gjoba
eri Ida12:17 | 29/03/2020
Policia e Shtetit në vijim të masave të marra për parandalimin e përhapjes së koronavirusit është bërë me dije se vetëm në 24 orë janë hequr 25 patenta dhe janë ndërshkuar 89 persona që kanë shkelur rregullat.
Ndërkohë, 5 shtetas janë ndëshkuar me masë administrative 20.000 lekë dhe bllokim mjeti për 3 muaj, pasi nuk kanë zbatuar urdhrin për kufizimin e lëvizjeve në parqe dhe zona të gjelbra të hapura.
Njoftim i plotë:
Vijojnë kontrollet në të gjithë territorin, në zbatim të masave kufizuese të shpallura nga qeveria shqiptare, për vënien në kontroll të pasojave që sjellin përhapjen e COVID-19.
Gjatë 24 orëve të fundit, në të gjithë vendin, janë evidentuar 25 drejtues mjetesh që kanë shkelur urdhrin e ndalim qarkullimit, të cilët janë ndëshkuar me heqje të lejes së drejtimit dhe bllokim mjeti, në zbatim të Aktit Normativ Nr. 3, datë 15.03.2020 ”Për marrjen e masave të veçanta administrative gjatë kohëzgjatjes së periudhës së infeksionit të shkaktuar nga virusi COVID-19″.
Në të gjithë vendin, nga strukturat e Policisë janë ndëshkuar me masë administrative 10.000 lekë, 89 shtetas, të cilët u konstatuan nga shërbimet e Policisë duke lëvizur në këmbë apo me biçikleta, pa ndonjë arsye apo emergjencë.
5 shtetas janë ndëshkuar me masë administrative 20.000 lekë dhe bllokim mjeti për 3 muaj, pasi nuk kanë zbatuar urdhrin për kufizimin e lëvizjeve në parqe dhe zona të gjelbra të hapura, në zonat urbane apo mjedise të tjera publike të hapura.
Në të gjithë vendin janë konstatuar 13 njësi tregtie që nuk kanë zbatuar orarin e mbylljes dhe ndaj administratorëve është marrë masë administrative 100.000 lekë për secilin.
Duke filluar nga dita e hënë, nuk do të lejohet asnjë këmbësor të dalë për shtëtije, aktivitet sportiv apo për motive të tjera, përveç emergjencave mjekësore dhe atyre që shkojnë në punë.
Për të bërë pazar në qendrat urbane, një pjesëtar i familjes duhet të aplikojë në e-Albania apo në numrin falas 55155, për t’u pajisur me autorizim, ndërsa pensionistët nuk lejohen në mënyrë kategorike të dalin nga banesa.
Shërbimet e Policisë, nëse do konstatojnë këmbësorë me mungesë të email-it apo mesazhit konfirmues nga e-Albania, do të aplikojnë gjobat ndaj tyre.
Policia e Shtetit apelon për të gjithë qytetarët që të respektojnë masat kufizuese, për të bërë të mundur parandalimin e përhapjes së COVID-19./abcnews.al
eri Ida16:21 | 27/03/2020
Teksa vendi ynë është izoluar për shkak të masave që janë marrë për mospërhapjen e koronavirusit, duket se këmbësorët vijojnë të jenë të pabindur për të zbatuar rregullat. Në 24 orët e fundit policia ka gjobitur 100 persona që lëviznin pa pasur arsye emergjente, ndërsa dy të tjerë janë prangosur pasi dhunuan efektivët e rendit.
Në një kohë kur vendi ynë është izoluar për shkak të mospërhapjes më në masë të COVID-19, këmbësorët po vijojnë të mbeten më të pabindurit për të respektuar kufizimin e orarit të daljes, në rastet e nevojshme. Ata janë gjobitur me 10 mijë lekë sicili.
Ndërsa në Vlorë, policia ka arrestuar 2 këmbësorë, të cilët edhe pse thyen urdhrit e lëvizjes, kundërshtuan dhe dhunuar punonjësit e policisë. Kontrollet e efektivëve kanë vijuar edhe për drejtuesit e mjeteve të cilët qarkullojnë pa autorizimin përkatës, apo që kanë shkelur urdhrin e ndalim qarkullimit. 45 shoferëve u është hequr leja e drejtimit për 3 vite dhe u është bllokuar mjeti.
