Presidenti turk, Rexhep Tajip Erdogan deklaroi se Turqia ka treguar mbështetjen për Palestinën, e cila po përballet me shtypjen izraelite, duke i dërguar popullit palestinez mbi 45 mijë ton ndihma humanitare.
“Turqia ka treguar se ne qëndrojmë pranë popullit palestinez në këto momente të vështira me materialin e ndihmës që kemi dërguar në rajon, duke i kaluar 45 mijë tonë në total”, tha presidenti Erdogan, shkruan Anadoly Agency.
“Ne do të vazhdojmë mbështetjen tonë për vëllezërit dhe motrat tona palestineze derisa gjakderdhja në Gaza të ndalet dhe ata të jetojnë në një Palestinë të lirë, me Kudsin Lindor si kryeqytet, në bazë të kufijve të vitit 1967”.
Erdogan gjithashtu kritikoi Izraelin për agresionin e tij kundër Rripit të Gazës, që ka qenë nën bllokadë të paligjshme izraelite për 17 vjet, duke vrarë dhjetëra mijëra njerëz, shumica prej tyre gra dhe fëmijë./abcnews.al
