Degradohet rruga dytësore Tiranë-Durrës, vështirësi në qarkullim dhe trafik

schedule19:15 - 15 Janar, 2021

schedule 19:15 - 15 Janar, 2021

Nga Maksi Rama

Kjo nuk është në zonat e thella rurale, por rruga dytësore përgjatë autostradës Durrës-Tiranë, e amortizuar pothuajse plotësisht, çka vështirëson kalimin e automjeteve.

Dëmtimi i kësaj rruge në zonën industriale të kryeqytetit krijon vështirësi si për bizneset që janë të vendosura përgjatë këtij segmenti, por edhe për qytetarët.

Mungesa e mirëmbajtjes dhe reshjet e shiut ditët e fundit, e kanë çuar drejt degradimit këtë segment rrugor tepër të rëndësishëm.

Gropa të mëdha me ujë vështirësojnë qarkullimin e automjete duke krijuar trafik të rënduar pothuajse në çdo orar të ditës.

Më shqetësuese bëhet situata sidomos në rastet e emergjencave. Gjëndja e këtij segmenti ka shkaktuar dëmtime serioze të automjeteve, duke shtuar kostot për qytetarët.

Amortizimi i rrugës dytësore Tiranë-Durrës, është kthyer në një pengesë serioze edhe për mbërritjen në orar të punonjësve të shumtë pranë bizneseve ku punojnë. /abcnews.al