Drita me hap kampioneje, Prishtina rikthehet te triumfi

schedule15:40 - 4 Nëntor, 2020

schedule 15:40 - 4 Nëntor, 2020

Pas tre humbjesh radhazi dhe rrezikut të shkarkimit të trajnerit, Prishtina më në fund është rikthyer të triumfi. Kryeqytetasit fituan në shtëpi ndaj Arbërisë me shifrat minimale 1-0.

Golin për skuadrën e Zekirija Ramadanit e shënoi ish-kuksiani, Enis Gavazaj me penallti. Ndërkohë Drenica dhe Besa e Pejës nuk shkuan më shumë se barazimi pa gola.

Asnjëra nga skuadrat nuk mundi të gjejë rrjetën dhe ndanë nga një pikë, që nuk i ndihmon për të synuar ngjitje në renditje. Drita vazhdon të ecë me hapin e kampiones në fuqi.

Gjilanasit triumfuan ndaj skuadrës së Trepça 89′. Goli i Shabanit pas çerek ore lojë vendosi fitoren e skuadrës kampione, që vazhdon të ushtrojë presion ndaj Ballkanit të vendit të parë. /abcnews.al

IPKO Superliga e Kosovës , Java 11

Trepça 89′-Drita 0-1
Shënues: Shabani 15′

Prishtina-Arbëria 1-0
Shënues: Gavazaj (p) 11′

Besa Pejë-Drenica 0-0