Në Lezhë, policia arrestoi një 19 vjeçar, i cili lëvizte me makinë, pa pasur leje drejtimi. Me masë administrative 20.000 lekë dhe bllokim mjeti për 3 muaj, janë ndëshkuar 6 persona, pasi nuk kanë zbatuar urdhrin për kufizimin e lëvizjeve në parqe dhe zona të gjelbërta të hapura, në zonat urbane apo mjedise të tjera publike të hapura. Ndërsa administratorët e 13 njësive tregtie që nuk kanë zbatuar orarin e mbylljes janë gjobitur me 100.000 lekë secili./abcnews.al
in a18:06 | 17/03/2020
Pavarësisht gjobave që policia do të aplikojë edhe tek këmbësorët që lëvizin pas orës 18:00, si dhe për ata që ulen në sheshe e në parqe, duket se qytetarët e Tiranës janë të pabindur për të zbatuar urdhrat e autoriteteve shëndetësore që të mos dalin nga shtëpitë kur nuk është e nevojshme.
Mëngjesi i të martës e deri në mesditë Tirana i ngjasonte një ditë të zakonshme.
Dhjetëra këmbësorë shiheshin në rrugë të ndryshme të kryeqytetit. Një pjesë e tyre, të ulur edhe nëpër stolat pranë pallateve ku banojnë, duke pirë kafe e raki.
Duke pohuar se vendimi për tu gjobitur edhe shkelësit e rrugës është i duhur, ata shprehen se po mbajnë distancën nga njëri-tjetri.
“Shumë dakort, e zbatoj distancën, mora një ajrosje dhe ika”, shprehet një i moshuar.
“Lokalet i kanë mbyllur, të gjitha i ka mbyllur. Kafen e bëmë në shtëpi. Nuk ka shtet që e ndalon, sëmundja do të bëjë të sajën”, tha më tej një i moshuar tjetër.
Në disa zona të tjera të Tiranë parqet ishin të zbrazëta. Ndërsa në parkun pranë stadiumit Dinamo, policia dhe ushtria këshillonte të moshuarit që të mos qëndronin më aty, duke i shoqëruar më pas në banesë.
Në Liqenin Artificial, ku nuk lejohet më hyrja e qytetarëve, disa prej tyre vihen re të kenë hyrë nga pjesa e pasme e kodrave të liqenit. Punonjës të Policisë Bashkiake, u vunë në lëvizje për t’i larguar prej andej.
Ndërgjegjësim të qytetarëve duke qëndruar në distanca të largëta nga njëri-tjetri u vu re tek ata persona që prisnin në rradhë jashtë bankave të nivelit të dytë.
Bankat do vijojnë të jenë të hapura dhe të ofrojnë shërbimet normalisht si në ditët e zakonshme, por me staf të reduktuar për shkak të masave të ndërrmara për mos përhapjen në masë të COVID-19. Edhe në këto ambiente është mbajtur distanca mes punonjësit dhe klientit./abcnews.al
nev ila11:19 | 15/03/2020
Kryeministri Rama ka vazhduar përsëri të postojë pjesë të aktit normativ ne faqen e tij zyrtare.
Sipas Kryeministrit çdo rritje dhe abuzim me cmimet nëse nuk është i diktuar nga Importimi i mallrave do të dënohet me gjobë 5 milion lekë për shitjen me shumicë dhe shitjen me pakicë 100 mijë lekë deri në mbyllje të veprimtarisë për 6 muaj.
Rama shkruan se akti normativ për rritjen e çmimeve vlen për shitjen e të gjithë mallrave dhe produkteve ushqimore, barnave, pajisjet mjekësore.
Këto çmime do të krahasohen me vlerën që kanë patur shitjet e tyre në të njëjtën periudhë, vitin e kaluar.
