Loading ...
Tensione dhe përplasje u regjistruan këtë të enjte gjatë protestës së zhvilluar para Kuvendit, ku pati incidente të dhunshme mes protestuesve dhe forcave të policisë. Mes të shoqëruarve në komisaritatet nr 1 dhe nr 4, 8 persona janë arrestuar. Ata janë identifikuar si: Besard Kajmi, Aristotel Elezaj, Gentjan Progni, Durim Bami, Kujtim Pervataj, Romario Dushi, Ardit Ymaj, Niko Qarkaj.
Sipas të dhënave nga Spitali Universitar i Traumës, gjatë ditës së sotme morën trajtim mjekësor 14 efektivë policie dhe 2 protestues. Nga efektivët e lënduar, 4 vijojnë të marrin trajtim mjekësor, ndërsa pjesa tjetër, së bashku me protestuesit, janë larguar nga spitali pasi kanë marrë ndihmën e nevojshme.
Ndërkohë, në Qendrën Spitalore Universitare “Nënë Tereza” u trajtuan 1 efektiv policie dhe 2 protestues, të cilët, sipas autoriteteve shëndetësore, kanë lënë ambientet e spitalit pas marrjes së kujdesit mjekësor.
