Një atentat mafioz ka ndodhur mesditën e djeshme në qytetin e Durrësi, ku është tentuar eliminimi fizik i një personi.
Burime për ABC bëjnë të ditur se shënjestër e këtij sulmi ka qenë një person i identifikuar si Akil Nerjaku.
Ndryshe nga sa jemi mësuar ku sulmohet me makina të vjedhura dhe më pas zhduken, në këtë atentat është përdorur një armë tip “snajper” që tregon se krimi i organizuar po i çon në një tjetër nivel atentatet ndaj kundërshtarëve.
Ngjarja ka ndodhur në afërsi të zonës së quajtur “Rrota e Kuqe”, ku autori me snajper mësohet se ka qëlluar nga brenda një furgoni. Ka dyshime të forta se autori e ka ruajtur shenjëstrën i cili lëvizte me një “G – Class” të blinduar. Sapo Akil Nerjaku, ka zbritur nga makina me të cilën lëvizte, drejt tij është qëlluar me Snajper, por plumbi nuk e ka kapur.
/abcnews.al/
