portugali

merlin_169905456_c2bf98c3-c590-454e-94f2-f7d4dbba93dd-articleLarge.jpg

Një djalë 14-vjeçar nga Portugalia besohet të jetë një nga personat më të rinj në moshë që kanë ndërruar jetë si pasojë e koronavirusit në Evorpë. Adoleshenti nga Ovari, raportohet të ketë ndërruar jetë në orët e para të së dielës pasi u dërgua me urgjencë në spitalin Sao Sebastiao.

Thuhet se 14-vjeçar vuante nga psoriaza, por veç kësaj nuk ka pasur probleme të tjera madhore shëndeti. Lajmi për vdekjen e tij vjen shumë pak ditë pasi një 16-vjeçare franceze që quhej Julie Alliot ndërroi jetë si pasojë e koronavirusit, shkruan abcnews.al

Edhe adoleshentja franceze nuk kishte pasur probleme të mëparshme shëndetësore. Si fillim ajo kishte pasur vetëm një kollë të lehtë dhe më pas gjendja e saj u përkeqësua.

Nuk dihet ende identiteti i adoleshentit portugez, ndërsa mediat raportojnë se mjekët vendosin të mos ta transferonin tek një spital pediatrik pasi ndodhej në gjendje të rëndë dhe nuk e dinin nëse mund ta përballonte udhëtimin.

Përpara këtij rasti tragjik, Alliot ishte viktima më e re në moshë nga koronavirusi në Evropë. /abcnews.al

Disa ditë më parë doli lajmi se Cristiano Ronaldo do të kthente hotelet e tij në Portugali në spitale në ndihmë të koronavirusit, por ky ishte një lajm i pavërtetë. Gjithsesi, ylli portugez, i cili njihet për zemrën e madhe, nuk mund të qëndrojë pa bërë gjë në këtë periudhë të vështirë.

AS raporton se sulmuesi i Juventusit dhe agjenti i tij, Jorge Mendes, do blejnë produkte të ndryshme mjekësore për t’i dhuruar për spitalet e vendit të tij. Rreth 50 mijë maska mbrojtëse do të blihen për spitalin Sao Joao të Portos.

Mendes është një nga agjentët më të mëdhenj në botën e futbollit dhe zotëron shumë futbollistë. Edhe këta të fundit pritet t’i bashkohen nismës dhe do të dhurojnë donacionet e tyre për të ndihmuar në luftën kundër koronavirusit. /abcnews.al

Cristiano Ronaldo teaches his kids how to #staysafe from coronavirus by washing their hands 👶

(🎥: IG/cristiano) pic.twitter.com/HTmF18RMhE

— Goal (@goal) March 21, 2020

Një lajm shumë i mirë ka ardhur nga Portugalia pak çaste më parë, pasi e ëma e Cristiano Ronaldos, Dolores Aveiro, ka dalë nga spitali. Prej disa ditësh, e ëma e yllit portugez ishte nën kujdesin e mjekëve dhe e shtuar në spital, për shkak të një goditje në tru.

Një sëmundje e rëndë dhe një situatë alarmante, por për fat të mirë, gjithçka është lënë pas dhe gjendja shëndetësore e Dolores Aveiro, është përmirësuar ndjeshëm. Vetë Cristiano ka qenë gjatë gjithë kohës pranë të ëmës së tij dhe familjarëve.

Kujtojmë që Ronaldo e ka humbur babanë e tij shumë kohë më parë, kur ishte vetëm 19 vjeç dhe luante për Manchester United. Me të ëmën, CR7 është shumë i lidhur dhe këtë gjë e ka pranuar dhe vetë publikisht. Një lajm i mirë për Ronaldon, familjen Aveiro dhe për të gjithë botën e futbollit./abcnews.al

Cristiano Ronaldo po qëndron i izoluar në Madeira, qytetin e tij të lindjes në Portugali. Të gjithë anëtarët e Juventusit ndodhen në karantinë pas infektimit të mbrojtësit Rugani me COVID-19.

Dita e djeshme nuk ka qenë e qetë për yllin portugez. Një tërmet ka goditur Portugalinë, por për fat nuk ka qenë shumë i fortë. 3.5 ka qenë magnituda e tërmetit që ka trembur qytetarët luzitanë.

Epiqendra e lëkundjeve sizmike ka qenë në Madeira, teksa janë ndjerë lëkundje edhe në kryeqytetin e Lisbonës. CR7 po qëndron afër mamasë së tij, e cila pati disa problem shëndetësore, dhe gjendja e jashtëzakonshme në Itali e ka penguar të rikthehet në Torino. /abcnews.al

Koronavirusi po bllokon gjithçka dhe aktivitetet sportive në vende të ndryshme po pezullohen. Shteti i radhës që ka vendosur të ndërpresë gjithçka është Portugalia.

