Gjykata për Krimet e Rënda e ka nisur me shtyrje procesin gjyqësor ndaj deputetit Tom Doshi. Bëhet fjalë për gjykimin e dosjes penale ku Doshi akuzohet për “refuzim për deklarim, mosdeklarim, fshehje ose deklarim i rremë i pasurisë”. Shkak i shtyrjes së seancës të së premtes u bë mosparaqitja e prokurorit në sallën e gjyqit. Nga ana tjetër edhe Doshi kishte zgjedhur të mos paraqitej, por ai përfaqësohej me avokat. Ky procedim penal u zhvendos tek Krimet e Rënda nga Gjykata e Lartë, e cila në nëntor 2017 shpalli moskompetencë.
Sipas prokurorisë, deputeti Tom Doshi nuk ka deklaruar disa transaksione financiare të kryer prej tij në harkun kohor 2005-2017./abcnews.al
