Loading ...Një aksident i rëndë automobilistik me pasojë vdekjen e një 39-vjeçareje ka ndodhur mëngjesin e të dielës në kryqëzimin që lidh fshatin Varibop me autostradën Levan-Tepelenë.
Një autoveturë tip “Kia” që drejtohej nga 39 vjeçarja Nertila Abazaj ka dalë nga rruga e fshatit për të hyrë në autostradë. Në këtë moment është përplasur nga një furgon që po qarkullonte në këtë segment rrugor.
Si pasojë e goditjes së fortë, 39-vjeçarja ka humbur jetën në vendngjarje ndërsa drejtuesi i furgonit dhe pasagjeri që udhëtonte me të u dërguan në spitalin e Fierit për të marrë ndihmë mjekësore. Policia thotë se ndodhen jashtë rrezikut për jetën.
Grupi hetimor po punon për të sqaruar plotësisht shkaqet e aksidentit.
Ndërkohë për të normalizuar lëvizjen e automjeteve në këtë rrugë, në vendngjarje shkoi dhe patrrulla e qarkullimit rrugor.
