Më pak se një orë i duhej Komisionit Parlamentar të Ekonomisë që të rrëzonin dy dekretet e presidentit të republikës. Atë për kthimin e buxhetit dhe emërimin e kandidates Vitore Tusha në krye të Kontrollollit të Lartë të Shtetit.
Për të argumetuar rrëzimin e buxheti ishte ftuar edhe Ministri i Fnancave dhe ekonomisë Arben Ahmetaj.
Arben Ahmetaj, minister i Financave dhe Ekonomisë: “Presidenti është mundur që të ketë një kontribut duke kthyer buxhetin. Besoj që një kontribut më i madh sesa të kthehesh buxhetin, që është i furnizuar me të gjitha shumat për arsimin e lartë, do të ishte që të kërkonte edhe ai dialog mes studentëve dhe qeverisë”.
Sa për buxhetin ai i përfshin edhe kërkesat e studentëve është përgjigja që i jep ministri i financave dhe ekonomisë deputetëve të partisë së tij.
Pro rrëzimit të dekretit të presidentit është edhe kryetari i komisionit të ekonomisë Erjon Braçe, por zëri kritik brenda tij nuk e lë pa ngritur pikpyetjet se ku do të shkojnë paratë e buxhetit për arsimin e lartë.
Me këto arsyetime deputetët e mazhorancës rrëzuan dekretin e presidentit të republikës që kërkoi rikthimin e buxhetit me qëllim që shumica në parlament të plotësojë kërkesat e studentëve që protestojnë prej dy javësh.
Rrëzimi i dekretit për emërimin në krye të kontrollit të lartë të shtetit të kandidates Vitore Tusha i mori vetëm 10 minuta punës së komisionit të ekonomisë. Është shumë e kualifikuar për detyra të tjera por ka mangësi në atë të drejtimit të KLSH-së –tha kryetari Erjon Braçe. Në seancën parlamentare të së enjtes pritet të ngrihen edhe kartonat jeshilë të deputetëve socialistë kundër dy dekreteve të kreut të shtetit Ilir Meta./abcnews.al
