Presidenti i Republikës Srpska, Milorad Dodik deklaroi se prania e pjesëtarëve të KFOR-it nuk garanton sigurinë e popullit serb në Kosovë.
Përmes një postimi në rrjetet sociale, Dodik u shpreh se reagimi i KFOR-it ndaj serbëve është krejtësisht i papërshtatshëm.
“Reagimi krejtësisht i papërshtatshëm i pjesëtarëve të KFOR-it ndaj popullit serb që po mbron të drejtën e tij për të jetuar në Kosovë. Sjellja e tyre tregon se prania e tyre nuk garanton sigurinë e popullit serb”, shkroi Dodik në Twitter.
Потпуно је непримјерена реакција припадника КФОР-а према голоруком српском народу који брани своје право на живот на Косову и Метохији.
Такво понашање показује да њихово присуство не гарантује безбједност српском народу.
За тренутну ситуацију искључиво су одговорни представници…— Милорад Додик (@MiloradDodik) May 30, 2023
Ai vlerësoi se përgjegjës për situatën aktuale në veri të Kosovës janë vetëm përfaqësuesit e bashkësisë ndërkombëtare, të cilët, siç theksoi, krijojnë zgjidhje të paqëndrueshme duke mos respektuar të drejtën ndërkombëtare dhe marrëveshjet e nënshkruara.
“Republika Srpska i jep mbështetje të plotë popullit tonë në kërkesat e tyre për t’u siguruar atyre një jetë normale dhe paqësore,” tha Dodik./abcnews.al
