Ministri i Brendshëm Taulant Balla, nëpërmjet një reagimi në rrjetet sociale, shprehet se i ka tërhequr vëmendje Policisë së Shtetit për lejimin e akumulimit të gjobave për shkelje të rregullave të qarkullimit rrugor nga automjeti i Ministrisë së Brendshme.
ABC News mëson se automjeti i Ministrisë të cilën Balla drejton tani ka pasur 3 gjoba për shkelje të qarkullimit rrugor, të marra në vitin 2021 dhe 2022, dy në Tiranë dhe një në Lushnje.
“Është për të ardhur keq, sepse përveç të tjerash ministrat nuk i drejtojnë makinat vetë dhe s’ka pse emrat e tyre të përfliten nëpër portale apo tv (siç ndodhi sot me paraardhësin tim që sapo la detyrën) për shkak se Policia e Shtetit nuk ekzekuton vendimet e gjobave përkatëse” shkruan ndër të tjera Balla.
Ai shton se standarti i vendosur nga kryeministri Rama që në ditën e parë të marrjes së detyrës ka qenë i qartë se duke filluar nga eskorta e kryeministrit dhe më pas të gjitha automjetet e tjera zyrtare të ministrave, deputetëve dhe me radhë nuk mund të shkelin rregullat e qarkullimit rrugor, vetëm në rast kur ka emergjenca të lidhura me detyrën.
Reagimi i Taulant Ballës:
