E vetmja rrugë nacionale që lidh Fierin me Semanin dhe Parkun Arkeologjik të Apolonisë ishte gati e pakalueshme. Aktualisht vendorët po ndërhyjnë për ta sistemuar e asfaltuar.
Jo më larg se dy javë më parë, turistët mbesnin në mes të rrugës. Udhëtimi i tyre për në Apolloni dështonte. Të huaj dhe vendas largoheshin pa e parë nga afër qytetin antik.
Më shumë se 20 vjet u deshën që makineritë të mbërrinin në këtë segment. Po ndërhyhet për rikonstruksionin e saj.
Më shumë se kushdo janë gëzuar banorët e Pojanit dhe të Dermenasit. Jo vetëm për rëndësinë e të përditshmes së tyre, por kështu me një rrugë të asafaltuar besojnë se zona e tyre do të vizitohet.
Ky segment është e vetmja lidhëse mes rrugës nacionale Fier-Seman dhe Parkut Arkeologjik të Apollonisë, një ndër pikat turistike më të rëndësishme në vend./abcnews.al
