Amerikane në Shqipëri, Yuri Kim ka reaguar menjëherë pas manifestimit të presidentit Ilir Meta në sheshin “Dëshmorët e Kombit”.

Me anë të një statusi në profilin e saj personal në Twitter, Kim ka sqaruar se ambasada nuk ka asnjë lidhje me manifestimin dhe se ishte surprizuar që kishte parë flamurin amerikan.

“U befasova kur pashë flamurin amerikan në “manifestimin” e sonte. Për të shmangur çdo konfuzion, dëshirojmë të sqarojmë se ndërsa SHBA mbështesin të drejtën e protestës paqësore, ne nuk kemi asnjë lidhje me “manifestimin”, shkruan Kim. /abcnews.al

yuri-kim-ambasadorja-1280x744.jpg
nev ila17:34 | 27/01/2020

Entuziazmin për të marrë detyrën e re si ambasadore e SHBA-së në Tiranë, Yuri Kim nuk i’a ndalën reshjet e shiut.

Pasi i dorëzoi letrat kredenciale, Presidentit të Republikës, Ilir Meta, diplomatja amerikane foli objektivat e saj në Tiranë, ku njësoj si paardhësi i saj Donald Lu fokusi do të jetë te drejtësia.

“Jam besimplotë teksa drejtësia dhe integriteti të hedhin rrënjë në Shqipëri, më shumë investitorë do të tërhiqen në Shqipëri, në mënyrë që të krijohen më shumë vende pune dhe mundësi”.

Besimin për bashkëpunim e shprehu edhe te liderët politikë.

“Pres me kënaqësi të punoj me udhëheqësit e Shqipërisë ndërsa ata ndërmarrin hapa të vështirë por absolutisht të nevojshëm për të zbatuar reformën  në drejtësi, për të ndjekur penalisht krimin e organizuar dhe për të larguar korrupsionin nga sistemi shqiptar”.

Në një retrospektivë të shkurtër solli në vemendje ndihmën dhe bashkëpunimin që nga koha kur SHBA dha ndihmën për ekzistencën e Shqipërisë si shetet dhe e vijoi me marrëdhëniet e ngrira gjatë komunizmit, kohë kur komunikimi bëhej përmes zërit të amerikës.

Dhe për të treguar se mbështetja për Shqipërinë do të jetë e fortë, Kim i foli shqiptarëve në gjuhën e tyre.

“Ne jemi me ju krah për krah”.

Nga qershori i 2019, pas largimit të Donald Lu, SHBA ngeli e papërfaqsuar në nivel ambasadori në Shqipëri ndërkohë që qëndrimet e saj i shprehu përmes të ngarkuarës me punë Lejla Moses Ones./abcnews.al

 

yuri-Kim-ambasadioire.png
nev ila16:06 | 21/11/2019

Komisioni i Senatit për Marrëdhënie me Jashtë miratoi të mërkurën emërimin e diplomates Yuri Kim për postin e ambasadores së Shteteve të Bashkuara në Shqipëri.

Për t’u bërë zyrtar, emërimi i saj duhet të miratohet nga Senati. Komisioni votoi për 15 emërime, përfshirë për të emëruarin për postin e Ambasadorit amerikan në Rusi, John Sullivan.

Zonja Kim, ishte emëruar nga Presidenti Donald Trump në qershor të këtij viti

Në një seancë para Komisionit të Jashtëm të Senatit për konfirmimin e saj në fund të tetorit, ajo tha se do të nxiste udhëheqësit e vendit për të zgjidhur ngërçin aktual politik në mënyrë që të forcohet perspektiva e hapjes së negociatave të anëtarësimit në BE.

Zonja Kim shtoi se do të inkurajonte gjithashtu Shqipërinë të zbatonte plotësisht reformat në drejtësi, përfshirë kontrollin e figurës së gjyqtarëve dhe prokurorëve dhe krijimin e strukturave të posaçme për luftën kundër korrupsionit dhe krimit të organizuar.

Ajo tha se sheh si përparësi edhe ndihmën teknike për Shqipërinë në hetimin, ndjekjen dhe ndëshkimin e korrupsionit dhe krimit të organizuar ndërnacional.

Zonja Kim tha gjithashtu se do të inkurajonte Shqipërinë për të arritur nivelin 2 përqind në shpenzimet e mbrojtjes deri në vitin 2024.

Zonja Kim tha se nëse konfirmohet, do të punonte gjithashtu për të nxitur eksportet dhe investimet amerikane në Shqipëri.

Nëse konfirmohet, Yuri Kim do të ishte gruaja e parë koreano-amerikane që përfaqëson SHBA në postin e një ambasadori, do të ishte gjithashtu personi i parë nga territori amerikan i Guamit që shërben në një post të tillë.

KARRIERA DIPLOMATIKE

Yuri Kim është anëtare në stafin e lartë të Shërbimit të Huaj dhe ka shërbyer në Departamentin e Shtetit si Drejtore e Zyrës së Çështjeve të Evropës Jugore.

Më herët, ajo ka qenë drejtoreshë e Qendrës së Departamentit të Shtetit për Studimin e Diplomacisë, Shefe e Stafit për Zëvendëssekretarin e Shtetit dhe Drejtore e Zyrës për Sigurinë Evropiane dhe Çështjeve Politiko-Ushtarake.

Ajo ka qenë gjithashtu Asistente Speciale e Ndihmës Sekretarit të Shtetit për Çështjet e Azisë Lindore dhe Paqësorit dhe anëtare e delegacionit të Shteteve të Bashkuara në bisedimet gjashtëpalëshe për t’i dhënë fund programit bërthamor të Koresë së Veriut.

Zonja Kim ka shërbyer si Këshilltare Politike në Ambasadën e Shteteve të Bashkuara në Bagdad dhe në Ankara.

Ajo ka lindur në Kore dhe është rritur në ishullin Guam, një territor i SHBA në Oqeanin Paqësor.

Yuri-Kim.jpg
nev ila12:33 | 23/10/2019

E nominuara e Trump për ambasadore në Shqipëri, Yuri Kim do të përballet me Senatin Amerikan më 29 tetor 2019.

Seanca dëgjimore në komisionin për Çështjet e Jashtme do të zhvillohet për të shyrtuar emërimin si ambasadore në Shqipëri të Yuri Kim.

Zyrtarja e lartë e Departamentit Amerikan të Shtetit, Yuri Kim është propozuar nga presidenti Donald Trump në Senat për kredencialet si ambasadore e Shteteve të Bashkuara të Amerikës në Shqipëri në 17 korrik të këtij viti.

Yuri Kim ka lindur në Korenë e Jugut dhe është rritur në Guam, pjesë e ishullit të Mikronezisë, në Paqësorin Perëndimor.

Kim ka një karrierë të gjatë në diplomacinë amerikane dhe ka qenë pjesë e stafit të disa presidentëve amerikanë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono