Begaj mbërrin në Kuvend për të bërë betim si President, cilët marrin pjesë

Presidenti i ri i vendit Bajram Begaj ka mbërritur në Kuvendin e Shqipërisë, ku do të bëjë betimin si kreu i ri i shtetit.

Në seancë marrin pjesë deputetët e mazhorancës, disa nga përfaqësuesit e opozitës, mes tyre ish-kreu i PD, Lulzim Basha, deputetët Ervin Salianji, Xhelal Mziu dhe Dhurata Çupi si dhe përfaqësues të trupave diplomatikë të akredituar në Tiranë.

Begaj do të jetë Presidenti i tetë i Shqipërisë post komuniste. Ai do të pasojë në këtë detyrë Ilir Metën.

Siç është bërë e ditur më herët, disa nga mbështetësit e Sali Berishës nuk do të marrin pjesë në seancë.

Ndërkohë gazetarja e Abc Erneta Shevroja, bën me dije se në seancë do të marrin pjesë deputete Grida Duma dhe Ina Zhupa, të cilat sëfundmi janë renditur në krahë të Sali Berishës.