Loading ...
Një vajzë shtatë muajshe ka një gjendje të rrallë gjenetike, që do të thote se fle vetëm katër orë në ditë, kurrë nuk qan dhe pothuajse gjithmonë është e qeshur. Fiadh Baird lindi tre javë më herët në Prill të këtij viti dhe si shumica e foshnjave të lindura para kohe, ajo vetëm flinte derisa u zgjua dhe filloi të qante pa pushim për 24 orë.
Nëna e saj Galatea Young tha se Fiadh pushoi së qari kur i dhanë ilaçe për dhimbje barku. Por kur e qara u zëvendësua me buzëqeshje, nëna 28-vjeçare ndjeu se diçka nuk ishte në rregull. “Ajo nuk flinte mes orës 22:00 dhe 6 të mëngjesit, por ajo kurrë nuk qante, vetëm buzëqeshte.“, tha ajo për Daily Mail.
Pas një kërkimi në internet, ajo mori informacione mbi sindromën Angelman, një çrregullim neurologjik që prek një në 15.000 njerëz. Ajo zbuloi se simptomat e fëmijëve që prekeshin nga ky çrregullim përfshinin buzëqeshje të shpeshta, dhimbje barku, vështirësi në gëlltitje dhe pothuajse nuk qajnë kurrë. /abcnews.al
