Shqipëria po transformohet në një magnet për nomadët dixhitale ose të rinjtë që punojnë në distancë me anë të internetit. Vlerësimi vjen nga faqja amerikane ‘Travel Off Path” për vitin 2024. Në artikullin kushtuar Shqipërisë theksohet se një nga arsyet e rritjes së numrit të tyre në Shqipëri është dhe për shkak të lehtësirave mbi lejet e qëndrimit. Kur bëhet fjalë për qytetarët amerikanë Shqipëria ofron një privilegj që nuk e kanë shtetasit e tjerë duke dhënë leje qëndrimi 1-vjeçare.
Shqipëria lëshon leje hyrjeje njëvjeçare për amerikanët në vend. Kjo do të thotë që ju mund të fluturoni për në Shqipëri ose të kaloni një kufi tokësor nga ndonjë nga vendet e shumta fqinje të saj dhe t’ju jepen 365 ditë të tëra për të qëndruar në territorin kombëtar, mbi bazën e të qenit amerikan.
Përtej lehtësirave të qëndrimit në shkrim nuk lihen pa përmendur edhe bukuritë mahnitëse që mund të shijohen, historia, kultura dhe ushqimi.
Ky është një vend që ka të gjitha cilësitë e një destinacioni thelbësor mesdhetar: ka plazhe të pacenuara të përqafuara nga ujërat bruz, kuzhinë të këndshme, mot të shkëlqyeshëm dhe një histori magjepsëse. Dallimi i vetëm është, ndryshe nga Italia Greqia apo ndonjë vend i Evropës Jugore në afërsi, Shqipëria nuk është në Eurozonë dhe çmimet janë shumë më të ulëta se mesatarja.
Sipas “Travel off Path”, disa nga qytetet më të preferuar për Nomadët dixhitalë rezultojnë se janë Durrësi i cili cilësohet një port i lashtë i Adriatikut me origjinë greko-romake, Shkodra shumëngjyrëshe në veriun malor të Shqipërisë dhe në Gjirokastër, një qytet i ruajtur i shekullit të 12-të që mban statusin e Trashëgimisë Botërore të UNESCO-s./abcnews.al
