Ish-mbrojtësi i djathtë i Bologna, tashmë i Brentford, Aaron Hickey konsiderohet si një ndër talentet e mëdha për të ardhmen. Edhe pse është vetëm 20 vjeç, Hickey ka vërtetuar se mund të japë shumë në krahun e djathtë teksa ka shkëlqyer në të 20-ta paraqitjet e këtij sezoni me “bletët” e Brentford.
Performancat e tij e vunë skocezin në “radarët” e Manchester City, të cilët e shohin këtë të fundit si një investim perfekt për të ardhmen, mirëpo në konferencën për shtyp të mbajtur ditën e sotme në kuadër të përballjes në kampionat ndaj “bluve” të Chelsea, tekniku i Brentford, Thomas Frank hodhi poshtë të gjitha aludimet rreth këtij transferimi.
“Ne nuk do ta shesim atë. Ai nuk ka erdhi këtu për një vit. Unë mendoj se Hickey është një lojtar i ri, me një talentë të madh dhe ka një të ardhme fantastike përpara tij, por duhet më shumë për të hyrë në Manchester City për sa i përket performancës. Mendoj se ai ka bërë mirë dhe më pëlqen shumë. Ai mund të shkojë atje lart”,- u shpreh tekniku. /i.m /abcnews.al