Postimi i Ramës:
“RRITJA ABUZIVE E ÇMIMIT TË SHITJES TË TË GJITHA MALLRAVE DHE PRODUKTEVE USHQIMORE, BARNAVE, PAJISJEVE MJEKËSORE DHE SHËRBIMEVE, NË KRAHASIM ME ÇMIMIN E TYRE NË SHITJE TË RREGULLT TË TREGTUAR NË MUAJT PARAARDHËS NGA DATA E HYRJES NË FUQI TË KËTIJ AKTI NORMATIV DHE PËR PRODUKTET SEZONALE, SIPAS ÇMIMIT TË TREGTUAR NË TË NJËJTËN PERIUDHË KOHORE TË VITIT PARAARDHËS NGA DATA E HYRJES NË FUQI TË KËTIJ AKTI NORMATIV, KUR NUK VJEN SI PASOJË E ÇMIMIT NGA IMPORTI I TYRE, DËNOHET ME GJOBËN 5 000 000 (5 milionë) LEKË PËR SHITJEN ME SHUMICË DHE 100 000 (njëqind mijë) PËR SHITJEN ME PAKICË. NË RAST PËRSËRITJEJE SUBJEKTIT I MBYLLET VEPRIMTARIA PËR 6 MUAJ”, shkruan Rama./abcnews.al
eri Ida18:40 | 12/03/2020
Nëse nuk zbatoni rregullat e vendosura nga qeveria për parandalimin e përhapjes se koronavirusit të ri do të ndëshkoheni rëndë.
Këshilli i Ministrave ka disafishuar gjobat dhe ndryshimet në ligjin për “parandalimin dhe luftimin e infeksioneve dhe sëmundjeve infektive” janë botuar në fletoren zyrtare.
Nga 500 mijë lekë që ishte gjoba deri në mbyllje të veprimarisë në rast përsëritje nëse;
Nuk sigurohet uji i pijshëm higjenik si dhe mbrojtja sanitare e burimeve, objekteve dhe rrjetit shpërndarës për furnizimin publik me ujë të pijshëm. Ruajtja e kushteve higjeno-sanitare në ndërtesa publike e jopublike në mjetet e komunikacionit publik apo mjedise të hapura.
Sigurimi i mjeteve personale që shërbejnë për mbrojtjen e punonjësve të shëndetësisë dhe personave të tjërë të ekspozuar ndaj agjentëve infektues. Sigurimi i infrastrukturës së posacme për parandalimin e sëmundjeve infektive dhe izolimi në karantinë në veçanti.
Dënimi shkon nga gjobë 500 mijë lekë deri në 700 mijë lekë dhe në rast përsëritje mbyllet veprimtaria.
Nësë më parë mosmarrja e masave të veçanta si izolimi në karantinë, transporti i sigurtë, diagnoza e saktë dhe në kohë reale mikrobiologjike, trajtimi dhe shërimi I personave të sëmurë, gjurmimi I kontakteve dënohej me gjobë 100 mijë lekë tashmë dënimi shkon nga 100 mijë deri në 700 mijë.
Po kaq është gjoba dhe për mos zbatimin e urdhërit për mbylljen e shkollave, aktiviteteve publike dhe jopublike, grumbullimet masive në vende të hapuara apo të mbyllura.
Refuzimi për vendosjen nën mbikqyrjen shëndetësore të punonjësve që punonjë në prodhimin dhe tregtimin e artikujve ushqimorë apo që punonjë në furnizimin e popullatës me ujë të pijshëm të cilët në kontakt të drejtpërdrejt me ushqime
Shërbejnë në inistucionet shkollore dhe parashkollore, cerdhe dhe kopshte, institucionet shëndetësore ato të përkujdesjes sociale ,
Punojnë në shërbime të tilla si banjë publike, qendra estetike dhe shërbime të ngjashme
Gjobitej nga 500 mijë lekë per personin object mbikqyreje dhe 100 mijë lekë për punëdhënesin tashmë denimi shkon nga 100 mijë lekë për personin object I mbikqyrjes shëndetësore dhe 700 mijë lekë për punëdhënësin e tij.
Ndërsa moskryerja e veprimeve të detyrueshme për përballimin e epidemive si deklarimi I tyre, më herët gjobitej nga 10 mijë deri në 50 mijë lekë tashmë ka shkuar nga 100 mijë deri në 500 mijë lekë dhe me mbyllje të veprimtarisë.
