Britani, shpërthim i fuqishëm në një ndërtesë në Leicester

Të paktën 4 persona kanë humbur jetën gjatë mbrëmjes të së dielës në Mbretërinë e Bashkuar për shkak të një shpërthimi të fuqishëm. Lajmi është konfirmuar nga policia angleze për BBC. Mësohet se shpërthimi shkatërroi një minimarket në qytetin Leiçester dhe shkaktoi flakë, të cilat shkrumbuan disa banesa që gjendeshin në ndërtesën dy katëshe. Ndërkohë, edhe 4 persona të tjerë janë dërguar në spital për të marrë mjekimin e duhur. Policia britanike ka njoftuar se nuk disponon elemente që mund të lidhin shpërthimin dhe shëmbjen e godinës me terrorizmin. Megjithatë një hetim është hapur lidhur me rastin në fjalë. /abcnews.al