Fushë-Kruja është tronditur gjatë natës nga dy shpërthime me tritol të cilat ndodhën në të njëjtën kohë. Eksplozivi ishte vendosur në makinen e një polici të burgut të Zaharisë në Krujë dhe në një mobileri në fshatin Nikël. Nga shpërthimi janë shkaktuar vetëm dëme materiale.
Nje sasi tritoli ka shperthyer në garazhin ku ndodhej makina e një polici në Fushë-Krujë. Fatmirësisht nuk pati të lënduar, por vetëm dëme materiale.
Ngjarja ndodhi rreth ores 23:30. Shpërthimi alarmoi edhe banorët e zonës. Mjeti është në pronesi të Përparim Çengës.
Kjo është hera e dytë që i vendoset tritol makinës së tij. Ai ka punuar për disa vite si efektiv në komisariatin e Krujës dhe aktualisht ushtron detyrën si polic në burgun e Zaharisë. Një pistë që po hetohet është për shkak të detyrës./abcnews.al