Për të siguruar zbatimin e masave parandaluese gjatë një epidemie si kjo e Covid 19, por dhe fatkeqësive natyrore apo aksidenti të rëndë që mund të favorizojë shpërthime epidemike angazhohen Policia e Shtetit dhe Forcat e Armatosura. /abcnews.al
eri Ida18:17 | 11/03/2020
Shefi i Sektorit në Drejtorinë e Policisë Rrugore Mitat Tola ka bërë me dije masat që janë marrë në kuadër të masave mbrojtëse për koronavirusin në vendin tonë.
Gjatë një prononcimi për mediat Tola ka bëtë me dije se me urdhër të Drejtorit të Përgjithshëm të Policisë së Shtetit Ardi Veliu do të pezullohen një numër i madh i aktiviteteve dhe shërbimeve të OASH-ve për trajtimin e kundërvajtjeve administrative”.
Njoftimi i plotë:
Shefi i Sektorit në Drejtorinë e Policisë Rrugore Mitat Tola, gjatë një interviste, ka shpjeguar mënyrën e re të funksionimit të OASH-së, pranë DVP-ve.
Në kuadër të masave të marra me qëllim parandalimin e përhapjes së coronavirusit, Drejtori i Përgjithshëm i Policisë së Shtetit Ardi Veliu ka nxjerrë urdhrin “Për pezullimin e përkohshëm të veprimtarisë dhe shërbimeve të OASH-ve për trajtimin e kundërvajtjeve administrative”.
Nisur nga situata e krijuar në vend, në kushtet e mbrojtjes dhe të parandalimit të përhapjes së virusit COVID 19, të nevojës për shmangien e kontakteve fizike të punonjësve të Policisë Rrugore në seancat e verifikimeve të kundërvajtjeve administrative prej OASH-ve vendore, me qëllim vijimin e procedurës administrative dhe të shqyrtimit në një format në mungesë të kundërvajtësit dhe kufizimin e kontakteve fizike, deri në normalizimin e situatës shëndetësore në vend, ky urdhër, për një periudhë dyjavore, parashikon:
– Pezullimin e veprimtarisë së organeve administrative shtetërore të Policisë Rrugore pranë sektorëve të Policisë Rrugore në Drejtoritë Vendore të Policisë, në mënyrën si zhvillohet sot me prezencën e kundërvajtësit ;
– Aktiviteti administrativ i OASH-ve për shqyrtimin e masave plotësuese dhe ato me gjobë do të vazhdojë të zhvillohet në mungesë të kundërvajtësve, duke shmangur praninë e tyre në zhvillimin e seancave verifikuese dhe të shqyrtimit të tyre ;
-Vendimet e marra nga ana e OASH-ve do t’u dërgohen me postë të zakonshme kundërvajtësve dhe menjëherë, sapo vendimi të merret, pasqyrohet në E-GJOBA;
-Agjentët verifikues dhe patrullat e Policisë Rrugore, në çdo rast që konstatojnë shkelje rrugore që janë objekt shqyrtimi pranë OASH-ve, i transmetojnë kundërvajtësit detyrimin për mosparaqitjen në OASH dhe i kërkojnë, kundrejt miratimit të tij, një numër telefoni celular, të cilin e vendosin në rubrikën e “adresës” tek procesverbali i konstatimit të shkeljes, në të gjitha kopjet. OASH-ja respektive, në rastet kur është e mundur, i dërgon në numrin e deklaruar nga qytetari në aplikacionin WhatsApp, vendimin në formatin PDF. Njëkohësisht, me procedurë të rregullt postare i dërgon kundërvajtësit, vendimin e firmosur dhe vulosur.
Në të gjitha rastet do të respektohen afatet e përcaktuara në Kodin Rrugor.
Autor E16:53 | 27/02/2020
Drejtimi i makinës duke folur në telefon apo shkruajtur SMS është kthyer në një problematikë të prehtë kohë e fundit duke bërë që policia të gjëjë zgjidhjen tek rritja e nivelit të gjobave dhe përshkallëzimit të tyre në varësi të shkeljes.
Kështu, ndryshe do të gjobiten ata që thjesht kapen me celularin në dorë dhe ndryshe ata që kapen duke shkruajtur SMS.
