Diego Costa i dha fund aventurës me Atletico Madrid në merkaton e janarit. Sulmuesi potent ndërpreu bashkëpunimin me klubin spanjoll dhe është lojtar i lirë prej datës 1 janar.
Shumë është përfolur për të ardhmen e tij gjatë kësaj periudhe, teksa goleadori ishte pranë kalimit në Brazil. Gjithsesi, aventura e tij evropiane do të vazhdojë.
A Bola dhe Record raportojnë se 32-vjeçari ka arritur akordin me Benfikën. Diego Costa do të marrë 3 milion euro bonus në momentin që do të firmosë kontratën, ndërsa po kaq do të jetë edhe rroga e tij sezonale. /abcnews.al
