Loading ...
Kapet autori i vrasjes së 55 vjeçarit në Shkodër. Lazer Pjetrushi (Arraj) u gjet i vdekur me armë zjarri një ditë më parë në fshatin Palaj të rrethit Shkodër.
I arrestuari si i dyshuar për vrasjen e Arrajt është djali i xhaxhait të tij, ndërsa policia ka shoqëruar babain dhe vëllain e tij.
Sipas raportimit gazetarit të ABC News Simon Shkreli, ende nuk është bërë me dije identiteti i autorit, por mësohet se ai nuk është banor i fshatit Palaj, gjë e cila ka lehtësuar punën e policisë për identifikimin e tij, pasi ky person është parë të lëvizë në zonën ku u gjet i vdekur viktima.
Lazër Pjetrushi (Arraj) ishte kthyer në fshatin e tij të origjinës për të marrë zahiretë e dimrit, por u gjet i vrarë në rrugë. Ishin nipërit e Arrajt, të cilët e gjetën atë pa jetë./abcnews.al