Gjobat
Drejtimi i mjetit duke përdorur ceularin
-Nëse kapet me celular në dorë, gjobë 5 mijë lekë
-Duke folur në telefon, gjobë 10 mijë lekë
-Duke shkruajtur SMS, gjobë 15 mijë lekë
Kur shkelja përsëritet tre herë në vit, i hiqen 10 pikë nga patenta dhe i pezullohet leja e drejtimit për 3 muaj.
Sjellja agresive në rrugë
Parashikohet gjobë 10-20 mijë lekë si edhe heqje të 5 pikëve nga patenta për ata që sillen në mënyrë agresive në rrugë duke i bërë presion shoferëve të tjerë me drita, bori, etj.
Parakalimi
Në rastet e parakalimeve të gabuara, gjoba ka qenë nga 1 deri në 3 mijë lekë, kurse tani është bërë 5-10 mijë lekë. Nëse përsëritet brenda vitit, hiqet patenta një muaj. /abcnews.al
Autor E16:28 | 27/02/2020
Ministria e Brendshme ka gati ndryshimet në Kodin Rrugor duke ashpërsuar gjobat ndaj shkelësve. Vërehet se është bërë një kategorizim i gjobave për drejtim të mjetit nën ndikimin e alkoolit.
Tashmë, gjoba do të vendoset në varësi të sasisë së alkoolit të konstatuar në gjak, ku maksimalja shkon deri në heqje të patentës deri në 2 vjet, shoqëruar edhe me 20-40 mijë lekë gjobë.
Po ashtu, Kodi i ri parashikon përshkallëzim të gjobave për drejtim të makinës duke përdorur celularin. Gjoba fillon nga 5 mijë lekë nëse drejton makinën me celularin në dore deri në 15 mijë lekë nëse kapesh duke shkruajtur SMS.
Parashikohet se 3-5 për qind e të ardhurave nga gjobat do të kalojnë në fondin për rritjen e sigurisë rrugore.
Abcnews.al ju sjell të detajuara ndryshimet në Kodin Rrugor si më poshtë:
Testi i Idiotit
Ccdo drejtuesi që kapet duke kryer shkelje të rënda të Kodit Rrugore në mënyrë të përsëritur, atij do ti kryhet një test i posaçëm psikologjik, i cili quhet ndryshe dhe si “Testi i Idiotit”. Pas këtij testi do të përcaktohet nëse personi është apo jo i aftë mendërisht të drejtojë makinën.
Këshillimi
Në rastet kur drejtuesi i makinës kapet me shkelje të lehta, ai do të këshillohet nga polici rrugore. Por, sipas ndryshimeve në Kodin Rrugor, këshillimi do të regjistrohet në emër të përdoruesit të makinës dhe nëse kapet sërish me shkelje brenda vitit, atij i vendoset gjoba maksimale e parashikuar për shkeljen e kryer.
Drejtimi i makinës nën ndikimin e alkoolit
Në çdo rast, kur drejtuesi i makinës kapet me nivele më të larta alkooli në gjak nga kufiri i lejuar nga ora 19:00-06:00 atij do t’i vendoset një gjobë 30 për qind më e lartë.
Gjoba për drejtimin e makinës nën ndikimin e alkoolit ishte nga 5 deri në 15 mijë lekë. Tani, nëse kapet me alkool nga 0.3 g/l deri në 0.5 g/l i hiqet leja nga 3 deri në 6 muaj si edhe vendoset gjobë nga 10 deri në 20 mijë lekë.
Nëse sasia e alkoolit është nga 0.8 g/l deri në 1.5 g/l i hiqet patenta nga 1 deri në 2 vjet dhe vendoset gjobë nga 20 deri 40 mijë lekë.
Nëse kapet me më shumë se 1.5 g/l alkool në gjak, i hiqen të gjitha pikët.
Drejtimi i mjetit duke përdorur celularin
-Nëse kapet me celular në dorë, gjobë 5 mijë lekë
-Duke folur në telefon, gjobë 10 mijë lekë
-Duke shkruajtur SMS, gjobë 15 mijë lekë
Kur shkelja përsëritet tre herë në vit, i hiqen 10 pikë nga patenta dhe i pezullohet leja e drejtimit për 3 muaj.
