Deputetët demokratë janë koordinuar para pjesëmarrjes në komisionet parlamentare të ditës së sotme. Njëlloj si në ditët e kaluara, kanë orienruar debatin rreth dorëheqjes së ministrit të brendshëm, duke shkaktuar polemika me kolegët socialistë.
Deputetët demokratë pjestarë në komisione zhvilluan një mbledhje në Kryesinë e Kuvendit ku vendosën vijimin e diskutimit të çështjes “Xhafaj” në komisionet parlamentare pavarësisht rendit të ditës.
Deputetët demokrat u mblodhën në sallën e grupit në Kryesinë e Kuvendit në 10 pa 15 minuta ku vendosën vijimin e pjesmarrjes në disa komisione parlamentare për të zbatuar strategjinë e denoncimit të çështjes “Xhafaj” pavarësisht rendit të ditës. Në komisionin e ligjeve kryetari Ulsi Manja vijoi shqyrtimin e kalendarit të paracaktuar për votim në komision, aq sa mundi…
Deputetët vazhduan denoncimin nga mikrofonet e një tjetër komisioni, atij të integrimit, duke theksuar se kjo është çështja më me rëndësi për shqiptarët të cilët i thërrasin të shtunën e 26 majit në orën 11 të protestojnë në Bulevardin dëshmorët e Kombit. /abcnews.al
