Në Durrës çdo ditë ka vizitorë dhe pushues që shfrytëzojnë ditët me diell. Por në plazh ende nuk ka kushte për të nisur vërtet një sezon turistik.
Moti me diell ka gjallëruar plazhin e Durrësit. Shëtitjet buzë detit apo edhe aktivitet e ndryshme sportive mbeten disa prej zgjedhjeve të frekuentuesve. Por, në plazhin më të madh të Durrësit asgjë nuk po ndryshon.
“Marsi konsiderohet si muaj i duhur qe vendoret dhe institucionet e tjera ti paraprinë masave për sezonin turistik. Por në fakt në plazhin e Durrësit ende nuk ka nisur puna”.
Vendasit shpresojnë për një sezon të mbare turistik. Kërkesat e tyre edhe për këtë sezon mbeten ato të përvitshme. Më shumë pastërti, hapësira publike dhe siguri.
Plazhi i Durrësit futet ndër plazhet më të frekuentuara ne vend përgjatë stinës se verës. Por pavarësisht kësaj infrastruktura turistike nuk ka qenë e duhura, duke bërë qe ankesat e pushuesve të jene të vazhdueshme./abcnews.al
