Kylian Mbappe është e tashmja dhe e ardhmja e futbollit. Ylli i PSG-së është ende i ri, por ka fituar tituj me Monacon dhe PSG, teksa u shpall kampion bote si protagonist me Francën e tij.
Në prononcimin e dhënë për Gazzetta dello Sport, sulmuesi 21-vjeçar tregon edhe lojtarin që i ka bërë më shumë përshtypje nga të gjithë dhe ai është një italian.
“Verratti është një fenomen dhe kjo është e dukshme nga të gjithë. Është lojtari që më ka impresionuar më shumë që prej momentit që erdha te PSG. Marco është shumë i fortë, është fat i madh që e kemi në skuadër. Ndihem krenar që luaj në një ekip me të“, thekson Kylian Mbappe. /abcnews.al