Federata e vendit luzitan ka vendosur të pezullojë të gjitha kampionatet dhe evenimentet sportive. Situata është kritike dhe nuk mund të bëhet fjalë për futboll apo sporte të tjera në këto momente të vështira, kështu që sporti portugez ka nisur pushimet. /abcnews.al

Futbollistët kanë fatin e madh të gëzojnë popullin me performancat, golat dhe fitoret e tyre. Ata janë idhuj të shumë tifozëve dhe simbole të vendeve nga vijnë. Prej vitesh diskutohet se kush është lojtari më i mirë në botë: Cristiano Ronaldo apo Leo Messi?

Kjo dilemë do vazhdojë gjithmonë, edhe pasi dy yjet e futbollit botëror t’i japin fund karrierave të tyre. CR7 vazhdon të shkëlqejë dhe në Portugali krenohen me faktin që më i miri në botë është një patriot i tyre.

Diçka që duhet ta kenë të qartë të gjithë, sidomos turistët e shumtë që vizitojnë vendin luzitan. Një shofer autobusi ka ua ka përsëritur këtë “ligj” turistëve. Video e tij është bërë virale dhe është shumë e këndshme.

“Ju duhet ta respektoni këtë ligj, nëse doni të mbijetoni në Portugali. Më besoni! Nëse nuk jeni dakord me mua, jeni të lirë të dilni nga dyert. Ligji është i thjeshtë: Cristiano Ronaldo është futbollisti më i mirë në botë“, deklaron shoferi, i cili shkakton ilaritet mes turistëve. /abcnews.al

Public bus driver in #Portugal telling us an important rule for traveling the country 🤣🤣 @Cristiano pic.twitter.com/TpPLJrsxUo

— ابن حتوتة (@IbnHattuta) March 9, 2020

Një tërmet me magnitudë 5.2 goditi arkipelagun portugez Madeira në Portugali. Dridhjet e forta të tokës kanë shkaktuar panik, ndërsa banorët i kanë lënë banesat të frikësuar.

Tërmeti i fuqishëm është ndjerë edhe në zona tjra të Ishujve Kanarie, ndërsa ka bërë që turistët t’i lirojnë hotelet dhe të largohen.

Pamjet që janë marrë në Sao Vicente, tregojnë besimtarët që u detyruan të dalin me shpejtësi nga kisha, ku po zhvillohej një koncert me muzikë barok.

Ministri i turizmit, ka qenë në mesin e besimtarëve në kishë, ku nuk është shkaktuar ndonjë incident.

Si pasojë e rënies së gurëve, tri rrugë kryesore janë detyruar të mbyllen përkohësisht, ndërsa ia janë kthyer normalitetit pasi gurët u larguan.

Dridhjet e vazhdueshme që zgjatën deri në një minutë, konsiderohet se janë më të fuqishme në Madeira në 45 vitet e fundit.

/abcnews.al

Fali Ramadani , disa ditë më parë ishte në shënjestër të autoriteteve spanjolle, ndërkohë që tanimë ka qenë radha e Jorge Mendes, menaxherit më të fuqishëm në botë. Autoritetet e taksave në Portugali kanë mbërritur në shtëpinë e tij dhe kanë bërë një kontroll, sikurse raporton sabado.pt.

Mendes, i cili përfaqëson portugezin Cristiano Ronaldo dhe trajnerin Jose Mourinho, po hetohet për pastrim parash. Dyshimet janë me lojërat që agjenti i njohur mund të ketë bërë me të drejtat e imazhit të klientëve të tij. Fitimet e Mendez janë të mëdha dhe autoritetet portugeze po tentojnë të zbulojnë diçka.

Ato nuk kanë kontrolluar vetëm shtëpinë e Mendes, pasi kanë zbarkuar edhe në klube si Porto, Benfica, Sporting Lisbon dhe Braga, ku janë kërkuar dokumente të ndryshme. Gjithashtu kontroll kanë bërë edhe në zyrat e agjentit në Porto dhe Lisbone. /abcnews.al

Gola të bukur mund të gjesh kudo, por ky që është shënuar në Portugali është tepër i veçantë dhe i një vështirësie të jashtëzakonshme. Ferreira mposhti jashtë fushe Aves 1-3 dhe fitoi “finalen” e mbijetesës.

Goli i parë erdhi në minutën e 27-të dhe u shënua nga skuadra mike. Kapiteni Pedrinho lëshoi një “predhë” drejt portës së Aves falë një koordinimi perfekt, duke i hapur rrugës triumfit të skuadrës së tij. /abcnews.al