Një ngjarje e rëndë ka ndodhur paraditen e sotme në zonën e njohur si “Kthesa e Murrashit” në aksin Elbasan-Librazhd ku kanë humbur jetën tre persona.
Fillimisht u nxorën trupat e dy prej viktimave të cilët mbetën të bllokuar në mjet, ndërsa trupi i tretë u gjet pas disa minutash kërkim pasi u rrëmbye nga rryma në momentin e ndërhyrjes së ekskavatorit.
Lexo edhe: Makina me goma përpjetë përfundoi në Shkumbin, pamjet e rënda nga aksidenti te “Kthesa e Murrashit”
Automjeti ku ndodheshin shoferi dhe 4 pasagjerë është përplasur me një tjetër makinë, dhe për pasojë drejtuesi ka humbur kontrollin duke përfunduar në lumin Shkumbin.
Burime bëjnë me dije për gazetarin e ABC Aldo Kozarja se dy fëmijë që ndodheshin në makinë janë nxjerrë të gjallë. Në vendin e ngjarjes kanë mbërritur edhe familjarët e tyre.
Lexo edhe: Tre të vdekur, makina u përplas me “Ford-in” pastaj ra në Shkumbin
/abcnews.al
