VLORË- Dy persona kanë mbetur të plagosur me armë zjarri në qytetin e Vlorës mbrëmjen e së mërkurës.
Paraprakisht raportohet se janë plagosur Kevin Hajrulla, rreth 30 vjeç dhe Armand Spahiu rreth 35 vjeç. Ky i fundit dyshohet se nuk ka qenë shënjestër e atentatit, por ka mbetur i plagosur aksidentalisht. Ai punonte në një dyqan me fruta perime në këtë zonë.
Gazetari i ABC News, Elton Nika, raporton se autori/autorët kanë qëlluar në drejtim të automjetit tip “Benz” në të cilën ndodhej 30-vjeçari Hajrulla.
Sakaq, ngjarja ka ndodhur në lagjen “24 maji” të qytetit të Vlorës.
Policia dhe grupi hetimor kanë rrethuar zonën dhe po punojnë për zbardhjen e rrethanave të krimit/abcnews.al
