Loading ...
I mblodhi në një tryezë nisma ligjore, votimi në parlament i së cilës u bë kusht i bojkotit të atëhershëm parlamentar të opozitës: dekriminalizimi.
“Arritëm bazën e nevojshme për një luftë më të efektshme ndaj manipulimeve zgjedhore si dhe për një pastrim më efikas të listës së kandidatëve nga shkelësit e ligjit apo ata që po hetohen penalisht”, tha Bochardt.
Tre vjet më vonë, me zyrtarizimin e bojkotit nga opozita përmes djegies së mandateve dhe për pasojë mungesën e saj në tryezë, thirrjen për nevojën e zbardhjes së krimeve elektoral e bëri kreu i misionit të OSBE-së në Tiranë, Berndt Borchardt.
“Autoritetet shqiptare duhet t’i japin prioritet problemit të vazhdueshëm të akuzave të përhapura për shitblerje votash, të cilat kanë cënuar besimin e publikut ne zgjedhje. Nevojiten përpjekje serioze nga të gjitha palët për të trajtuar këtë fenomen, ndjekja ligjore efikase është një nga mjetet kryesore për luftën ndaj shit-blerjes së votës. Jemi duke monitoruar nëse çështjet që denoncohen në prokurori ndiqen vërtetë”, tha ai.
Votimin në parlament të reformës zgjedhore me votat e deputetëve që refuzojnë vendimin politik të opozitës për djegie mandatesh, Borchardt e sheh ende si një mundësi nga pikëpamja ligjore.
“Por a është lëvizje politike e zgjuar? Reformat tuaja elektorale janë votuar gjithmonë nga një shumicë e gjerë dhe ne rekomandojmë dialog për këtë”, u shpreh kreu i misionit të OSBE/ODHIR.
Sa i përket demonstratave të javëve të fundit, Borchardt thekson se protestat janë një normalitet i vendeve demokratike dhe se është vendim i qytetarëve nëse bëhen pjesëmarrës apo jo, sigurisht – theksoi ai – me rëndësi mbetet edhe natyra paqësore e demonstratave./abcnews.al
