E ardhmja e Salah, Liverpool duhet të marrë vendimin e vështirë

schedule20:20 - 2 Prill, 2021

schedule 20:20 - 2 Prill, 2021

Liverpool është para një vendimi të vështirë në këtë merkato që po afrohet. Klubi anglez do të duhet të vendosë nëse do ta mbajë apo jo në ekip Mohamed Salah, i cili e ka deklaruar se kërkon të provojë një aventure të re.

Madje sipas raportimit të “ESPN”, dëshira e sulmuesit është kalimi në La Liga, ku Real Madrid dhe Barcelona janë të gatshme t’a afrojnë egjiptianin në gjirin e tyre. Kujtojmë që Mohamed është në sezonin e tij të katërt me “The Reds” si dhe i kanë mbetur dhe dy vite të tjera kontratë.

Ndoshta kjo mund të jetë dhe koha e duhur për t’u larguar nga Liverpool për Salah, pasi të besuarit e Jurgen Klopp rrezikojnë seriozisht pjesëmarrjen në Champions sezonin e ardhshëm. Momentalisht, ata ndodhen në vendin e shtatë me 46 pikë, pesë më pak se Chelsea i vendit të katërt si dhe kanë një “finale” me Arsenalin ditën e nesërme. /abcnews.al