Drejtori ekzekutiv i Atleticos ka akuzuar Real Madridin se ka influencuar gjyqtarët.
Atletico humbi dje nga Real Madridi (3:1) në 1/4 e finales së Kupës së Spanjës.
Mesfushori i Realit Dani Ceballos ka marrë karton të verdhë dhe në minutën e 71-të ka bërë një faull pranë zonës së tij të penalltisë në derbin e djeshëm.
“Kam respekt të madh për gjyqtarët dhe jam i bindur se qëllimet e tyre janë gjithmonë më të mirat, por kushdo që shikon nga jashtë mund të shohë se për dekada e njëjta gjë ka ndodhur pothuajse gjithmonë. Për fat të keq, askush nuk është më i befasuar, ky nuk është aspak lajm, thjesht duhet të mbani mend historinë.
Ky është sistemi dhe Atletico nuk mund ta ndryshojë i vetëm. Ne duhet të konkurrojmë sa më shumë që të jetë e mundur dhe të vazhdojmë të punojmë për ta bërë industrinë tonë më të fortë dhe më të drejtë për të gjitha klubet.
Lojtarët tanë kanë vuajtur pasojat e gjithë këtij presioni të djeshëm në fushë dhe kjo më revolton mua, ashtu si çdo tifoz.
Nuk ka justifikime, por ne kemi një kuptim se si funksionon sistemi’, tha Miguel Angel Gil Marin. /G.D abcnews.al/
