Është koha e krasitjes! Këtë periudhë të dimrit, fermerët përveç punëve të tjera në fshat, merren edhe me përgatitjen e pemëve për stinën e pranverës.
Jemin Mema nga Prizreni pothuajse çdo fillim shkurti kalon kufirin dhe shkon në Kukës. Atje është punësuar nga të njohur për krasitjen e pemëve, zanat që e ushtron prej më shumë se 25 vitesh.
Thotë se krasitjen nuk mund ta bëje gjithkush. Duhet që pemët jo vetëm t`i njohësh, por edhe t`i duash. Vite më pare tregon se ka patur një pemtore me afro 200 rrënjë molle. Njerëzit po i rikthehen tokës. Jemini thotë se interesi për të mbjellë pemë frutore apo për të ngritur vreshta është rritur në fshat.
Në Kukës, klima favorizon më së tepërmi rritjen e mollëve, arrave e rrushit. Por pavarësisht se natyra është bujare, Jemini thotë se institucionet duhet të bëjnë më shumë për bujqësinë dhe fermerët.
/abcnews.al/
