Duka pret fjalën e kryeministrit për miratimin e ligjeve të sportit

schedule20:31 - 19 Gusht, 2019

schedule 20:31 - 19 Gusht, 2019

Kreu i Federatës Shqiptare të Futbollit, Armand Duka shprehet optimist për një sezon me shumë rivalitet. Ndërkaq, mbetet në pritje të kryeministrit Rama për premtimin e dhënë në fund të korrikut.

Finalja e Superkupës, e ka ngrohur jo pak presidenti e FSHF-së, për pritshmëritë e sezonit që sapo ka nisur. Adrenalina dhe golat e finales së Superkupës i kanë shtuar një besim shumë të madh për një kampionat shumë kompetitiv, jo vetëm me Partizanin e Kukësin, por edhe me 8 të tjerat. Për mikrofonin e RTSH, Presidenti Duka shpreh pritshmëri të larta sezonale.

E ndërkaq, mbetet në pritje të premtimit publik të Kryeministrit Rama në lidhje me kalimin në parlament të paketës së Ligjeve për sportin, përfshirë Ligjin e Sponsorizimit.

Shtatori thuajse erdhi dhe Duka së bashku me komunitetin sportive presin fjalën e Ramës të miratojë ligjet. Dhe në aspektin institucional, për efekt të vetë Dukës në mes, por edhe aspektit sensitiv për sportin, këto ligje mund të jenë të vetmet të cilat Presidenti i Republikës mund ti dekretojë menjëherë pa i kthyer sërish në Parlament./ABC News Albania 24/7