Vijon të ketë shtrime të reja në spitalin infektiv dhe situata paraqitet shumë serioze. Kështu ka njoftuar Ministria e Shëndetësisë në raportimin e sotëm ditor. Aktualisht njoftohet se tek Infektivi janë të shtruar 90 pacientë, 10 prej tyre janë në terapi intensive, 5 janë të intubuar, në gjendje të rëndë.
Po ashtu, brenda 24 orëve të fundit, në vendin tonë e kanë humbur betejën me Covid-19 dy persona. Si pasojë e koronavirusit ka ndërruar jetë një 64-vjeçare nga Shkodra dhe një paciente 63-vjeçare nga Elbasani.
Lexo edhe: 2 të vdekur dhe 96 të prekur: Situata shumë kritike tek Infektivi
Brenda ditës janë regjistruar edhe 96 raste të reja me Covid-19, ndërsa në total numri i të infektuarve rritet në 3667.
Shpërndarja gjeografike e rasteve është si vijon: 51 raste në Tiranë, 6 në Shkodër, 5 në Durrës, nga 4 raste në Elbasan, Pogradec, nga 3 raste në Krujë, Kukës, nga 2 raste në Fier, Lezhë, Kavajë, Kamëz, Dibër, dhe nga 1 rast në Kurbin, Korçë, Devoll, Has, Lushnje, Mat, Përmet, Sarandë, Prrenjas, Bulqizë.
Në vendin tonë aktualisht janë 1508 persona aktivë me COVID-19, kryesisht në Tiranë, Shkodër, Krujë, Durrës.
COVID-19 – Statistika-14 Korrik 2020
Testime totale 33389
Raste pozitive 3667
Raste të shëruara 2062
Raste Aktive 1508
Humbje jete 97 (Qarku Tiranë 49, Shkodër 17, Durrës 15, Fier 5, Elbasan 5, Vlorë 2, Kukës 1, Lezhë 1, Berat 1, Dibër 1)
Shpërndarja gjeografike e rasteve aktive sipas qarqeve:
Tiranë 672
Durrës 219
Shkodër 190
Vlorë 97
Lezhë 77
Kukës 51
Korçë 46
Berat 40
Elbasan 39
Fier 6
Gjirokastër 22
Dibër 19 /abcnews.al/
