SHKODËR– Një 20-vjeçar i identifikuar si Pavlin Preka është gjetur i ekzekutuar me armë zjarri në fshatin Guci e Re, në Shkodër, mesditën e kësaj të enjteje.
Xhaxhai i të riut, Prek Preka ka folur për mediat për ngjarjen e rëndë. Ai thotë se nipi nuk ka pasur probleme me komunitetin, ndërsa tregoi se merrej me bagëti dhe punonte tokën në fshatin Dukagjin.
“Është djali i vëllait, nipi. Lajmin e kam marrë vesh para 20 minutash. Kam marrë fjalën se e kanë ther te shtëpia në Guci. Sa u bëra gati kam ardhur dhe nuk e di më gjatë. Nuk di të ketë pasur probleme.
Ai ka jetuar me babanë dhe vëllanë në Dukagjin, shumicën e kohës. Ka qëndruar herë në Dukagjin dhe herë këtu.
Në Dukagjin, punonte tokën dhe mbante bagëti. Ka ngrenë bukë me sforcim.
Policia e di vetë, s’ka nevojë t’i bëj apel. Shtetit merr masat e veta”, tha ai/ abcnews.al
