ISHP konfirmon se gjatë 24 orëvë të fundit janë konstatuar 4 raste të reja me koronavirus duke e çuar në 872 numrin total të të prekurve. Ky i sotmi është numri më i vogël i të prekurve që prej 8 javëve të fundit duke shënuar kështu një rekord.
Gjithashtu gjatë 24 orëve të fundit janë shëruar 4 persona duke e çuar në 654 numrin e të shëruarve, ndërsa 187 persona mbetën të infektuar aktivë.
Gjatë ditëve të fundit është rritur ndjeshëm numri i të shëruarve, ndërsa qeveria ka lehtësuar masat duke lejuar më shumë lëvizje dhe rihapjen e mjaft bizneseve. Ekspertët presin një rritje tjetër të numrit për shkak të lehtësirave, por efektet e këtij vendimi pritet të shihen në ditët në vijim.
Aktualisht në dy spitalet COVID janë të shtruar 28 pacientë dhe vetëm 3 prej tyre janë në terapi intensive. Prej më shumë se 10 ditësh nuk kemi asnjë humbje jete. Me pak se 15% e te prekurve aktivë po marrin trajtim në spitalet Covid, pjesa tjetër ndiqet nga mjeku i familjes.
https://www.facebook.com/OgertaManastirliu/videos/178530983378865/
STATISTIKA
Testime totale 11089
Testime molekulare 10559
Testime serologjike 530
Raste pozitive 872
Raste të shëruara 654
Raste Aktive 187
Humbje jete 31 (Qarku Tiranë 18, Durrës 6, Fier 3, Vlorë 1, Shkodër 2, Kukës 1)
Shpërndarja gjeografike e rasteve aktive është si vijon:
Tiranë 87
Krujë 56
Shkodër 17
Kamëz 12
Fier 5
Kurbin 3
Elbasan 3
Mirditë 1
Berat 1
Durrës 1
Korçë 1. /abcnews.al