Sjellja agresive në rrugë
Parashikohet gjobë 10-20 mijë lekë si edhe heqje të 5 pikëve nga patenta për ata që sillen në mënyrë agresive në rrugë duke i bërë presion shoferëve të tjerë me drita, bori, etj.
Parakalimi
Në rastet e parakalimeve të gabuara, gjoba ka qenë nga 1 deri në 3 mijë lekë, kurse tani është bërë 5-10 mijë lekë. Nëse përsëritet brenda vitit, hiqet patenta një muaj.
Autor E11:27 | 27/02/2020
Policia synon të rrisë ndjeshëm gjobat për shoferët që drejtojnë makinën nën efektin e pijeve alkoolike, si një ndër shkaqet kryesor të aksidenteve në vend.
Kështu, sipas ndryshimeve të propozuara, tashmë gjoba do të vendoset në varësi të sasisë së alkoolit të konstatuar në gjak, ku maksimalja shkon deri në heqje të patentës deri në 2 vjet, shoqëruar edhe me 20-40 mijë lekë penalitet.
Gjoba
Në çdo rast, kur drejtuesi i makinës kapet me nivele më të larta alkooli në gjak nga kufiri i lejuar nga ora 19:00-06:00 atij do t’i vendoset një gjobë 30 për qind më e lartë.
Gjoba për drejtimin e makinës nën ndikimin e alkoolit ishte nga 5 deri në 15 mijë lekë. Tani, nëse kapet me alkool nga 0.3 g/l deri në 0.5 g/l i hiqet leja nga 3 deri në 6 muaj si edhe vendoset gjobë nga 10 deri në 20 mijë lekë.
Nëse sasia e alkoolit është nga 0.8 g/l deri në 1.5 g/l i hiqet patenta nga 1 deri në 2 vjet dhe vendoset gjobë nga 20 deri 40 mijë lekë.
Nëse kapet me më shumë se 1.5 g/l alkool në gjak, i hiqen të gjitha pikët.
Vladimir Prenga14:41 | 25/02/2020
Komisioni i Disiplinës është mbledhur sot, ndërkohë që nuk kanë shpëtuar nga gjobat klubet e Superiores për shkak të sjelljes së tifozëve, Tirana është gjobitur më së shumti, ndërkohë që së bashku me Kukësin urdhërohen të shlyejnë dëmet e bëra në stadiumin “Air Albania”. Gjoba ka edhe për Skënderbeun, Partizanin dhe Bylisin.
VENDIMET E DISIPLINËS
– KF Skënderbeu, për sjellje të gabuar të spektatorëve, duke ofenduar zyrtarin e ndeshjes në bazë të Nenit 65/1 KDS dënohet me gjobë në masën 100.000 (njëqind mijë) Lekë.
– KF Tirana, për sjellje të gabuar të spektatorëve, në bazë të Neneve 65/1 dhe 65/3/c) të KDS dënohet me gjobë në masën 500.000 (pesëqind mijë) Lekë. KF Tirana, urdhërohet të dëmshpërblejë dëmet e shkaktuara në sektorin përkatës të stadiumit “Air Albania Stadium” sipas akt konstatimit të Qendrës Sportive Kuq e Zi, brenda 15 ditëve.
– FK Kukësi, për sjellje të gabuar të spektatorëve, në bazë të Neneve 65/2 dhe 65/3/c) të KDS dënohet me gjobë në masën 100.000 (njëqind mijë) Lekë.
FK Kukësi, urdhërohet të dëmshpërblejë dëmet e shkaktuara në sektorin përkatës të stadiumit “Air Albania Stadium” sipas akt konstatimit të Qendrës Sportive Kuq e Zi, brenda 15 ditëve.
– FK Partizani, për sjellje të gabuar të spektatorëve, në bazë të Nenit 65/3/c) të KDS dënohet me gjobë në masën 50.000 (pesëdhjetë mijë) Lekë.
– FK Bylis, për sjellje të gabuar të spektatorëve, në bazë të Nenit 65/2 të KDS dënohet me gjobë në masën 50.000 (pesëdhjetë mijë) Lekë. /abcnews.al
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
